1. اما الرحلة الثانية ضبطتها صح

السلام عليكم ورحمة الله وبركاتة :
بصراحة انا رحت ماليزيا اكثر من مرة اول مرة كانت رحلة غشامة تعرفون الواحد ما يتعلم الا بعدين

اما الرحلة الثانية ضبطتها صح

احلى شي في ماليزيا بيننج ولانكاوي حاول انك تجلس فيهم اكثر وقت ممكن لانهم فيهم برامج كثيرة وطبيعة خلابة وانواع وساعة الصدر .
كوالالمبور اكثر شي اربع ايام تجلس فيها ورح فيها يوم جنتنق ولا تنام هناك لان ما فيها غير ملاهي وفندق واحد 4 نجوم يعني اوكي ممكن تتمشى في النهار وتنبسط بس في اليل وين تروح ما في غير الفندق هذا يعني مانصحك انك تبات فية .
سوانا لاجون ما نصحك نهائياً انك تروح لانها ما فيها شي غير الحديقة المائية واشياء بسيطة حرام تضيع وقت فيها .
تومان حلوة بس بعيدة وطيارة وجع راس وماشوف فيها فرق كبير عن جنتنج ولانكاوي . وغالية كثير . لان سواحها اكثرهم اجانب .
يعني بالمختصر المفيد انت بتمسك خط لمدة 7 ساعات او اكثر من ديرتك وعائلتك بتتعب من المسافة تبي نصيحتي .
اذا نزلت في مطار كوالالمبور توجة على طول على منتجع جولدن هورسس يبعد نصف ساعة عن المطار واقرب من المدينة وريح فية يوم واحد من تعب السفر بصراحة خيال ويسكنون فية الرؤساء في العالم بوش وطقتة وبتلقى صور الملوك والرؤساء وجنبة نهر تركب في البوت وياخذك لحد مجمع فية كل شي من مطاعم وتسوق وارتاح والصباح رباح .
وبعدها توجة لبيننج او لنكاوي كيفك لاكن بيننج حاول تجلس فيها اكثر من لنكاوي لانها اكثر برامج يعني مثلا خمس ايام بيننج وثلاث ايام لنكواي وبعدها ارجع على كوالا لمبور واجلس فيها مثلا اربع ايام .
المهم لا حد يروح من بيننج لحد لانكاوي بالبوت (العبارة ) نراها مزعجة ومقرفة في نفس الوقت واذا كان امواج بصراحة بتاكلها صح وبتضيع عليك ساعات كثيرة روح بالطيارة وسع صدرك.
وان شاء الله اني اكون ما قصرت وتعجبكم خبرتي في ماليزيا .
والشكر للجميع