السلام عليكم ،،
أبجاوب باللي أقدر عليه والباقي بنخليه للمحترفين أنا بصراحه هاوي ،،،
أول شي شل فكرة الفيري من راسك من بينانغ للنكاوي راح يكون تعب على الوالده ممكن تطلع بطيارة من بينانغ للنكاوي أريح لها والسعر رخيص جداً ،،،
بالنسبة لكوالالمبور آخر شي ما دام أنت والوالده رأيي الشخصي أن تسكن في فندق أريح لكم من شقق برجايا تايم سكوير وخذ لك مثلاً على شارع العرب في فندق الويستن أو الماريوت علشان الوالده يصير كل شي قريب منها تمشي وتتسوق الله يمتعها بالصحة والعافيه ويرزقك برها ،،، والإنترنت متوفر في الفنادق خاصة الخمس نجوم ،، وبأسعار معقولة وفي بعضها مجاناً ،،، وبالنسبة للجو في الغالب أن جو ماليزيا وجو جنوب شرق آسيا بشكل عام استوائي معتدل طول السنة يعني من 29 إلى 35 درجة الحرارة لكن هناك أوقات تكثر فيها الأمطار ،،،
بالنسبة للصرف فرأيي - والرأي لسعادتكم - أن تقوم بتحويل المبلغ اللي معك لدولارات مع صرف 500 إلى 100 رينجت من هنا ولا تنسى بطاقة الصراف والفيزا في حال الضروره ،،
بالتوفيق وتروحون وترجعون بالسلامه ،،،
ودمتم سالمين ،،،

مشكور على الرد السريع طال عمرك ...
صدقني لاني اول مره اسافر استفيد من ها المعلومات جدا جدا
بأنتظار أراء باقي الاعضاء ...

بجاوب اللي اعرفه .. بالنسبه للفندق حلوو بس بعيد .. ليش ماتسكن في مكان قريب من الابراج او من شارع العرب احسن لك عشان ماتتعب وانت تتنتظر تكسي يوصلك اذا بغيت تروح للمجمعات او المطاعم خصوصا ان التكاسي كثيره لكن دائماً مليانه ..
الفلوس حنا كنا صارفين رينجات من السعوديه قبل نروح بس بالمطار لما تدخل يسئلونك عن الفلوس اللي معك والمفروض انها ماتكون اكثر من 1000 رينجت للشخص .. ترا الصرافات بكل مكان ومكائن السحب للبنوك برضه متوفره بكل مكان يعني موضوع الفلوس مرره بسيط .. كانت فلوسنا بالعملة السعوديه ونصرفها بالوقت اللي نحتاجه من الصراف مباشره او نسحب من البنك عادي مره ..
الجو بالنهار حار عادي مو زينا طبعاً .. وامطار كل يومين او ثلاثه .. انا سافرت لها خمس مرات ومره من المرات ماصار فيه ولا مره مطر

الفيري سعره 50 رنجنت للشخص .. ومدة الرحلة ساعتين ونص الى 3 ساعات الا ربع
الفنادق ممتازة عن تجربة شخصية الا الباي فيو بيتش فما انصح به لانه غير نظيف (راي شخصي)

الفندق اللي اقصده هو الخيول الذهبيه اما برجايا تايم سكوير فموقعه جداً ممتاز خصوصاً انه في مجمع من 10 طوابق وهذا بيخلي الوالده تنبسط من ناحية التسوق .. وبعدين كل شي بيصير جنبك المطاعم والمجمعات كلها حولك وحواليك ماتحتاج حتى لتاكسي .

لا تستأجر تاكسي بالساعة إلاّ للأماكن البعيدة أما الأماكن داخل المدينة فما يحتاج ..تكسي يوديك بعشرين وتكسي يجيبك بعشرين ولا داعي تدفع شيء وانت واقف ولا تأكل ولا تتمشى في السوق ..

