السلام عليكم ..
حياك الله أخوي manaas ...
وألف مبروك إن شاء الله ...
أخوي توفيراً للوقت والجهد بغيتك تتطلع على موضوعين لبعض الإخوة الكرام عرسان مثلك وسألوا نفس سؤالك ... عشان تكون فكرة بنفسك ... وبعدين نتناقش في اللي تبي ..
موضوع الأخ سواح :
هنا https://artravelers.com
موضوع الأخ boombistic :
هنا https://artravelers.com
بالتوفيق إن شاء الله ...
وننتظر ردك ...

وانا اوافق رأي الاخ ابو ميسم واي استفسار اخر احنا حاضرين

حبايبي مشكورين على الردود وعلى التفاعل السريع والطرح الجيد
انا من المواضيع اللي شفتها لقيت انسب شي لي هذا البرنامج بس هذا لمدة 20 يوم وانا ابقيه لمدة 14 يوم فشو تقترحون علي ابقى الافضل خاصه للمعاريس
طبعا انا ابي اطير من مطار الدمام الدولي و ولا تنسون الميزانية الله يخليكم

• اول( 3 )ايام في ضواحي كوالا الفندق ( صن واي لاقون ) Villa HoneyMoon
• الإنتقال بالطائرة إلى لنكاوى (3 ) أيام لنكاوي الفندق ( لنكاوي لاقون )
• الإنتقال بالطائرة إلى بينانق (3 )أيام بينانق الفندق ( موتيارا )
• الإنتقال بسيارة خاصة إلى كاميرون(2 ) يومين كاميرون هاي لاند الفندق ( إكوتوريال )
• الإنتقال بسيارة خاصة من كاميرون إلى كوالالمبور مباشرةًوالسكن( 2 )يومينالفندق ( ماندرين أورينتال )
• الإنتقال إلى أفاموزا بسيارة خاصة(2 )يومين في أفاموزا ( فيلا خاصة وبمسبح ) ( منتجع أفاموزا )
• العودة إلى كوالالمبور(5 )أيام كوالالمبور الفندق ( ماريوت ) ...

1. إختيار موفق إن شاء الله ...

السلام عليكم ...
حياك الله أخوي manaas ...

إختيار موفق إن شاء الله ...

وبما إن أخونا boombistic مخطط لرحلته على 20 يوم ... وانت مخطط على 14 ... إذاً أعتقد الأفضل إنك تغير البرنامج كالاتي ...

• اول( 2 )يومين في ضواحي كوالا الفندق ( صن واي لاقون ) Villa HoneyMoon
• الإنتقال بالطائرة إلى لنكاوى (2) يومين لنكاوي الفندق ( لنكاوي لاقون )
• الإنتقال بالطائرة إلى بينانق (3 )أيام بينانق الفندق ( موتيارا )
• الإنتقال بسيارة خاصة إلى كاميرون(2 ) يومين كاميرون هاي لاند الفندق ( إكوتوريال )
• الإنتقال بسيارة خاصة من كاميرون إلى كوالالمبور مباشرةً والسكن( 2 )يومين الفندق ( ماندرين أورينتال )
• ثم السكن (3 )أيام كوالالمبور الفندق ( ماريوت ) ...

لغينا السكن في أفاموزا والسبب ضيق الوقت و ممكن تخصص يوم تروح فيه لأفاموزا من أيام كوالا يعني تروح وترجع في نفس اليوم ... والفيلا ما راح تندم عليها لأنك تكون سكنت في فيلا الصن واي لاقون
بالنسبة لل 5 أيام الأخيرة في كوالا اذا ملزم تسكن في ماندرين وتجرب السكن جنب البرجين نخلي البرنامج زي ما هو ...
بس اذا شايف إنه راح يكون تعب عليك كل يومين في فندق ... يصير نخلي كل الأيام الخمسة في فندق ماريوت أو ويستن في شارع العرب ... ,وكلها حلوه بس ويستن أحدث ...
بالنسبة للتكلفة ...
أعتقد راح يكلفك البرنامج كامل من غير مصروف جيبك ... ما يقارب 12000 ريال سعودي
المصروف 5000 أعتقد تكفي اذا ماكنتوا راعين تسوق ... وخلها 6000 الزيادة والا النقص
بالتوفيق إن شاء الله

