وعليكم السلام ورحمة الله وبركاته ...
يامرحبابك اخوي الهزبر وربي يوفقك ويسهل لك امرك
طيب ليه ما حاولت تأخذ في سكن الجامعة صح انه مافيه مكيف ولكنه
قريب وجميل ووناسة وصحبة طيبة وكل خير
بغيت بره خذ ب ...gombak ...هو الاقرب والناس اللي فيها ملايو
ومسلمين وطلاب يا كثرهم ... لو عندك احد في ماليزيا يشوف لك
الاعلانات المعلقة وترى فيها عروض اتوقع لو تشوفها تنفجع
ايام ما رحت ادرس بماليزيا استعجلت وحجزت من عندنا ودافع
الشهر لحالي ب1200 ... واروح هناك والقى ب150 وب200
والغرفة مثل ما اخذتها واحسن ب700 وانا دافع قرب الضعف
وفي مكان ما كان عاجبني لأنه الجيرة صينية واخوك عاشق الملايو
الشاهد .. انه تروح بنفسك احسن لك بألف مرة .. وان بغيت مشترك
تلقى الغرفة ب200-400 ريال شهرياً... وان بغيت شقة تبدأب800 .
بغيت مجلس ومطبخ ..الخ ..اجل شقة وتلقى ب800 شهرياً
وتراني هذه الايام شغال بحث في البيوت عندهم
لكني سياحة وبغيت تجربة جديدة وبموضوع اخونا فهد اللي
كان لنقاش فترة المكوث بماليزيا حطيت موقع لأيجار البيوت
بماليزيا فأنت اطلع برضه وعندك ارقام ودق عليهم لأنهم اكيد
عندهم بيوت جنب الجامعة وعاد سماسرة
خلال البحث .. وجدت بيت ودها تأجره عائلة مسلمة ملايوية
ولكن صراحة ما شفتها وتبعد عن الجامعة الاسلامية 15 دقيقة
وبنتهم طالبة في نفس الجامعة تدرس لغة عربية وبغوا يأجرون
البيت ب400 ريال الشهر ... حبيت اكلهم لك انا مستعد
ولكن ما اضحك عليك تراني ماشفت بيتهم اللي يبغوا يأجرونه
فأنت ان بغيتها نكلمهم لك وانت عاين ..عجبك كان بها وان ما عجبك
الخير واجد ...موفق بأذن الله ... وتحياتي والسلام عليكم

كلام الشيبي سليم جدا .. بس انا عندي رأى أحب اضيفه
بما أنك اجاي وتدرس .. وليش تبغ تكون بعيد عن الناس .. زي مانت عارف الجامعة الاسلامية تركز على اللغة الانجليزية قبل كل شيء .. ووجودك في سكن الجامعة بيساعدك في تعلم واتقان اللغة الانجليزية . هناك اجناس مختلفة اللي بيجبروك على التحدث باللغة الانجليزية. وهذا في صالحك..
ورأيي في البداية خليك في سكن الجامعة على الأقل فصل دراسي واحد.. وزي ماقال الشعيبي صحيح بالنسبة لأسعار السكن.. وانت عارف بالأماكن .. وتختار اللي يعجبك
والله يوفقك وان أحتجت اي شيء اسأل ولا تتردد .. وكلنا في الخدمة

أخوي الشعيبي جزاك الله كل خير
لسى قدامي حول اربع شهور الدراسة في شهر 6 ميلادي
كثر الله خيرك ما قصرت , شكلي بدور سكن اذا وصلت الى ماليزيا أو أجرب السكن الجامعي لفتره معينه .
أخوي أبو عفيف . جزاك الله خير ورفع الله قدركم .
كم سؤال عن السكن الجامعي ؟
كيف ما فيه مكيف ؟. يعني الجو بارد ولا ما يحتاج ؟؟
هل يمكن أن تختار أو تشترط مرافق لك ؟.
هل يمكن يكون السكن مفرد ؟
و جزاكم الله كل خير .

السلام عليكم ورحمة الله وبركاتة
طبعا السكن مافي مكيف... بس الجو حلو الغرفة مشتركة ل 4 أشخاص بس لكل شخص مو ركن مستقل مصفول عن الآخرين...
بالنسبة لاختيار المرافق ممكن ايضا حسب امكانية وفراغ الفرفة
بالنسبة للسكن المفرد فهو مخصص للماجستير فقط
أخوي الهزبر... لا تقلق بالنسبة للسكن هناك شباب في الجامعة بالهبل رايح يساعدوك

ماشاء الله اربعة في غرفة .؟؟
طيب سؤال أخير إن شاء الله .
فيه مكتب صغير الواحد يذاكر عليه ؟ هل المكتب اذا وجت جماعي أم لكل أحد ؟
كيف الأثاث السرير ال ..... ؟
كم تعطي الأثاث من 10 ؟ في نظرك ؟
جزاك الله كل خير أخوي ابو عفيف أشكرك علي اجابتك علي اسئلتي الملحة :upset:

السلام عليكم ورحمة الله وبركاتة ...
والله كلام أخونا وسيدنا الشعيبي وأبو عفيف ماشاء الله تبارك الله بس عندي رأي أنا كمان ...
والله أنا ما أنصحك تسكن في الجامعة لأنه والله العفش مو مرة يعني ممكن أعطيه 2 من 10 و الغرفة صغيرة مرة قصدي الركن حقك صغير مرة ... بس شيء وحيد حلو فيه إنه وناسة وبعدين قريب من كل شيء يعني إنت تمشي في الجامعة لكن لو سكنت برا يبغالك سيارة أو إذا باصات وتكاسي ببتعب خاصة لو عندك دوام الساعة 8 صراحة تعب مرة ...يعني هذا الشيء الوحيد اللي بيخليك تسكن في الجامعة وتستحمل الغرفة ... وبعدين إيش تبغا تدرس؟؟؟ وليش إخترت الجامعة الإسلامية؟؟؟ أنا في جامعة الملتميديا وممكن أسجلك هنا و أشوفلك كل شيء وما يهمك .... والسلام عليكم ورحمة الله وبركاتة ..

جزاك الله خير أخوي
انا ناوي ادرس حاسب وتقنية معلومات .
أدري جامعة المالتي ميديا افضل وأقوى .
بس أخوك يخاف من الأختلاط . مو متزوج افكر اكمل بكلوريوس ثم التحق بجامعة المالتي ميديا ماجستير في نفس التخصص إن شاء الله
بالنسبة للسكن مافيه سكن قريب مره من الجامعة بمعنا إنك تقدر تصل إلى الجامعة مشي على الأقدام .
يعني ممكن يكون كحد أقصى كيلو من الجامعة . أذا تعرفون ممكن تحدد لي الحي أو المنطقة التي فيها السكن العزابي .
بالمناسبة الجامعة الأسلامية اين تقع في ماليزيا في وسطها أم في أطراف كولا لنبور ؟؟
جزاك الله كل خير .
أخو ممكن تضيفني ما سنجر .

أها خلاص تمام بس إذا خايف من الإختلاط أسكن في الجامعة وبس ... ومافي سكن قريب من الجامعة حولها جبال ...
وتقع في طرف كولالمبور في منطقة جونبك ...
والسلام عليكم ورحمة الله وبركاتة

شكرا وجزاك الله خير
جزاكم الله جميعا خير وأثابكم ورفع الله قدركم .