النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
reem29
05-01-2022 - 01:29 am
*بسم الله الرحمن الرحيم
حبيت اشكركم على هالمنتدى الرائع والمفيد
الصراحه بعد زيارتي لي اكثر من مره لهالقسم قررت السفر الى النمسا بس بعض الاشياء ابي استفسر عنها قبل الحجز وياليت اتفيدوني لاني بحجز فاليومين
1/عدد المسافرين 2انا وزوجي
2/السفرة باذن الله بتكون شهر 2(هل هو مناسب!والاماكن السياحية والاسواق فهالوقت مفتوحه او مغلقه!)
مع العلم اني مجبره على هالوقت
3/مخطط الرحلة المقترح:
3فيينا-3سالبورغ-5ايام زيلامسي-2البندقيه(متردده اتمنى انكم اتوجهوني فهالشي-3باريس-3او4ميونخ للتسوق
4/كيفية الوصول الى بايس !وتوجد قطارات للذهاب اليها او لا !
5/وسيلة التنقل المقترحة افضل السيارة بس شتنصحوني في وين اخذها ووين ارجعها!وماهي افضل المواقع لحجز السيارة!
6/وياليت اتحطون لي جدول لكل منطقة!
7/اللغة الانجليزية معدومة نوعا ما هل هالشي بيعيقني!
8/الفنادق المقترحه ياليت اتكون اسعارها حلوة وقريبة من المناطق السياحية وفميونخ من الاسواق!
9/تقريبا انا حاطة ميزانية15000للصرف من غير التذاكر والفنادق هل بتكفيني ولا ازيدها!
السموحة ع الاطالة بس اول مره اسافر اوربا وابي اعرف كل شي قبل الروحه عشان ماتوهق
ويعطيكم العافية ع هالمنتدى الرائع


التعليقات (9)
المسافر نت
المسافر نت
اختي
بالنسبه للوقت غير مناسب لانو راح يكون برد جدا مو برد وبس الا ثلوج
يعني موسم التزلج على الثلوج في زيلامسي
يعني لو تاخرينها شوي يعني شهر 5 او 6 ميلادي يكون افضل
نصيحتي بالنسبه للبرنامج
خليه كالتالي فينا زيلامسي سالسبيرق ميونخ باريس
الانتقال من ميونخ الى باريس طيران والباقي سياره او قطارات
وذا انتي ملزمه على اوربا في ذا الوقت خليها على باريس فقط لمده اسبوع
بصراحه تستحق ان يخصص لها رحله لوحدها

انسان ولهان
انسان ولهان
شهر (2) ثلج
اذا حبيت تسافرين في هالوقت ما راس تستمتعين فيها

reem29
reem29
المسافر نت
انسان ولهان
الف شكر على الرد السريع
عادي عندي الجو اذا كانت الاماكن اللي باروح لها مفتوحه مو مغلغه
والثلج هو المطلووب ابي اغير جو بالقو خاصه وانه عندنا فقطر فقر برد او فالخليج عامه
ياليت اتفدوني بالاماكن اللي اقدر اروحها
واذا بتكون السفره كلش مو ممتعه وين الدول اللي تقترحونها لي فهالوقت مو شرط اوربا بس المهم يكون جوها حلو

