احـلام ناعسه
02-06-2022 - 07:34 pm
السلام عليكم ورحمه الله وبركاته
على عجاله من امري لذا اعذروني على الاخطاء وعدم التنسيق
اولا اوجه رساله شكر لكل من قام وساهم في هذا المنتدى عامه وقسم ماليزيا خاصه
كل الشكر والتقدير للاعضاء النشيطين والى من افاد بخبرته ووجه وارشد
كل الشكر الى من ارفق ملفات مفصله وكل الشكر الى من تعب واجتهد
صراحه استفدت الكثير وحملت من الملفات الاكثر
لايسعني ايفائكم حقكم ولكن من لايشكر الناس لايشكر الله
بصراحه هذي اول مره اسافر خارج حدود مملكتي الحبيبه
ومتجهه الى ماليزيا ان شاء الله
لاسباب عديده
وسوف اضع برنامج رحلتي مستفيده من ارائكم وخبرتكم نفع الله بها الجميع
اتمنى تقدمون لي نصائحكم بالنسبه كيف انظم برنامج لكل يوم وين نروح وين نجي لان كل اللي
سويته حجوزات فنادق وطيران داخلي
طبعا راح تكون الرحله على الخطوط السعوديه ابتداء من الرياض دغري على كوالالمبور
اول محطه لنا مدينه سيلانجور فندق برايمدز تاور شرايكم فيه اول كان حجزنا صن واي لاقون بس ماحصلنا
طبعا راح نجلس فيها يومين وين نروح فيهم علموني
بعدين راح ناخذ طيران بينانغ الى جولدن ساندس تراي جاهله برضوه شرايكم فيه واللي عنده صور لا يبخل
راح نجلس خمس ايام وين نروح طبعا طيران ماليزي
بعدين قررنا نروح عن طريق البحر الى لانكاوي راح نقضي يومين في فندق شيراتون ريزورت طبعا سمعت هنا سب له بس الشكوى لله حجزنا وخلصنا
على فكره المكتب قال اذا تبغون طيران احجزلكم بس يبغى بطاقه الفيزا بس انا قلت للهزبند تبعي خل نجرب البحر يمكن احسن
بعدين بتوجه طيران الى العاصمه كوالالمبور في كراون بلازا لمده خمس ايام
شرايكم بالبرنامج اخذنا من عند الصرح وكل هذا بمبلغ 19 الف
اسئله متنوعه
طبعا التنقل بيكون بتكسي الحين انا اخذت ارقام اصحاب تكاسي من الموقع لكن هل هم ثقه يعني اقدر ادق على اي واحد فيهم ويخدمني
طيب كيف انظم جدول يومي سمعت ان الواحد يطلع من الصباح يعني الساعه كم
طيب بسال عن بطاقات الصرف يعني بطاقتي الي تبع مصرف الراجحي اقدر اسحب فيها من هناك
ولا لازم فيزا ولا بطاقه دوليه
الرحله راح تكون ب 9 يوليو والعوده ب 25 يوليو هل التوقيت مناسب انا اخترت قبل شهر اغسطس علشان ماتذبحنا الرطوبه
واذا عندي اي سوال راح ارجع لكم لان مالي غيركم بعد الله
والف شكر لكم مقدما
على فكره احس ان اسم الموضوع ماله داعي ولايمت بالموضوع لصله
ايقونه وجه يعيط