رقم المشاركة : 5
الشعيبي
خبير سفر ماليزيا
الملف الشخصيتاريخ التّسجيل : Apr 2003
الإقامة :
السلام عليكم ...
اخوي عاشق القمرة معوض خير بأذن الله .
تكلمنا في هالموضوع في اول الاجازة وحذرنا من الوزن
الزائد ...فما ادري يا غالي هل اطلعت عليه .
اخر سفرياتي كانت على السعودية ...والسعودية تعطي على
الدرجة السياحية في الرحلات الدولية 35 كجم روحة
و35 رجعة ...وتراها مكتوبة في الخانة الاخيرة من التذكرة
كم لك روجة وكم لك رجعة ...ومن هنا كل كيلو زيادة ان ماخانتني
ذاكرتي 48 ريال...لكن شبابنا طيبين بيض الله وجوههم
ويتسامحون واخر مرة كان عندي 13 كجم زيادة لكن مشاها
لي الله يستر عليه ...لكن الصبايا هناك ما يرحمن
والسنة اللي فاتت دافع حق تذكرة جديدة روحة وجية وزن زائد
كان عندي 100 وشوية راح الرجال حسبها لي قريب 80 كجم
وكل1 كجم =57 رينجيت ...فصرت اشحن ملابسي واشيائي
غير الضرورية بالبريد ...pos malaysia وليس فيدكس
فيدكس 10 كجم = 800 رينجيت تقريباً .
بريد ماليزيا 10 كجم = 250 رينجيت تقريباً .
صحيح انه فيدكس يوصل اسرع لكن وش ابغى به ...
ملابس وسخة وعفوش خلها تأخذ راحتها وتتمشى لين
ما ترد لنا بالسلامة ...وبريد ماليزيا ياخذ قريب اسبوعين
والكراتين لا تشيل همها لانه مكتب البريد يبيعون كرتون
حلو كل شيء مكتوب عليه ما ينقصه الا تكتب عنوانكم
وصندوق بريدكم ...وهم يربطونها لك لو بغيت وكل كرتون
0كجم فقط ...عندك اكثر خذ كرتون اخر ...وان عندك عفش
وزنه 50 كجم خذ 5 كراتين ...
الكرتون = 3 رينجيت و80 سنت .
التربيط عندهم ب =2 رينجيت .
0كجم = 250 رينجيت ...وكسور ...ماتوصل 260 .
الزمن =10-14 يوم .
الموظفين = بنوتات ملايو مسلمات اديبات عسى الله يحفظهن .
الزبائن = انا وانت وجماعتنا وغير جماعتنا
الهدف = التوفير .
لو بالبريد 10 كجم =250 ريال .
شحن زائد 10 كجم =570 ريال .
فرق فوق النصف ...حنا اولى بها ولا لا ...
موفقين بأذن الله ورحلة سعيدة وانتبهوا من الوزن الزائد
والسلام عليكم
يا الله ذكريات هذه المشاركة كانت لأخوكم الغلبان في الصيفية اللي
فاتت يوم انه اخونا عاشق القمرة دفع مبلغ كبير لاجل الوزن الزائد
فما ودنا انكم تتوهقون مثلنا والسعيد من اتعظ بغيره
تكفون يا شبابنا لا تتورطون مثلنا ... وقد اعذر من انذر ههه
كنت اقدر اسوي up لموضوع اخونا عاشق القمرة ولكن حبيت
اني اجعلها في موضوع جديد لأهميتها .... ولاجل اكبر عدد من
حبايبنا اللي ودهم يسافرون هالسنة ينتبهون لها
تحياتي لكم جميعاً ... ويارب نسألك الاخلاص في العمل ...
والسلام عليكم