اخواني : السلام عليكم ورحمة الله وبركاته مبارك عليكم العشر وتقبل الله منا ومنكم ، شدوا حيلكم فيها ترى فيها ليلة القدر من وفقه الله فيها فهي خير من عبادة الف شهر.
اثناء جولتي بسوق الحميدية(آه ياسوق الحميدية ما أروعك) ومن كثرة ما نسمع عن ايس كريم(بوظة) بكداش كل ما مرينا بمحل بوظة يصيحون فيني الأولاد يابابا نبغى ايس كريم اقول لهم لاتستعجلو نصيبكم جي رايح اذوقكم احلى بوظة في التاريخ ، وبعد جهد جهيد وصلت بالعائلة الكريمة للمحل ويالطيف لو ماني متأكد اني في سوريا لظننت اني امام محل مرطبات بشركة مكة لإنشاء والتعمير بمكة حرسها الله ، من كثرة الناس الداخلين والخارجين واللي ماد لسانة يلحس واللي ينشف بالمنديل واللي وللي ، يالطيف انا ما احب الزحمة ولا أطيقها لكن كما يقال (مكره اخاك يابطل) دخلت للمحل واول شىء رأيته وسد نفسى(اللي هذا اوله ينعاف تاليه) صورة الخبيث حسن نصر الله، خرجنا زي ما دخلنا ما لقينا مكان نجلس فيه من الزحمة، وبعد عدة مشاورات مع اولادي في النوع اللي نشتريه سواء شكولاته او حليب الخ.........، اشترينا اللي نبغاه(الصبي يقطع في الايس كريم كأنه يقطع بلاستيك ويرمي على يمينه والثاني يعبي في الكاسات(الذباب متستت ولا على باله في الثلاجة) لكن شارين شارين كل ها التعب والمجهود والشهرة نجي عنده وما نشتري ، المشكلة الآن وين يمكننا ان نستمتع بأحلى بوظه بالشام ، قلت لعائلة المصونة في محل امام بكداش(محل ذهب) لفوا وجوهكم ناحية المحل وغلقو شغلكم ما أحد شايفكم ، وكشفو ا وبداوا في اللحس والا صاحب المحل كاتب على الفترينة( بدون احراج ممنوع اكل البوظة بجوار المحل) وعلى طول وبدون تردد ومع الطفش وكثرة الناس رموا به في الزبالة(اكرمكم الله) اما باقي الأولاد (الذكور) فأخذوا منه اللي فيه النصيب ورموا الباقي).
وبصراحة والله لا طعم ولا نظافة ولا راحة نفسية ، وذكرت هذا الكلام لأحد الاخوة السوريين وقال بكداش سمعة فقط لا غير والا هناك بوظة افضل منه بكثير.