السلام عليكم
كما بالعنوان اول سفره لي لهالديرة الجميلة ,, محتاج رايكم
فريت المنتدى لي اكثر من اسبوع ,, ما خليت شي , الله يجزاكم خير على ما تقدمون , وضحتوا كل شي
برنامجي المبدئي
السفر مع العائلة - المدام واربعه اطفال من 13 سنه وتحت
السفر من الرياض بطيران الاتحاد يوم 19 مارس فجرا الى ابوظبي - 3 ساعات انتظار - ثم كوالا- الوصول تقريبا 7ونص مساء
حجزت في السن واي بيراميد 3 ايام - اول ليله راحه - ثم يومين في السن لاقون وما حولها
2مارس السفر الى لانكاوي - بنجلس فيها 3 ايام
حجزت في الفرانجي باني فيلا عائليه شاطئية ب 4090 رنقت بدون الرسوم
ثم يوم 25 مارس السفر الى بينانغ - ايضا 3 ايام
حجزت في الباي فيو جناح عائلي مع اطلاله على البحر ب 2847 رنقت بدون رسوم
ثم السفر الى كوالا يوم 28 ,, لسى ما حجزت الفندق
يوم 29 العودة بمشيئة الله المساء الساعه 8 ونص
ابغى رأيكم في الخطة ؟؟؟
اهم شي عندي الطبيعه والاطفال يستانسون ,,
كوالالمبور بتقولون لي شويه يوم واحد بالاخير .. ما ادري احس المتعه في لانكاوي وبينانغ
المدن وزحمتها وش نبي فيها ,, مدري رأيكم ؟؟ تفكيري سليم ؟؟
باحاول يكون الحجز من بينانغ الى كوالا بدري بحيث استفيد من اليوم اللي باوصل فيه
واليوم الثاني قبل السفر مع اول يومين بسلانجور قريبه من كوالا .. احسها تكفي . مدري ؟؟ شورو علي ..
الفنادق :
سلانجور : البيراميدا ,, ما عليه كلام , اخذت اكبر غرفه عندهم فيها اربعه اسرة مع عرض الدخول اسن لاقون مجانا
.. تكفينا وسعرها مناسب .. 1288 رنقت بدون الرسوم ..
لانكاوي , احترت في سكنها ,, ابغى يكون غرفتين
حصلت في الفرانجي باني اللي حجزتها , بس اشوفها غاليه
وحصلت في برجايا شاليه عائلي غرفتين , بس ما عرفت وين مكانه . اتوقع انه ما هو على البحر
ففضلت الفرنجي ,, وش رايكم ؟؟ واذا تعرفون مكان فيه غرفتين انسب علموني ؟؟
بينانغ .. ايضا احترت بين الباي فيو والفيلامنجو
بس يقولوا الفيلامنجو بعيد عن الشاطئ الشهير في الديرة
ففضلت الباي قيو , اخذت فيه الجناح العائلي .. واشوف سعره مناسب .. رايكم ؟؟
كوالا ,, ما حجزت .. انصحوني بمكان مناسب ,, بس اقتصادي .. كلها يوم وما راح اجلس فيه , بس نوم
لا تبخلون علي باي معلومه ,,, كل حجوزاتي مستردة ,, يعني ممكن اغير , بس نصايحكم
مشكورين مقدما .