1. حديقه حيوان ..مافي غيرها حديقه الأنعام الجميله..

بالنسبه لأماكن التسوق ياكثرها ماشاء الله منها سوق حراء الدولي وشارع التحليه ..هذي كل الماركات فيها وتبين نصحتي تروحين لها عصر أو في الصباح ولاتروحين في الليل ..وكمان عندك سوق النجار والحجاز ومجمع الشرق 1,2,3وجده الدولي وأسعارها مرتفعه لأن أغلب الموجود فيها ماركات وأأقمشه وملابس حقت مناسبات أو عروس ومكيفه وكمان الكورنيش والمحمل ..أما الأسواق نص نص ..عندك البوادي وهو مقابل للحجاز وبجنب الحجاز سوق عصام ناس الدولي وعندك سوق السوريين والكنده أو الصحيفه زي مايسمونها..وبجنبه سوق اليمامه..والمراكز شبر والهرم وستي بلازا وثنائيات واليافعي وكثير غيرها..ويوجد شارع صاري متخصص في الأحذيه كرمك الله..مع إني أحس موضه شارع صاري راحت لكن يمكن تلقين فيها شيء يعجبك..
ومن أبرز الشوراع ..شارع التحليه وشارع المكرونه وشارع حراء(شارع الأكل كما يحلوا للبعض تسميته)..وشارع فلسطين وشارع صاري ومن الدورات دوار الكره الأرضيه والدراجه والأفلاك والهندسه..وغيرها..
وسرماركت ..عماد , الرايه ,وطني , المخازن الكبرى,الدانوب,الغامدي....وغيرها كثير..ولها أفرع..

حديقه حيوان ..مافي غيرها حديقه الأنعام الجميله..

بالنسبه للمطعام وش أقولك يوجد في جده أكثر من 2000مطعم..بس أبعدي عن المطاعم اللي تطل على البحر ..لأنها غاليه ومكشوفه وماتصلح ...من المطاعم اللي جربتها ..قريه محمد حسين في الصفا وهوساتر الضيعه بس كان زمان أكله أحلى من ألحين ..وطبعا ..البيك والطازج وريدان ورمانس مطعم عمو حمزه والمشويات اللبنانيه..وغيرها كثير وابعدي عن المطاعم الصينيه واليابانيه والهنديه..وهذي الخرابيط..لأنها غاليه وماتنكل..وفي عندك القهاوي عند الرحيلي وذهبان كثيره جدا تاخذين راحه أكثر وتصلح كثير للعوائل ..طبعا يكون فيها سمك ورز الوجبه الرئيسيه فييها.
وعندك في العصر أفضل شيء أبحر الشماليه أما الجنوبيه فيفضل أن تذهبي لها في الليل وتكون قريبه من الملاهي وماتتعبين كل الملاهي جنب بعض ..بس سمعت إن ملاهي عطا الله يوم الثلاثاء تكون للنساء فقط وفي عالم الثلج خاص بالنساء وعندك كمان على البحر معرض العلوم والتكنولوجيا..
بالنسبه للمستشفيات عندك مستشفى الجدعاني كويس ..
وأترك الباقي للأخوان والأخوات أكيد عندهم الكثير عن جده..لانسين مخيم البحر الصيفي وهو مكيف ويوجد مكان خاص للنساء

وفي كثير من الإخوان والأخوات منزلين مواضيع كل ماعليكي البحث ..والفنادق عندك موضوع دليل المملكه للمسافرين..ومثبت..
وحياك الله في جده...بلد الرخاء والشده..

مشكورة يا اخواني واخواتي في الله ......والله يعطيكم الف عافية على مجهودكم المبذول.......تصدقون انا عندي احساس ان هذه السفرة راح تكون خيالية.......وطبعا هذا كله بسبب جهدكم الرائع .......وتسلمون لي .....