انسان ولهان
انسان ولهان
1/عدد المسافرين 2انا وزوجي
2/السفرة باذن الله بتكون شهر 2(هل هو مناسب!والاماكن السياحية والاسواق فهالوقت مفتوحه او مغلقه!)
مع العلم اني مجبره على هالوقت
الأماكن السياحية قد تجد بعضها مغلقه , على حسب الجو (مطر) او غيره
يعني عندك الزحليقة الصيفية ممكن تكون مغلقه َ ! وتقدرين انك تحصلين زحليقات مفتوحه
3/مخطط الرحلة المقترح:
3فيينا-3سالبورغ-5ايام زيلامسي-2البندقيه(متردده اتمنى انكم اتوجهوني فهالشي-3باريس-3او4ميونخ للتسوق
فينا الايام حلوه
سالسبورغ برضوا حلوه (اذا معك سيارة) واذا ما معك سيارة فلا انصح بها
زلامسي ممتاز جداً وتقدرين تسكنين في كابرون اذا تبين شقق حلوه
البندقية لا انصح بالسكن فيها , وممكن انك تروحين لها من زلامسي- مسافة 4 ساعات بالسيارة ولا انصح بعد فيها
لان الطريق مرهق والمنطقه ليست كما تضنين (طبعاً ) من ناحية وجهة نظري.
باريس بعيده جداً ويمكنك زيارتها من ميونخ من الصباح الي الليل ان اردتي ذلك
ميونخ لازم تختمون زيارتكم منها وتسلمون السيارة في المطار
4/كيفية الوصول الى بايس !وتوجد قطارات للذهاب اليها او لا !
يوجد من ميونخ رحلات عديدة
5/وسيلة التنقل المقترحة افضل السيارة بس شتنصحوني في وين اخذها ووين ارجعها!وماهي افضل المواقع لحجز السيارة!
تاخذين السيارة من فريسلانج الالمانيه القريبة من من سالسبورغ وترجعينها في ميونخ
6/وياليت اتحطون لي جدول لكل منطقة!
اذا قرب السفر تلاقين جدولك جاهزة
7/اللغة الانجليزية معدومة نوعا ما هل هالشي بيعيقني!
لا ما يعيقك ابداً لان كثيرين ما يتكلمون انجليزي يعني لغة الاشارات تمشي هناك
8/الفنادق المقترحه ياليت اتكون اسعارها حلوة وقريبة من المناطق السياحية وفميونخ من الاسواق!
الفنادق كثيرة وبأمكانك مشاهدة تقريري والفنادق الي اختارتها
9/تقريبا انا حاطة ميزانية15000للصرف من غير التذاكر والفنادق هل بتكفيني ولا ازيدها!
بتكفي وزيادة طبعاً احسبي السيارة سعرها تقريبا 2800ريال

ابو نزيه
ابو نزيه
أنا أقول اذا أنتم معزمين على السفر في شهر 2
ابتعدوا عن الأرياف لأن بردها لا يحتمل أبدا واسكنوا في المدن الكبيره أحس أنها دافئه قليلا مثل :
فيينا , ميونيخ , باريس ,ميلانو ...وغيرها

reem29
reem29
مشكورين اخواني وخلاص كنسلت هالتخطيط
وباذن الله باروح اسبانيا باريس باروح لقسم اسبانيا عندي بعض الاستفسارات
واتمنى اني ازوور النمسا فالسنه اليايه لحين فخاطري والله

reem29
reem29
صج صج مشكوريين ادري تعبتكم معاي السموحه

reem29
reem29
خليت السفره ان شاء الله شهر 4 حبيت اتكون على شهر 5 بس ماقدرت
واستفسرت عن الجو فالوقت البعض يقول بارد والبعض يقول حلو بس الاقلب قالولي الجو نوعا ما حلو وبررد فالمسا
غيرت الرحلة لتكون الروحه ل باريس - والعودة من ميونخ يعني
4 ايام باريس (منها باروح بالطيران الاقتصادي الى فيينا)
4 ايام فيينا
3 سبالبزبورغ
5 زيلامسي
4 او 5 ميونخ
هل هالتخطيط حلو ولا متعب علما انه تنقلاتي الى باقي المناطق بيكون بالقطار او بالسيارة والمقترح بالنسبة لي لحد الان السيارة .!
وهل الايام كافيه ولا.!
ممكن اتعدلون لي الجدول بس ابي فحدود ال20 - 25 يوم

ALI_Q8_77
ALI_Q8_77
هلا فيج اختي ...
متى بالظبط التاريخ .. طبعا لو كان شهر 5 افضل وتحديدا بنصف الشهر ؟؟؟
الجدول ممتاز .. بس التوقيت .لو انعرفه افضل
تحياتي


خصم يصل إلى 25%