؛
السلام علييكم ورحمه الله وبركاته
امسي عليكم بالخير جميع
ف البدايه احب اشكر اخوي وافي ومزمز والعدني
ويعلم الله اني دعيت لكم خلال السفر . .
التقرير بيكون بسيط مع بعض الصور
ومن باب رد الجميل يمكن يستفيد البعض من شي بسيط
تاريخ السفر 2/5 والعوده 2/17 على طيران الأمارات ايرباص a380
مقسمه على يومين سيلانجور وثلاثة أيام لنكاوي وثلاثة أيام بينانغ وأربع ايام كوالا
جدول مريح جدا والتنقلات فيه سهله وجميله ، واشكر اخوي وافي على التقسيم المميز
الفنادق
Sunway Pyramid Hotelليلتين بسعر 920 درهم
Meritus Pelangi Beachثلاث ليالي بسعر 1800 درهم
Holiday Inn ثلاث ليالي بسعر 2200 درهم تقريبا
Dorsett Regencyاربع ليالي بسعر 1400 درهم تقريبا
ملاحظه بسيطه : كل الفنادق كنت اتابع اسعارهم شبه يومي بموقع بوكينج واجودا
وكنت احجز مسترد واغير كل ما لقيت السعر اقل حتى لو الفرق 50 درهم
ولقيت فرصه كبيره وحل كبيير لمشكلة لنكاوي اللي واجهتي بالبحث عن فندق
كنت حاجز بفندق بلانجي بيتش بسعر 2900 درهم تقريبا طبعا مسترد
ومع دخولي اليومي والبحث عن سعر مميز لقيت الفرصه وهي بسعر 1800 درهم
والحمدلله ان الفنادق كانت مناسبه وجميله، وكنت حاجز على رويال شولان بس تم التغير بسبب الميزانيه
احب اشكر كل من ساعدني ولو بحرف وله مني الدعاء
# من باب رد الجميل لقيت سائق تاكسي مسلم في العاصمه كوالالبور
عنده سياره تقريبا من نوع كرنفال ، المهم السياره عائلة وايضا يوجد عنده تاكسي
وسعر الجوله عنده ب 20 رينغت فقط / ما ادري اذا احد لقى نفس هالسعر او لا
لأني لاحظت كل اسعار كوالا 30 ! ، ماعدا صاحبنا جمال . .
ووصلني للمطار ب70 رينغت !
# اذا احد يبي رقم صاحبنا جمال او مسموح اني احطيه ف يبشر بالسعد
وان شاء الله بنزل الصور بعد قليل
؛