جزاك الله خيرا ً
موفق ..

الأخ travelers أسعد الله أوقاتك ..
إذا كنت لسى ما رحت ترى عندي معلومات عن الهند تفيدك ..

السلام عليكم
انا يأخk999k
إذا سمحت ممكن تفيدني لاني رايحه للهند كمان أسبوع
وأبغى أعرف عنها المزيد إذا أمكن
ولك جزيل الشكر

بانتظار افادتك يا اخ k999k
لأني موعد سفري بعد شهر بإذن الله

أعتذر عن تغيبي في الفترة السابقة .. ولكن أعدكم أن أعمل على تجهيز المعلومات اليوم أو غداً .. وسوف أوافيكم بكل ما أعلم وألم به .. وأكرر إعتذاري مرة آخرى ..
أخوكم / خالد

السلام عليكم ورحمة الله وبركاته ..
أعتذر منكم مرة آخرى عن تأخري وذلك بسبب سفري داخل المملكة مماجعل الإتصال بالنت فيه مشقه علي ..
المهم نرجع لموضوع الهند وما أدراك مالهند ..
الهند كل اللي راحو لها يسبون فيها حيل ليش ؟ لأنهم مايطلعون من بومبي .. وبومبي حاشكم ( زبالة ) الله يكرمكم
لكن مافيه مانع تجلسون فيها بالكثير يومين أو ثلاث أيام فيها ... وين تروح فيها ؟؟
(1) فيه عندهم ملاهي كبيرة مرة خارج بومبي ( قريبه منها ) مقسومه قسمين ملاهي عاديه وملاهي مائية ( يعني لا تنسى تأخذ المايوهات ) لان الألعاب كها بالمويه .. يعني حلوه ماشي حالها ( يعرفونها ماعندهم غيرها ) .
(2) فيه عندهم قاردن حديقة كبيرة ( برضه ماشي حالها ) .. يسمونها القاردن .
(3) فيه عندهم كهووف ومغارات وغرف واعمده كلها منحوته بالجبل ( بس نسيت أسمها والله ) .
(4) روحوا الى كوولابا هذي منطقه فيها عرب كثير وفيها مطاعم ومجمعات وسينما و و و .
(5) فيه فندق في كولابا مشهور له مئات السنين ومجدد على احدث طراز وعلى البحر بأمكانك تدخل وتمشى فيه .
(6) السكن أنا سكنت في منطقة أسمها جوو ( تشديد الواو ) كويسه برضه على البحر ومافيها زحمه كثير .
أقولكم حاجة الديرة مافيها نظام وعندهم فوضى عجيبه .. بس الأمان موجود 100 % إن شاء الله مع الأخذ بالإحتياطات اللآزمة من الحرص وغيره ..
فيه مقاهي عندهم بكل الشوارع والأحياء والمدن أسمها باريستا Bareseta روعه نظافه جيده وأسعار جيده .. وأيضاَ عندهم باسكن روبنز وبيتزا هت وماكنونالدز ، وعلى فكره ( الشوبينق ) اللي يبي يشتري من هناك تراهم غالين ولا عندهم شي زين أبد ( هذا من وجهة نظري ) ..

• نجي عاد لغير بومبي :

أنا أعتبر الرحلة بدأت عندي من هنا .. ليش ؟ راحت الزحمات شفنا الديره زين أنبسطنا وهذا اللي ندور عليه كلنا والا لا ؟ المهم أبغى أبدأ بالمدن اللي رحت لها :
(1) GOA قوا وهذي المدينة غنية عن التعريف عندهم ، وأنا ابغاك بس تكتب GOA بالقوقل (صور ) وشفها بنفسك راح تقول هذي مو بالهند .
(2) كندالا .
(3) لونا والا .
(4) بونا .
أنا الحقيقة تعبت شوي من الكتابة ومشغول شوي الحين .. بس اللي يبغى أفيده أكثر عن كل مدينه على حده أنا مستعد وتحت أمركم ..
أخوكم / خالد

أشوفكم سكتوا على الموضوع .. ما أدري أعجبتكم الهند والا لا .. المهم اللي يبي تفصيل أكثر تراني حاضر ..
خالد

جزاك الله خير
اعتذر للتأخير فقد كنت مسافر
معلوماتك طيبة
ولكن ....... ماذا عن الفيضانات ؟؟
>> أرعبتني الصحف