هلا وغلا حبيبي ( محمد )
بصراحة يالغالي ... جدولك يحتاج ترتيب
الأفضل أن تكون البورت ديكسيون ( أخر محطة ) ... ومنها عالمطار ...
بكذا راح تسهل عليك التنقلات ... وترتاح ... وتوفر المال والوقت والجهد ...
يعني الترتيب الأفضل ( سلانجور - لنكاوي - بينانغ - الكاميرون - كوالا - البورت ديكسيون )
وتفضل طريقة التنقلات بينهم :
من سلانجور إلى لنكاوي ... طيران ( air asia ) والمسافة 50 دقيقة
من لنكاوي إلى بينانج ... طيران ( air asia ) والمسافة 35 دقيقة
من بينانج إلى الكاميرون ... باص ( vip ) أو تاكسي بسعر ( 400 رنقت ) المسافة أربع ساعات
من الكاميرون إلى كوالا ... باص ( يونيتيتي ) بسعر 38 رنقت للشخص والمسافة أربع ساعات
من كوالا إلى البورت ديكسيون ... تاكسي خاص بسعر ( 200 رنقت ) والمسافة ( ساعتين )

• من البورت ديكسيون إلى المطار .. تاكسي بسعر ( 70 رنقت ) والمسافة 50 دقيقة

ملاحظة :
عطني تاريخ الذهاب والعودة بالضبط ... وأرتب لك البرنامج بالأيام والتاريخ ... ولايهمك ياغالي

ياالغالي انت اشغلتك
التواريخ الوصول ان شاء الله ان كنا من الحيين تاريخ 23 يونيو
العوده 7 يوليو باذن الله
الحين من بينانج الى الكاميرون 400 رنقت للشخص او كيف

هلا والله أبو محمد
حسب التواريخ عندك ( 14 يوم ) ... وبكذا أنصحك تلغي البورت ديكسيون
يعني يصير جدولك :
يومين سلانجور ( 23 - 25 يونيو )
ثلاثة أيام لنكاوي ( 25 - 28 يونيو )
ثلاثة أيام بينانغ ( 28 - 1 يوليو )
يومين البورت ديكسيون ( 1 - 3 يوليو )
أربعة أيام كوالا ( 3 - 7 يوليو )
ومن بينانغ إلى الكاميرون ( 400 رنقت ) للتاكسي ... وليس للشخص

هلابك زودد
يالغالي ياوافي
ان اقترحت اللغي من الجدول بورت دكسون
وبعدين ذكرته لي انت الان وحطيتها من تاريخ 1-3 يوليو
ولم تذكر كاميرون
الان اللتبس علي الموضوع ايهم اللي تبي تلغيها لو تكرمت
عشان نقفل موضوع الفنادق
ونبدا نركز على الاماكن المهمه في المدن ونعرف كل شئ قبل ناصل
انتظرك يالغالي

هلا أبو محمد
فعلآ أنا أخطأت ... وكتبت ( البورت ديكسيون ) ... والصحيح ( الكاميرون ) من 1 - 3 يوليو
وبالتوفيق ياغلاهم ... وبعد الحجوزات ... نعطيك أهم الأماكن والجدول اليومي ....

طيب يالغالي سمعت كلامك اللغيت بورت دكسون
عاد ابي افضل فندق في كولا يكون زين وجنبه المولات وكل شئ تبيه
رشح واحد
بحجزه من 3 الى 7

مراحب يالغالي ...
أرشح لك في كوالا ( البارك رويال ) ... وهذا تقريري عنه

وافي ابشرك خلصت من حجز الفنادق
الحمدلله
حجزت بارك
افضل شئ حجزت فيه
الحمدلله
بسئلك وافي
الان لحجزت وجتك رساله بالايميل يقول التكلفه الكليه وحط رقم يكون شامل الضرايب والا لا
ابي عشان اعرف كم كلفت الفنادق
وباقي لنا شئ ثاني وافي تذاكر الطيران
عندك اقتراحات شئ تقترح اروح طيران والا قطار اذا فيه والا باص والا ايش انا بخذ بكلامك
انتظرك

الحمد لله يالغالي على أنتهاء حجوزات الفنادق
وطبعا السعر غير شامل الضريبة ... وهي ( 16% )
يعني تضرب سعر الليلة في ( 1,16 ) ويطلع الناتج النهائي بالضريبة
مثلآ سعر الليلة ( 300 ريال ) تضربها في ( 1,16 ) يساوي ( 348 ريال ) السعر النهائي وهكذا
وهذ طريقة التنقلات الأسهل والأفضل :
من سلانجور إلى لنكاوي ... طيران ( air asia ) والمسافة 50 دقيقة
من لنكاوي إلى بينانج ... طيران ( air asia ) والمسافة 35 دقيقة
من بينانج إلى الكاميرون ... تاكسي بسعر ( 400 رنقت ) المسافة أربع ساعات
من الكاميرون إلى كوالا ... باص ( يونيتيتي ) بسعر 38 رنقت للشخص والمسافة أربع ساعات