يه مافيه احد بيسافر في هالوقت غريبة وينكم ياللي تحبون باريس اسيا ( تكرم والله ماليزيا عن هالتسميه) اقصد اسيا الحقيقية

يامرحبا بالعضو الجديد اموت بالسفر بمنتدانا
وان شاء الله تفيد وتستفيد
بالقوة التعرف على الناس يا اخي انت عزوبي ومابغينا
البلشة تسولف مع المضيفة وفكنا
خبرنا عن شعورك الان وانت رحلتك بعد ايام قليلة
وخبرنا وش اغلى شيء شايله معاك
جاوب بصراحة ....ولك تحياتي

اوريك يالدب الحين انا عضو جديد شكلك مابعد قريت ايش اللي مكتوب تحت اسمي ( صح النوم ياأغلى صديق) انا اقولك بصراحه باقيلي اختبارين الاول يوم الاحد الجاي والثاني يوم الثلاثاء وبعدين ان شاء الله من الرياض على جده لان رحلتي على الخطوط الماليزيه ياخي تصدق اخذتها طبعا بدون تذكرة الرياض جده ب (3450) شامله تذكرة بينانغ ولنكاوي والله يعين ياخي خايف تصير الخطوط عكس ماتصورت ( الله يعين ) المهم انتهيت من حجوزاتي من مكتب اخونا ؟؟؟؟ بعدين اقولك الفنادق كالتالي :
كوالا ________ جولدن هورس ( كيف اقولهم ابي الغرفه مطله على البحيره ) ؟
لنكاوي _______ لانكاوي لاغون
بينانغ ________ حبيبك ( بي فيو بيتش )
كاميرون ______ طبعا بالسياره ( ايش تنصحني اركب بالباص او تاكسي خاص بس اخاف لوحدي والمده طويله اربع ساعات ايش الحل ؟ وش افضل طريقة ؟) الفندق اكواتوريال هيل وكيف الرجعه منها الى كوالا ؟
كوالا _______حبيبك ( بان باسيفك ) ياويلك لو مايعجبيني
سلانجور _______ صن واي لاجون في عندهم غرف مطلة ولا زي بعضه ؟
كوالا _______ ماريوت
وبعدين ان شاء الله لجده ومنها للرياض حبيبت قلبي ...
المهم حاط في بالي اني اروح لجنتنغ ومنتجع افاموسا بملكا ... والله يعني يارب ادعولي بالتوفيق ( عطني رقمك حبيب قلبي الشعبي لو احتجتلك في حاجه ؟) ايه وبعدين مع مين اتعامل هناك ( اقصد المكاتب السياحيه)؟
وهذي رحلتي يالشعيبي ومشكور على بحثك عني ياابوي الخامس ( انا اللي احبهم اقولهم يا بابا ) ههه ( تعرف حقين جامعة الملك سعود يحبون المزح الحلو) :d

تصدق حسستني اني دب من جد
والله شكلك انت الدب نسيت انه مشاركاتك فوق 100
الله يوفقك اخوي في الاختبارات ...ودائم انتم بعدنا الله يسلمكم
حنا خلصنا والدكاترة حطوا رجولهم قبل الطلاب
الخطوط الماليزية ممتازة ...وماراح تندم ..
فنادقك ماشاء الله حلوة
saya nak bilik tepi tasik
سايا ناء بيليك تبي تاسيك
انا بغيت غرفة جهة البحيرة .
كاميرون ...خذ لك سيارة توديك لها ...وابحث عن
سائق امين وطيب ...وانتبه لو كان السواق ما حلق
شنبه من 4 سنين
والمدة اقل من 4 ساعات ...ولو بغيت باص لاباس
ولكن اخاف تضيع.
تكلم موظفة الفندق ...وتقول لها ايتها الجميلة ودي
تاكسي لكوالا وتقول اسم فندقك وهم يدبروك ويتصلون
ويقولون سعرهم وانت بكيفك .
بان باسفيك عندي
صن واي لاقون خذ ارخص شيء ومشي حالك
اللي يسمعك يقول رايح شهر عسل
خذ رقمي :0505698248
ماتتصل تعاكس ...ترى اجيبك واوريك
عندك ابو غدي وتقول اتعامل مع مين
وان بغيت مكتب ثاني خبرني
طيب يا ولدي ...بغيت اي شيء لايردك الا لسانك
ورقمي عندك ولكن لا تزعجني كل شوي اتصالات
ماعندي شغلة غيرك ولا ايه ...وبعدين بغيت من هناك
شيء دق على وحتى لو بغيت ترجمة او اي مساعدة
مادية او معنوية او احساسية او نفسية
وخلك ذيب ولا يضحك عليك الماليزي
ابوي دائم يقول لي خلك ذيب اقول له يا ابوي الذيب
مافيه خير واكبر دليل انه الناس الخربانة يسمونهم
الذئاب البشرية خلك رجال مسلم احلى ...بلاذيب بلا بقرة
جامعتكم ماهي مثل جامعتنا الحلوة الملك عبدالعزيز
واختصار جامعتنا KAAU ...انطقها 5 مرات ورى بعض
واتحدى ان ماغلطت في لفظها
طيب يا ولدي ...انتبه على نفسك وربي يوفقك ويرجعك
بالسلامة ...طيب ياعيون بابا ...السلام عليكم