ابي رأيكم بالفنادق وخط السفر اللي حجزته ...
Palace of the Golden Horses- Selango - Kuala
ابقعد فيها ليلتين بعد الوصول الى ماليزيا
إختيارك ممتاز جداً وموفق إلى أبعد أحد وصدقني راح تستانس الوالده مره
ثم بالطائره الى
Bayview Beach Resort - Penang
4 ليالي
إختيار ممتاز برضو
ثم بالفيري الى
Berjaya Langkawi Beach & Spa Resort - Langkawi
ليلتين
إختيارك حلو جداً ما شاء الله عليك بس اذا لقيت
بلنكاوي لاقون أحسن لك بعد
ثم بالطائره الى
Berjaya Time Square - Kuala
4 ليالي
إختيارك حلو فهو عبارة عن (فندق + مجمع + مدينة ألعاب)ابي اراءكم الصريحه بالفنادق ؟؟ هل هي مناسبه ؟؟
اذا قدرت تغير برجايا تايم سكوير إلى ويستن أو ماريوت أو استانا
لوقوعهم على شارع العرب مباشرة وتفكك من التكاسي لان
فندقك اللي اخترته بعيد اشوي يبي مشي واتوقع تعب على الوالده
عندي كم سؤال الله يخليكم ... وياليت تستحملوني تراني ماقد سافرت لماليزيا من قبل وبيكون معي الوالده ولا ودي انعبها .. ابي اسهل الامور عشان تستانس وتوسع صدرها ...
1- الفيري من بينانج الى لنكاوي ... وين موقعه بالظبط وهل هو بعيد عن الفندق اللي بأكون فيه ؟ وكم تستغرق الرحله وسعرها ؟؟
بالنسبة للفري في بينانج فهو يقع في جورج تاون وهو عبارة
عن ميناء ومليان سفن والمسافة من فندقك إلى الفري نص ساعة
تقريباً ومدة الرحلة إلى لنكاوي ساعتين تقريباً, بس بعض الأشخاص
يحس بدوار البحر وغثيان لذلك في حبوب بالصيدلية اسمها (ديزينيل)
لدوار البحر و (موتوليوم) للغثيان أنا أخذتها والحمدلله ما جاني شي
بس إذا تبي طيران موجود لكن طيارات ذات مراوح عادية مو نفاثه
وهذا موقعهم :
http://www.fireflyz.com.my
2- التنقل داخل المدن ... هل تنصحوني استأجر تكسي او سياره طوال اليوم ؟؟
من وجهة نظري التاكسي أفضل وفي بعض الأماكن تحتاج انتظار التاكسي
3- الانترنت ... هل فيه انترنت بالفنادق اللي بأكون فيها ... او الانترنت بمعني عام في ماليزيا كيف ؟
تقريباً جميع الفنادق الخمس نجوم توفر الإنترنت وبعضها مجانا
لكن لاتخاف المقاهي منتشره في لنكاوي وبينانج وكوالا
4 - الفلوس ... هل احولها من السعوديه ولا اذا رحت هناك ؟؟؟
بالنسبة لي أقولك حولها إلى دولار
5- كيف الجو هناك خلال شهر أغسطس ؟؟
جو ماليزيا عموماً استوائي مع امطار متقطعة
أنا العام الماضي في نفس الشهر نزل علينا مطر
وكان يستمر ساعتين او ثلاث وكان غزير
وياليت لو سمحتوا اللي عنده برنامج او يعرف بعض الاماكن الحلوه في ها المدن يفيدني ويفيد الاعضاء الكرام ..
وتفضل حبيب قلبي أدخل هالرابط وإن شاء الله تلقى سعدك:
https://artravelers.com/p/re/111073
ولأي استفسار أنا حاضر
لك تحياتي

قسم بالله اني عاجز عن الشكر ...
كل ها الردود والتجاوب في ها الوقت البسيط ... والله ما قصرتوا ..
ابوصي الوالده تدعي لأعضاء ها المنتدى بالخير ها المعلومات ..
لي عوده لمناقشه اقتراحتكم ... وممكن أزعجكم ببعض الاسئله ... أستحملوني ..
اخوي زمان الصمت ... مشكور على الملف ... راح على الطابعه على طول

أختيار ممتاز وكمان أختيارك لبينانغ هذا الفندق البي فيو بيتش ممتاز وهو فندق حلو
شوف صوري وأنا فية السنة الماضية من الشرفة
أدخل من هنا https://artravelers.com/p/re/127059 على الموضوع