himzmz
22-03-2022 - 06:46 pm
اطلعت يا اخوان على تقرير اخونا العزيز ماجد الفهد وحبيت اسألكم عن هذه الرحلة
مكان المكتب الخاص بالحجز
مدة الرحلة
وهل شاملة مواصلات الفندق من والى
هل رحلة المانغروف تغني عنها هذي عندي في المقام الاول(كم سعرها للشخص)
هل رحلة الجزر البحرية الاخرى في لنكاوي (كم سعرها للشخص) ايضا تغني عنها ام انها مختلفة
وشكرا لكم
صباح الورد عليكم يا إخوان ...
وعذرا على التأخير في الرد ...
بس تخبرون الويكند بالنسبة لي ... زي البيات الشتوي ...
أحاول أهرب من كل شيء ... وخصوصا النت ...
بس والله لما أرجع السبت أكون مشتاق لكم كثير ...
أعتذر مجددا وأعود لأسئلتكم ...
رحلة المانقروف تختلف جذريا عن هذه الرحلة ...
المانقروف رحلة جميلة جدا ، تطلع لها في النهار ، وإذا الله رزقك جو غائم فراح تزيد المتعة متعة ...
سعرها يختلف ... لو حاب تآخذ بوت لوحدك ... فهي من 250 وحتى 350 على حسب المكتب ...
تقدر تآخذها من المطار ومن جميع لامكاتب السياحية وممكن الفندق كمان يحجز لك ومع التوصيل بعد ...
وممكن السواق اللي مستاجرينه ... يوديكم محلها وأنتم تفاوضون معاهم على راحتكم ...
فيه ناس طبعا ما عنده مشكلة يشارك قروب معاك ... فالسعر راح ينخفض ليكون 50 تقريبا أو 60 رنقت على الراس
لو طبعا أخذت بوت لوحدك .... ممكن يطلع فيك على جزيرة خاصة ( يعني ما فيها أحد ) تسبحون شوي بجو فيه الكثير من الخصوصية ، وتتفق معاه يجيكم بعد نصف ساعة ، ساعة ، على حسب ، أهم شيء ... !!!!
تأكد أن الجزيرة فيها إشارات جوال ، وحاول تآخذ رقمه ورقم المنسق ، عشان لو أحتجتوه في أي أمر ضروري يكون حولكم
رحلة غروب الشمس ...
رحلة عشاء بإختصار ... تطلع لها منتصف العصر ... من ال 4 والنصف أو ال 5 ولمدّة أربع ساعات تقريبا مع التوصيل ( تتفق معاهم على هذا الكلام ) ...
ميزتها ... روقان ... تصور لحظات غروب الشمس ... يفضل أن يكون الجو صافيا حتى تستمتع بهذه اللحظات ..
الجو بيكون لطيف وخصوصا مع إقتراب لحظات الغروب ...
فيها جاكوزي طبيعيى ، نفس اللي في الصور ...
ممكن تمارس السباحة والجاكوزي وتقضي اوقات ممتعة لو حبيت ...
سعرها 240 إلى 300 للشخص مع العشاء والتوصيل ...
أنا أخذتها ب 250 فقط للشخص ..
وتقريبا ممكن تحجزها من معظم المكاتب ، يعطونك صور مسبقة بعضهم ، أهم شيء كاسرهم في السعر
وحاول تحجز في اليوم اللي قبله أو على الأقل صباح يوم الرحلة ...
شخصيا ...
جربت المانقروف .... مرتين ... والغروب مرّة ...
كل وحدة لها جو خاص ...
أكيد لا تفوت المانقروف لإنها بصراحة ... من أهم رحلات لنكاوي وبرنامجها حلو والجميع أشاد فيها ..
رحلة الغروب ... تصلح للناس الرايقة ... واللي ما عنده مشكلة يكون مع قروب أو مجموعة ...
لو صار لي رحلة قريبة إلى لنكاوي ... سأعيدها بالتأكيد ... من أجل زوجتي التي أحبّتها كثيرا ...
لا تنس أن القاعدة تقول ... لولا إختلاف الأذواق .. لبارت السلع ...
نحن هنا نتعامل مع ثقافات مختلفة وإهتمامات متفاوتة ...
تجربتي قد تصلح لك ولا تعجب غيرك ...
أهم شيء طبعا ...
إنت اللي حدد وش تبي ...
بالتوفيق وحاضرين دوم لك يا غالي