- كانه عنوان كتاب ايام الدوله العباسيه
قبل كل شي بالله وش رايكم في العنوان
كانه عنوان كتاب ايام الدوله العباسيه
حبيت اقدم لكم بعض النصائح اللي والارشادات اللي تعلمتها واكتسبتها من خلال سفري وترحالي وهي تنطبق على اغلب الدول وانا بتكلم هنا عن حاله خاصه وهي لبنان
1) ما هو اول سؤال يدور في ذهنك اذا فكرت تسافر لدوله ما ؟ نفترض بتسافر للبنان في الصيف انا اتوقع اول سؤال يدور في ذهنك من وين احجز ؟ اذا كان هذا هو اول سؤال يدور في ذهنك فانت مخطأ لان المفترض يكون قبل هذا السؤال سؤال ثاني وهو " وين اسكن "
اول شي حدد شروط السكن اللي ترغب فيها وبعده ابحث في الانترنت واسال اللي يعرفون في المنطقه حتى تصل الى قناعه بان الفندق الفلاني هو افضل مكان اسكن فيه وبعده ياتي الفندق الفلاني ورتبها على حسب امكانيتك الماديه , الخطا اللي يقع فيه البعض انه يدرعم ( درعم يدرعم درعمة تعني السير بسرعه وبدون تركيز ) ويتجه لاقرب مكتب سفريات ويقول له شف لي فندق زين واحجزه لي . طبعا كل واحد راح يمدح الفنادق اللي الغاليه حتى لو كانت ما تسوى لان كل ما كان سعر الفندق اعلى كل ما زاد ربحه ( عادة ياخذون 10% على السعر وتنقسم بين المكتب والموظف في اغلب الااحيان ) يعني كل ما زاد السعر كل ما كان حقه اكثر .
2) بما انك حددت الفندق المناسب لك الان تقدر تبحث عن افضل العروض على هذا الفندق في المكاتب والانترنت وقارن بينها . يعني كلم اكثر من مكتب واسئل عن اسعار الفنادق اللي حددتها انت وفاضل بينها بناء على الاسعار . ولا تنسى يا عزيزي الانترنت وهذا انا اقول لك كيف تكون حريف فيه
3) اغلب مكاتب السفريات تكون اساسا ماخذه السعر هذا ماهو من الفندق لا تكون ماخذته من وكاله سفر كبيره احتمال تكون موجوده في نفس البلد او في بلد اخر . يعني ترا امكانيه انك تحصل عرض افضل من المكتب السياحي وارده جدا لو عرفت كيف توصل لوكاله السفر الرئيسيه .
4) حطها في بالك ومن واقع خبره ترا نادرا تجد عروض قويه على الفنادق الخمس نجوم في بعض البلدان مثل لبنان في حالتنا لان الفنادق خمس نجوم ماهي في حاجه للدعايه المكلفه . يعني هل المرسيدس تحتاج تسوي دعايه والا عروض ترويجيه ؟ لا لانها فارضه نفسها . ومثل الشي ينطبق على الفنادق خمس نجوم . بتحصل عروض بس ماهي قويه يعني فرقها بسيط جدا عن سعر الراك rack
ولكن ركز على الفنادق اربع نجوم لانها تحاول تنافس الفنادق خمس نجوم خاصة اذا عرفنا ان اغلب سياح لبنان في الصيف هم خليجيين ومعروف ان الخليجيين يفضلون الخمس نجوم ويركزون عليها لذلك فنادق الاربع نجوم تقدم عروض مجديه على شان تحوز على جزء من كعكة الخمس نجوم
طبعا استثني من ذلك بعض الفنادق الاربع نجوم اللي موقعها هو اكبر دعايه لها ويغنيها عن العروض وعلى سبيل المثال هولدي ان ديون
5) قبل ان تفكر في الحجز عن طريق مكتب سفريات في بلدك مثلا السعوديه فكر في الحجز عن طريق مكتب سفريات في لبنان . وياكثرهم في الانترنت كلمهم وشوف كيف عروضهم وقارنها مع عروض مكاتبنا هنا
ولو انت مو واثق في وكاله سفر في لبنان كلم الفندق اللي تبي تسكن فيه واسئلهم هل يتعاملون مع الوكاله الفلانيه او لا ؟
واهم شي الاخلاق وحب الوطن
مشكور ع النصائح الذهبيه
فعلا الحجز افضل في الوكالات في نفس البلد وياليت اخونا عاشق بيروت يفيدنا بما عنده
( درعم يدرعم درعمة تعني السير بسرعه وبدون تركيز )
احسن ترجمه بس انتبه لا تدرعم وتروح لاي وكاله بلبنان قبل تتأكد
تقبل تحياتي اخوك تركي