الله يسلمك ابشرك انا بخير ومافينى الا العافيه قاعد الحين فى المتيرا فى لنقاوى العيال يسبحون وانا قاعد مقابلهم اول ايامنا فى كولالمبور نوم ويوم ضيعناه فى صن وى لوقون اللى مزحومه من السياح العرب الله يزيدهم انشالله
وخاصه الشباب اللى كل ماشوفهم يتقطع قلبى الله يهنيهم كل واحد ماخذ العروسه ويتمشى فيها شهر عسل
تقول طيور حب الله لايغير عليهم
انشالله بكره بروح رحله الغوص واليوم بروح ادور لى كامره تصور تحت الماى علشان بغوص كل شى جاهز حجزت طراد للرحله 220 رينقت انشالله من الصبح بكره فيه
وماقصر اخونا حمود الخلف على السايق والله خوش رجال ومحترم اللى ابعد الحدود
ويقولون الحر عندكم ماكل وجيهكم

حيالله اخوى القرين
زين ما فيك شئ هذا اهم شئ
اما بخصوص الحر عندنا تعال وتشوف ومردك جاي بس قول للطيار وانتم
جايين الكويت يحط لولو او فيري على وجهه الطياره من الغبار

راى شلونك
والله امس خوش رحله من الصبح وانا طالع مارديت الا الساعه 9
2ساعه هياته جو كان عجيب
طلعنا رحله بحريه الصبح للكهف وعقبها ريقنا النسور وعقبها مزرعه الاسماك وعقبها جوله فى الطراد على سواحل تايلند من اروع الرحلات
هذا الجزء الاول 3 ساعات ممتعه رحنا تغدينا فى مطعم هندى بجنب عالم البحار وعقب اخذنا رحله الجزر الثلاث اللى يقولون عنها الحامل وجزيره يغدون النسور وجزيره للسباحه الجزيره مالت الحامل صار علينا هجوم من القرود الله لايوريك شافو كيس معانا وكل شوى جاى قرد يبى ياخذ الكيس
حلوه بس عيبها الدرج متعب شوى
وعقبها طلعنا وعشينا النسور مدرى غديناها
وعقبها رحنا نتسبح فى جزيره صراحه خوش شاطيئ بس خربت فى اخر ربع ساعه رجولى الحين كلها شوك من قنفذ البحر والله اليوم يالله امشى من العوار يمن فى رجلى اليمسن 12 شوكه واليسار 9 وحالتى حاله اليوم
بس هم اقاوم العوار علشان ماخرب على العيال الوناسه

alqreen
شوقتنا حق لنجاوي
دير بالك لازم تاخذ مضاد حيوي عشان ما يصير عندك إلتهاب
والله يحرسكم

انشالله اليوم بروح حق البلات فورم من الساعه 9 اللى الساعه 3 ومنها على بيننق والحمد لله اليوم العوار راح مافينى الا العافيه ومشكور ياقلبى ياسولرش

الحمد لله على السلامه
اما سالفه النسور صاروا عيالك تعشيهم وتغديهم وهالحين صار بينكم
عيش وملح على قولت اخوانا المصريين
بس عطنا فكره عن الرحله ( مكان الحجز والاسعار وبعض النصائح )
واهم شئ قول لنا وين مكان الشوك علشان ناخذ ثارك منه ههه

الغالي تسلم لي
فندق الفور سيسزن في لنجاوي وفندق أندمان شو رايكم فيهم ومنو أفضل حق العوائل
ودمت سالم

1. طبعا فيها بعد تغديه النسور

الإماراتي
الفورسيزن من احلى الفنادق واحلى الشواطئ بس عيبه انه بعيد عن كل شى يعنى اقل شى ساعه الا ربع مشوار
راى بالنسبه حق رحله النسور انا بقوله شغله البوت الواحد اذا تبيه برايفت لك انت واهلك مو مع ناس يكلف عليك 250 رحله 3 ساعات جوله حلوه فيه نوعين من الرحلات فيه رحله تروح حق الكهوف وفيه رحله تروح حق الحامل
انا اخذت الرحلتين تقدر تاخذها عن طريق راعى التكسى طبعا خوش ولد ومحترم وخلوق اللى ابعد الحدود
ويساعد عدل الرحله الاولى تكلفتها 250 للطراد بروحكم والرحله الثانيه اللى فيها رحله الحامل انا كاسرت راعى الطراد وعطانى 180 رينقت رحله 4 ساعات اللى فيها تزور بحيره الحامل طبعا فيه نصيحه حق الرحله هذى اذا بتدش لاتاخذ معاك اى كيس لانه القرود مشاكسه تخطف الاكياس من العالم انتبه منهم
داخل البحيره الماى حلو وتقدر تسبح وتقدر تاجر طرات ابو دواسات تتمشى فيها شوى

طبعا فيها بعد تغديه النسور

اما بالنسبه للبلاتفورم او اللى يسمونها لانكاوى كارول حلوه بس يمكن لك وحق اللى اهلهيقدرون يسبحون
لانه انا اللى زوجته عبايه ونقاب انصحه انه مايروح لانها ماتصلح حق اهله بس اذا شباب حلوه حيل لانه عباره عن جزيره صناعيه تقدر تغوص فيها وتشوف الاسماك تحت الماى وتوكلهم انا كانت معاى ام العيال استانست على الوضع بس تقول حسافه انها ماتقدر تشوف اللى تحت الماى لانها بس قاعد على البلات فورم اما الجهال استانسو مع انه كان شوى موج جاب لهم الصمرقع بس الحمد لله طافت

الصمرقع مرض معدي ولا شنو ههه
الحمد لله على السلامه والله يعطيك العافيه