يعني 7 ليالي و8 ايام تراها قليلة زودها شوي ماتسوى قيمة التذاكر :
اليلة الأولى : نقمبوا فندق ذا بيتش( غالي ) بديل الدلفين.
اليلة 2و3 كاندي فندق مهاويل ريتش اذا انت تبي تسكن في هوناس لتغير المطل اوخذ امايا هلز رائع موقعة على جبل .
اليلة 4و5 هوناس فلز ( لا بد من الحجز بدري فيه )
اليلة6و7 نوريليا فندق القراند
اليلة 8 بنوتة( ساحلية) فندق تاج ( غالي )او بنتوتة بيتش ( ارخص)ثم بعد الفطور اذا رحلتك متأخرة على المطار تقريبا 2ونصف ساعة .

درب يرد مايسد
ههه
منتب طبيعي
الرجال يقول كيرلا
وانت مدرعم بسريلانكا

الله يقطع بليسك ياسفرون يوم شفت اسمك مداخل قلت ابدخل ابي اضحك شوي لكن ... صارت الضحكة علي هههخ .
الخطأ حصل بسبب العقل الباطن كنت اقول (لايهمونك ) اذكره كان سأل الصيفية الفايته عن سرلنكا وبديت الله يخلف ماافرق بين السنه والعام ودرعمت بسرلنكا كله من ( مخرجات التعليم ) هذي عاد مافهمتها وانا معلم بعد بس نقولها ( تخبر عزوبي واعزوبية دهر ولا اعزوبية شهر وراي تنظيف وتسبيع وطبخ ( كلشن غلى الا الحريم وهن الزبدة والفايدة ) وراهن ماغلن ياشفرون ؟ تحداك اجاوب ؟
آسف ياصاحب الموضوع ( لا يهمونك ) وابشر بسعدك

• ليلة رين فورست قريبة من المطار ( شلالات)
• 4 ليالي مونار ماونتن كلوب ( زبدة الرحلة )
• تكدي ليلتين كراملا هافن
• كوتشن ليلة في رمادا وان كنت تبي البحر ففي مراري بيتش( تكون بعد تكدي ) ليلتين رائع فيلا مع مسبح خاص الأطفال يبي يستانسون .

درب يرد مايسد
ههه ياحبي لك يادرب والله اني اشوف المناطق مو غريبة علي , بعدين عرفت انك مضيع ههه
الله يعطيك العافية على مجهودك ,, طيب وش سالفة الهاوس بوت اعتقد اسمه كذا ودي اجربه صراحة
وان شاء الله بعتمد برنامجك هذا والف شكر لاخلا ولا عدم

الهاوس بوت تاخذه من البي تكفي 4 5 ساعات يتخللها وجبة الغدا ( قارب على شكل بيت يمر بك بين القنوات المائية وليس الفضائية ) ويمكن اخذه من كوماركوم قريبة من البي اذا سكنت في زوري لكن زوري يعيبة انه ليس على البحر وانما على بحيرة .
ملاحظة : لا تحجز الهاوس بوت مع البرنامج احجزه انت بنفسك حتى السواق لا ينزل ولا يدخل في الموضوع لانه يبي يرفع السعر عليك وياخذ عمولته ( الهاوس بوت اكثار تحتار وش تختار )

اخي الكريم بعد قراء ة رسالتك توجهت للموضوع وكان مقفل ولم ينقل بعد وارسلت لك الرد على ملفك لعله يكون وصلك
ربي يحفظك وييسر امورك والجميع
اما انت يادرب فصراحه اني وحده افوت لما قريت ردك ضاق صدري انا معطيه اخونا لا يهمونك برنامج لكيرلا .. ورجعت اتاكد من كلام لايهمونك ومعليش لا تزعل مني فرحت تدري ليه يعني بتمسك عليك ولو من سفرون يسوي موضوع خاص وكيف ان درب يهذي على المسافرين ( يا الشايب ).. ورجاء اخي سفرون لا تضيع الفرصه والعين بالعين والكرتون باللي انت خابر
تحياتي للجميع وعذرا اخي لا يهمونك وبصراحه الله يعينك اذا تسمروا هاالاثنين عندك عز الله ضاع موضوعك

ههه سفرون مايحتاج وصات يامونار بس هو مشغول بالكر.......... تراي على وعدي ماني جايب طاريه .
والله انك صادقة خربنا المواضيع امس شفت رسالة على الخاص قلت بس هذا الذيب العربي يبي يقول ترا ماهب ازيلكم لكن برده الله بالعافيه رسالة استفسار.
صحيح سفرون لزقة اشد من لزقة جنسون وبكل مكان تلقاه لو تدخل بوابة السفر الى بلاد الوقواق لقيته يداخل ويهذر
لا يبقي ولا يذر
( الله يكون بعون سفرونه )ههه اما انا ...... ندع الكلام لسفرون بماذا سوف يمدحني
( الله يعين على الإطراء ).

اشكركم جميعاً سفرون ودرب يرد مايسد ومونار ...
اذا ممكن طبيعة المناطق اللي ذكرتوها وصورة الفنادق او دلوني على وجودها بأي موضوع لأحد الاعضاء ونزلي رابط الموضوع وانا اروح ابحث عنها

اشكركم جميعاً سفرون ودرب يرد مايسد ومونار ...
اذا ممكن طبيعة المناطق اللي ذكرتوها وصورة الفنادق او دلوني على وجودها بأي موضوع لأحد الاعضاء ونزلي رابط الموضوع وانا اروح ابحث عنها