نشر في جدة

اماكن حلوة للإحتفال بذكرى الزواج

أم البطلين

02-12-2022 - 12:04 pm

السلام عليكم /أعضاء وعضوات هذا المنتدى الغالي أتمنى تفيدوني عن مكان رائع في جدة لكي أحتفل فيه مع زوجي بذكرى الزواج وأتمنى مايكون فندق لأني من خارج جدة وجاية بس تغيير جو في اجازة الربيع نهاية شهر 4 يعني بعد 3 أسابيع بإذن الله وفندق ماقدر عشان أولادي وين أوديهم
يعني حابه تكون مقاهي او منتزهات ويوفرون الجو المناسب والحركات الحلوة مثل الجاتوهات والعصيرات وغيرها
أتمنى يكون هالموضوع مرجع للجميع حتى تتم الاستفادة
يالله يا حلوين ويا حلوات الكل يعطينا تجاربه

التعليقات (9)

وصايف الحجاز

02-12-2022 - 02:20 pm

وعليكم السلام والرحمه ...
حيآك الله اخوي ..
اللي فهمته انك تبي مكان ينفع تكون فيه مع الاطفال ...
بمآ انو هالايام الاجواء حلوه افضل تروح مكان مفتوح على الكورنيش ..
عندك فندق الحياة بارك مطاعم وكافيهات مطله على النافورة ...
واجوائهم كثير حلوة ..
طبعآ الخدمه 5 نجوم ...
او كنز ابحر في ابحر الشمالية جلسات حلوة على الكورنيش وعندهم ملاهي اطفال بنفس المنتزه ...
لو حاب اقترح خيارات اكثر ابشر ...
وافضل تتصل عليهم قبل بكم يوم وتحجز .. وتبين لهم المناسبة عشان يعملوا لك تجهيزات خاصه ..

أم البطلين

02-12-2022 - 03:21 pm

أخت وصايف مشكورة عالرد
وبالنسبة للأطفال لا ماأبيهم معاي عشان كذا أقول كوفي حتى ماأطول عليهم من ساعتين الى ثلاث أحتفل مع زوجي وأرد لهم؟؟

مسلمة لله

02-12-2022 - 04:22 pm

اختي ام البطلين انت محتاجة اسماء كوفي او مطاعم او مكان للسكن معهم برضه؟
الشي الثاني ايش طبيعة المكان مفتوح محافظ نوعية الاكل وابشري

وصايف الحجاز

02-12-2022 - 05:23 pm

طيب بما انه الاطفال مو معاكم افضل تروحوا مكان رومنسي وروقان ...
لو كان تبغى مطعم عندك لوسييل الدوار جدآ رومنسي وروعه .. او لاكوزين ..
لو كوفي مثلا عصير وكيك
كهف البحر على الكورنيش بنفس عمارة بيتزا هت .. قريب من شارع صاري ...

أم البطلين

02-12-2022 - 06:24 pm

مسلمة لله
مشكورة يالغالية على اهتمامك
وبالنسبة للمكان أبي كوفي حلو واذا كان محافظ أفضل بالنسبة لي

أم البطلين

02-12-2022 - 07:25 pm

وصايف الحجاز
بالفعل كهف البحر رائع سبق لي زيارته؟؟
بس المهم هل اذا كلمتهم قبل وحجزت وبلغتهم إني أبي الحجز هذا عبارة عن احتفال هل سأجد تفاعل منهم؟؟

عيون جدة

02-12-2022 - 08:26 pm

وعليكم السلام ورحمة الله وبركاته
ان شاء الله هادي المواضيع تساعدك
https://artravelers.com/p/re/341082
والله يديم عليكم المحبة

مسلمة لله

02-12-2022 - 09:27 pm

روحي وايت كافي الي في شارع صاري وقوليلهم قبلها بيوم يعملولك او ممكن لونوتر في نادي الفروسية الي جنب بارك الحياة مفتوح والجو حلو بس احجزي قبلها بيوم يومين وان شاء الله تكون مناسبة ولا احلى ربي يدين عشرتكم بالمعروف و بالموجة والرحمة

وصايف الحجاز

02-12-2022 - 10:28 pm

أبو البطلين
اكيد .. لان دائمآ لما اروح لهم القى ااحتفالات اعياد ميلاد وغيرها ,,,
ممكن يعملوا لك كيكة ويكتبوا عليها العباراة اللي تحبي ,,,,
على فكرة حاولي تروحي بغير الويك اند ..
وبوقت مبكر عشان تتلاشئ الزحمه وتكون فيه نوع من الخصوصية ..

جدة المسافرون العرب

اماكن حلوة للإحتفال بذكرى الزواج