الهزبر
27-06-2022 - 08:35 pm
السلام عليكم ورحمه الله وبركاته
أخواني أخوك يريد الدراسة في ماليزيا في الجامعة الاسلامية ويريد سكن عزابي متواضع نوعا ما بجوار الجامعة الاسلامية .
ممكن أحد يدلني على حي أو شارع أو اي شي . كيف اسعار السكن بجوار الجامعة ؟
سكن ممكن يكون غرفة ومجلس صغير و مطبخ صغير والله يكرمكم دورة مياه ؟؟ كم يكلف بجوار الجامعة ؟؟
والله يجزاكم خير
يامرحبابك اخوي الهزبر وربي يوفقك ويسهل لك امرك
طيب ليه ما حاولت تأخذ في سكن الجامعة صح انه مافيه مكيف ولكنه
قريب وجميل ووناسة وصحبة طيبة وكل خير
بغيت بره خذ ب ...gombak ...هو الاقرب والناس اللي فيها ملايو
ومسلمين وطلاب يا كثرهم ... لو عندك احد في ماليزيا يشوف لك
الاعلانات المعلقة وترى فيها عروض اتوقع لو تشوفها تنفجع
ايام ما رحت ادرس بماليزيا استعجلت وحجزت من عندنا ودافع
الشهر لحالي ب1200 ... واروح هناك والقى ب150 وب200
والغرفة مثل ما اخذتها واحسن ب700 وانا دافع قرب الضعف
وفي مكان ما كان عاجبني لأنه الجيرة صينية واخوك عاشق الملايو
الشاهد .. انه تروح بنفسك احسن لك بألف مرة .. وان بغيت مشترك
تلقى الغرفة ب200-400 ريال شهرياً... وان بغيت شقة تبدأب800 .
بغيت مجلس ومطبخ ..الخ ..اجل شقة وتلقى ب800 شهرياً
وتراني هذه الايام شغال بحث في البيوت عندهم
لكني سياحة وبغيت تجربة جديدة وبموضوع اخونا فهد اللي
كان لنقاش فترة المكوث بماليزيا حطيت موقع لأيجار البيوت
بماليزيا فأنت اطلع برضه وعندك ارقام ودق عليهم لأنهم اكيد
عندهم بيوت جنب الجامعة وعاد سماسرة
خلال البحث .. وجدت بيت ودها تأجره عائلة مسلمة ملايوية
ولكن صراحة ما شفتها وتبعد عن الجامعة الاسلامية 15 دقيقة
وبنتهم طالبة في نفس الجامعة تدرس لغة عربية وبغوا يأجرون
البيت ب400 ريال الشهر ... حبيت اكلهم لك انا مستعد
ولكن ما اضحك عليك تراني ماشفت بيتهم اللي يبغوا يأجرونه
فأنت ان بغيتها نكلمهم لك وانت عاين ..عجبك كان بها وان ما عجبك
الخير واجد ...موفق بأذن الله ... وتحياتي والسلام عليكم