- انا رحت لحديقة الحيوانات تكرمون الي بكوالامبور
السلام عليكم ورحمة الله و بركاته
هاذي اول مشاركه لي .. انا و الله توني مسجل معكم اليوم , مالكم بالطويله انا رجال سافرت انا و الوالدين لماليزيا السنه الماضيه , طبعاً ماقريت بالنت و لا شئ رحت على عماها المهم اني أستانست أنا و اهلي.
لاحظت شغله النصب على السياح بالنسبه للمواصلات عيني عينك يعني
ذاك اليوم طالع من البرجين التوأم اقول لواحد ودني السوق الصيني قالي ب 80 رنجت , و الله بغيت اروح معه لكن قلتله شغل الجهاز الي يحسب قال لا .
نزلت ورحت بتاكسي ب 20 رنجت و رجعت مع تاكسي ثاني لنفس المحل ب 10 رنجت .
يعني ياجماعه نصب عيني عينك , و الماينز صلخوني لكن قابلت واحد من الربع قالي رح باقطار الأنفاق ارخص .
ياليت عنده ارقام ناس ثقه يحطها
وسمعت انه قطارات الأنفاق انه فيه قطار يوصل جنب السوق الصيني و فيه قطار جنب الماينز ياليت احد يكتب لنا و يفيدنايالربع انا بروح يوم 21 اوقست ان شاء الله
بجلس يوم في سلانقور كم تكلفة التاكسي من المطار لاسلانقور ؟
بروح بالطياره بيننانج ثلاثة ايام , المسافه بين كوالامبور و بيننانج ؟؟
و يومين في كاميرون هايلاند , انا برجع من بيننانج لكاميرون هايلاند بكم بتاكسي و لا اي شئ بكم ؟؟
و 8 ايام في كوالامبور (( لا يوجد سؤال لوول ))وياليت تكتبولنا وين نروح ووين نجي ,,
انا رحت لحديقة الحيوانات تكرمون الي بكوالامبور
ورحت للجنتنغ , الصن واي , ماينز , برج المناره , البرجيت التوأم , التايم سكوير , السوق الصيني , اسواق ناسي اسمها , وبالكاميرون هايلاند رحت لمزارع الفراوله و مزارع الشاهي ,,,أشتريت من السوق الصيني كبكات و اقلام و ابواك و ساعات و شنط نسائيه و شنط لاب توب
طبعاً الساعات اي كلام تكسرت مو تكسرت الا و الله تفككت بالنسبه للأشياء الثانيه زينه و طبعاً يطبع عليهم طابع النصب يصلخك بالسعر انت عطه سعر و امش وخله بيلحقك بيتعلق بنعالك تكرم لول على شان ترجع ,,
انا لقيت خليجيين اتفقت انا وياهم انا نروح لمحل الساعات يعني انا اصدقاء على يرخص لنا و ناخذ منه كميه الله يعطيكم العافيه على قراءة موضوعي و ياليت تردون لتعم الفائدة للجميع
و أشكركم جزيل الشكر
