- السلام عليكم ورحمة الله وبركاته
- عندي كم نصيحه لكم :
السلام عليكم ورحمة الله وبركاته
عندي كم نصيحه لكم :
- احجز الفندق من الانترنت اوفر واضمن لكم من المطار او الفندق مباشره او مكاتب السفريات بالمطار في بعض الاحيان يكون اغلى من الفندق ومن السفريات بعض الاحيان تحجز سويت واذا وصلت يقولون حجزك غرفه عاديه ومن الفندق مباشره يكون اغلى او فل وانت تبي ترتاح من بعد الطريق وبالنسبه لفنادق العرب بعضهم يقولون لك فل ويوجد اماكن بس يبون اكراميه للاسف احنا الي علمناهم الاستغلال بسبب كرمنا الزايد عن الحد!
(لا تنسى تغارن السعر بين مواقع الفنادق عندكم بوكينق واسيا روم واسيا ترفل)
- التكسي لا تاخذونه من المطار اخذوه وانتو طالعين تحصلونهم مكان استقبال المسافرين وكاسروهم لانهم نصابين يدبلون السعر بتايا 1000 بات انا اخذ وبالرده 800
- اتمنى منكم ماتدفعون بخشيش وكروه بمبالغ كبيره لان بصراحه طمعناهم فينا
- بمنتصف الليل لا تدخلون شوارع وممرات مظلمه ومافيها احد في اكثر من موقف حصل لاصدقاء لي من نهب
- لا تحمل معك اكثر من مصروفك اليومي المخطط مسبقا على حسب ميزانيتك
- اذا كنت تريد مساج اذهب الى فايف ستار اسعار ثابته وتدليك يريحك ما يتعبك!
- في العوده ممكن تحصل ناس معاك يقولون معانا وزن زايد عادي تشيل حقيبتنا معاك(اعرف اي ممنوعات تكون بالحقيبه انت المسؤول عنها) الي عنده وزن زايد يرسله بالشحن الجوي
وبالاخير اتمنى لكم سفره ممتعه وسالمه
و بالنسبه للحجز انا وجدت بوكنغ كم ارخص واحد فيهم
بارك الله فيك و وفقك لكل خير