السلام عليكم ...
حياك الله اخوي manaas
ولا عطر بعد عروس واستاذي ابو ميسم الله يحفظه
كفى ووفى بارك الله فيه
ان قال البرفسور اجل اعتمد
وان بغيت لأفاموزا فخليها في احدى ليالي ماريوت لأنها الارخص
وان راحت يومتها بره مش خسارة اوي اكيد فاهم الفكرة
تحياتي ورحلة سعيدة والسلام عليكم

manass
مبروك الزواج و فعلا اعتمد على برنامج ابو ميسم الرائع و استخدم الرابط ادناه لصور فلل صن واي لاقون و ترى اسمها فيلا و لا تلخبط نفسك لان فيه في نفس الفندق HoneyMoon Suite وهو من غير بركه
https://artravelers.com

والله اتحدى اي منتدى او اي موقع عربي ولا أجنبي ان يكون فيه زي منتداكم من التجاوب السريع والحرص على خدمة المشاركين
فمشكور ين يا شباب
وماقصرتوا
فالبرنامج روعه والفنادق اروع
وشكلي بجطل على العرس :m9: وباخذ الحرمة :mf_leia: من راسها واسحهبا على ماليزيا
لاني اشتقت عن جد ان ازورها
فبوركتم وجوزيتم خيرا
بس شباب هل فيه احد عنده خريطه او جدول لكل مدينه بالمناطق السياحيه اللي فيها
لاني ودي ازبط برنامجي من هنا قبل مااروح
فبوركتم اذا عندكم شي زبطولي اياه على برنامجي ودمتم سالمين :bounce8:

السلام عليكم ...
حياك الله أخوي manaas ...
وترا ما سوينا إلا الواجب ... وهذا المعروف عن شباب منتدانا ... دائماً سباقين للخير ومساعدة أخوانهم ...
أخوي بالنسبة للأماكن السياحية ... ممكن تتطلع على دليل الأماكن السياحة المثبت في القسم :
على الرابط :
هن ا https://artravelers.com
بالنسبة للخرائط لا تشيل همها لأنها متوفرة بكثرة هناك .. راح تلقاها في المطارات توزع مجاناً وتلقاها في الفنادق ....
واذا تبي تطلع على الخرائط الموجودة على النت ... راح تلقى خرائط كثيرة لكن معظمها غير مفيدة ومختصرة ...
لكن فيه موقعين الحقيقة خرائطهم جيدة اللي هم :
http://malaysia.sawadee.com/maps.htm
راح تلقى خريطة لكل مدينة ...
بالتوفيق إن شاء الله ..

ألف مبروك على الزواج و الله يهنيكم ويرزقكم بالذرية الصالحة . أقترح عليك تسكن بفندق ماريوت بكوالا وذلك لموقعه العجيب و لاتنسى المطعم اللبناني اللي مجابله وبعد المطعم الايراني اللي بآخر الشارع فوق محلات المساج بصراحة أكلهم رهيب. أما في بينانغ فأقترح فندق هوليدي أن بصراحة أحلى فندق بالنسبة لموقعه وغرفه حلوه بس لازم تخلي في بالك أن مستوى الغرف في الجزر يختلف عن مستواها بكوالا . أما بالنسبة إلى لانكاوي أنا سكنت في شيراتون لانكاوي نظام غرفه كشاليه خاص فيه بلكونه مطله على البحر والفندق حلو نطظام شاليهات يعني تروح إلى اللوبي بسياره نقل خاصه يعني تتصل على اللوبي وتقولهم أن تبي تروح اللوبي ويدزولك السياره . بس هانظام احنا ما تعودنا عليه لأنه شوي غريب وتوقع وانت قاعد بالبلكونه يمرون عليك قرود يعني إذا كنت ما تخاف اسكن فيه وانت على راحتك . و لاتنسى ترووح جنتنج اما كاميرون ماحصلي أروحلها