ام الورود
27-02-2022 - 08:20 pm
السلام عليكم ورحمة الله وبركاته ..
في البدايه حبيت اوضح اني دشيت بنك اختي واسمي غزلان
ابدي بالموضوع دوغري على قولتهم
انا ان شاء الله ناويه روح ماليزيا عشر ايام ووللحين مارتب الوجهات عدل يعني ودي بسلانجور يومين ولنكاوي 4 وكوالامبور4 جذي يصيرون عشر ايام ..
انا بصراحه ودي فندق يكون مناسب ورومانسي بكل المناطق وسعره رخيص ونظيف انا حطيت عيني على الخيول الذهبيه بسلانجور يقولون حلو بس ابي فندق بكل المناطق اللي ذكرتها يكون المجمعات والسوقه حيل قريبه
بالنسبه للنكاوي يقولون لنكاوي لاجون جدا متهالك من كثر الدوس عليه
شنو تنصحوني فيه ابي يكون رومانسي وفيه نشاطات بحريه يعني جتسكي وبقيات يعني ترفيهي وهم سعره مناسب لميزانيتنا ..
وكوالمبور ابي فندق نظيف وبنص شارع العرب وعند المطاعم العربيه والسوقه يعني يوفر علي التكاسي
ام
نجي للطيران ودي اخذ الاتحاد جيكت عليه طلع ارخص شي مادري منو جربه ؟؟
وبخصوص الطيران الداخلي جم بياخذ علي انا وزوجي يعني ماني عارفه الطريقه من سلانجور الى لنكاوي طياره ومن لنكاوي الى كوالمبور طياره ولاشنو؟؟
اتمنى تفيدوني
رحلة موفقه ان شاء الله
انا انصح ان تقللي من لنكاوي بدل 4 ايام الى 3 ايام لان لنكاوي نشاطاتها في النهار فقط اما الليل فهو للنوم فقط
3ايام كفاية وزياده ايضاً
بالنسبة لفندق في لنكاوي رخص ونظيف هو فندقين فقط وهو لنكاوي لاقون ( الارجل علية كثيره جداً ) كما ذكرتي وهوليدي فيلا
اما فندق برجايا لنكاو هو جميل ايظاً ولاكن يعيبه كثرة الحشرات ... هناك فندق اخر وانا جربته رخيص نسبياً وجميل جداً ورمانسي ولكن يعيبة ان الوصول الية عن طريق القارب لانه في جزير لوحده وهو فندق ريباك مارينا
وكوالالمبور فندق بوسط شارع العرب وامام المطاعم العربة وقريب جداً من الاسواق ولن تحتاجي الى تاكسي ابداً
ورخيص ونضيف جداً وديزاينه عصري ( فندق بيكلو ) انصح وبقوه ان تزلي فيه ولن تندمي
بالنسبة للطيران الداخلي فهناك الطيران الاقتصادي ( آير آسيا ) وتقريباً سيكلف ذهاب وعوده من مطار كوالا الى لنكاوي
تقريباً 800 ريال سعودي تقريباً
وبالله التوفيق ...