يا اربي على هالطيبه بس والله مادري ايش اكافأك به لكن اللي اقدر اقوله اللي مثلك ياعيوني قليل وبس ( تصدق عاد اني ضحكت حتى تقطعت مصاريني ) بسم الله علي ،،، واستغربت يوم حطيت رقم جوالك قلت شكل المشرف الكبير (اقصد العام ) بيحذفه مثل كل مره ( ولا انت على راسك ريشه ) ياهو (ههه) المهم استعد للمغازل ...

السلام عليكم ورحمة الله وبركاته،،،
اسمحلي أخي أموت بالسفر أن أتدخل فيما بين الأحبه وأخرب عليكم هذه الجلسه
الشاعرية والتي تنم عن صدق المحبه بينكما ، ولاألومك والله فهذا الشعيبي الحبيب
والذي عرفته في هذ المنتدي قبل أكثر من سنه ،،، أسأل الله أن يديم المحبه والود
والألفه بينكما ،،،، وأطلب بل وأستأذن أخي الحبيب / الشعيبي عندي طلب صغير
وبسيط فقد سجلت رقم جوالك في هاتفي الجوال ،،، فقد أحتاج منك علي معلومه
أرجوك تحملني ،،، فانتظر،،، يأتيك الصوت،،، من بعيد،،،، أنا أخوك ،،، أبوعمر
أتكلم من ،،،، الكو،،،،،،،يت،،،

وعليكم السلام ورحمة الله وبركاته ...
اخوي الغالي ابو عمر والله لي الفخر والشرف
انه رقمي يكون مسجل بجوالك يالطيب
ويامرحبابك وبكل اهلنا بالكويت ونعم بك وسبعة نعام يا غالي .
حنا اللي نتشرف ...ودق علي متى مابغيت
اعتبرني اخوك الصغير ولا تخجل مرة وفي اي وقت اتصل
ولايهمك يا ابوعمر الله يفرحك بعمر
اخوي اموت بالسفر بشرنا كيف اختبار الاحد
ان شاء الله خير ونفرح بك وتصير وكيل وزارة قد الدنيا
وانا اصير الوزير وقتها راح اطلع لك الشيب
موفقين بأذن الله ولكم تحياتي وتقديري والسلام عليكم

مشكور أخي الحبيب/ الشعيبي وهذي والله الهقوه فيك- الهقوه- (( بمعني - العشم)) ،،،
وأشكر لك أخلاقك الكريمه والتي تنم عن طيب قلبك وصفاء سريرتك ،،،،
أخوك المحب لك كل خير ،،،، أبوعمر،،،،

وش ذا الحقنة الاربعاء خلاص بنغير موعد الرحلة وبعد الخيول الذهبية وش ذا النشبة ورانا ورانا والله انكم عزوبية يااخي روحو بلاد الاندومي ولا في القاهره سنتر في لوبي سمير اميس ولاالهلتون
امزح معاك اخوي انا بعدك بأسبوع
والاخ الثاني ترقيم عيني عينك الشعيبي على فكره انا من الناس اللي ترقمت منك طبعا بعد اذنك