السلام عليكم ورحمة الله وبركاته
كيفكم...
ان شاء الله انكم تساعدوني في حيرتي راح ادخل ع طول في الموضوع
راح اسافر ع بداية السنه الجديده لماليزيا واللي محيرني ولدي ... ولدي حبيبي اللي متعلق فيني
ووقت سفرتي راح يكون عمره سنه وسبعه شهور
افكر اخذه معايا بس متخوفه من الموضوع اخاف يمرض من تغير الجو فبدل ما اروح وانبسط انقهر وكمان الجدول اللي حاطينه احس ما ينفع فيه اطفال وقلت اخليه عند امي ومنها ينفطم مني بس بس بس قلبي متعلق فيه
وتصدقون من دحين وانا ابكي كل ما افكر اني بخليه..
لكن اقول يوم وراح اتعود اصبر نفسي لان ودي بسفره استجمام لان مره مرهقه من العمل (( عملي مره مرهق ))
وخاصتاً ما اخذت انا وزوجي لا شهر عسل ولا شهر بطيخ..ههه
بس الحمدالله ع كل حال..
ودي اسافر شهر عسل متاخر وراحة بال بدون اطفال ولا ازعاج
فديت ولدي وازعاجه ربي يخليه ليا يارب..
ايش رايكم اخذه ولا اخليه عند امي
وكل اللي سافر يقولي ينفع اخذه معايا لماليزيا
وع فكره ولدي حركته مره كثيره اخاف يتعبني وخاصتاً في الطياره
لانه ما يحب يجلس مقيد يحب الحركه
الله يسعد من يرد عليا..
ياليت اللي يعرف الكيف الجؤ راح يكون في شهر فبراير
يفيدني
الله يسعدكم يارب