حلو الكلام
13-11-2022 - 07:38 am
السلام عليكم ورحمة الله وبركاته
حياكم الله جميعاً ...
اخواني اللي عنده خبره بالسفر عن طريق السياره للدول الاشتراكيه كما يسمونها لايقصر
كيف بدأت الفكره ..؟
اليوم 14-1-2010
كنت متوجه الى البطاقه المدنيه اراجع .. صدفه حصل واحد من الربع ينطر دوره واسلم عليه ..
قال ترى معاي فلان .. صاحبه وانا اعرف صاخبه من زمان عنه كنا مسافرين البحرين مع بعض وخوش ولد وصاحب نكته وقلب كبير
المهم .. وصل صاحب صاحبي سلمنا على بعض بشوق وترحيب وضحكه وقعدنا نسولف
وصل دور صاحبي وكملنا سوالف انا وصاحب صاحبي قال .. العام رحت النمسا ويقولي انت شلون التشيك معاك قلت من زمان عنها خبري فيها 2005 قال تصدق ودي اروح لها
قلت سياره وانا اضحك قال اي والله ... قلت اوكي انا معاك وفلان قال والله من صجك قلت اي والله
نطرنا صاحبنا وعرضنا عليه الموضوع قال اوكي ونااسه يلا .. عاد صاحبي اعرفه ماشافر غير البحرين الا .. أمه الله يطول عمرها المهم قال والله وياكم قلت انا اوكي علشان انا انسق الاجازه مع الدوام
ولنا كلنا نضبط شغلنا كامل الله عطاكم الى شهر ثلاثه خلال الفتره هذي زهبوا نفسكم
كلهم قالوا زاهبين بأي وقت ههه جان اتوهق قلت لهم عطوني وقت اضبط الاجازه كلش كلش شهر مع ترتيبي الكامل للسفر قالوا اوكي
ولكنا ولا مره رحنا بسياره
علشان جذي اقول اللي ... عنده خبره يقول لنا من بعد سوريا تركيا وعقب اعتقد بلغاريا بس بالكيلو والتنظيم واكوون شاكر للجميع
وراح اكمل لكم الموضوع متى نسافر بالضبط اذا الله سهل
راح اكون معاكم اهني أول بأول ان شاءلله
لكم تحياتي
