نسيت اسألكم عن ارقام سواقين في مامايا عرب او رومانين بس امينين وما ايسرقوك
وشكرا

فارنا احلى وارخص
فارنا اقرب لاستنبول
فارنا تجمع اكثر الاوربين
مامايا حلوه بس هاديه
مامايا اغلى شوي
مامايا اقرب لاوكرانيا
انا برايي شباب فارنا احسن عوائل رومانيا او مامايا

هلا سمارت تشكر عالمرور والافادة
انا ابصراحة دوم اروح فارنا وابصراحة ماعليها كلام من كل النواحي بس اتعرف للتغير
حبيت ازور اماكن ثانية انا احب اسافر المدن البحرية خاصة في فترة الصيف
باختصار الاجواء في ماماياهل متشابهة مع الاجواء في فارنا
؟؟؟؟؟؟؟؟
واذا في حد عندة استفسار عن فارنا ان شاء اللة راح افيدة من جميع النواحي
الفنادق
الرحلات
المطاعم
المواصلات
جميع استفساراتكم لاجل عيون هالموقع اللي يخدم الجميع

انا هالسنه ان شاء الله ناوي على فارنا وانا اول مره اروح لها
انت حبيت تغير روح لاوكرانييا اما مامايا ترا ماتختلف انا صديقي راح وقالي بلغاريا افضل من رومانيا
نفس الجو تقريبا بالصيف
ياليت تفيدني بفارنا لا تقولي روح للدبوس او مكتب ابي احد عاش التجربة يفيدني عن الاسعارؤ والاماكن والمواصلات يعني اكون شاكر لك لو تكلمت عن فارنا

هلا اخوي سمارت انتة رايك اني اروح اوكرانيا ابصراحة اوكرانيا في البال
بس اذا عندك اي معلومات تقدر اتفيدني عنها ياريت اتخبرني اذا انة زرتها
واتفيدني اكثر لانة ابصراحة حاب اني اروحلها
اذا موب رومانيا اريد اروح اوكرانيا اذا حلوة؟؟؟؟؟؟؟؟؟؟؟؟؟

بالنسبة لفارنا ياطويل العمر أول شي انتة شكلك من الكويت وانا اعرف ان شباب الكويت معظمهم ايروح مكتب الدبوس لانة عندة طيران مباشر من الكويت لفارنا وعندة عروضات وايد حلوة ايقولو انا ماعرف عنة.....
بس ابصراحة انا كل مرة اروح فيها فارنا اروح من طريق يختلف عن السابق لانة موب كل سنة يوجد طيران مباشر فا اول سنة انا رحت عن طريق طيران البلغاري موب مباشر عن طريق العاصمة صوفيا والسنة اللي بعدها رحت عن طريق تركيا اشتريت تذكرة دبي-اسطنبول وبعدها خذت رحلة شوية متعبة فية باصات ايروحن من اسطنبول لين فارنا مباشرة تقريبا 10 ساعات ب 30 دولار تقريبا هذا لان المشكلة في الذهاب لفارنا هو الطيران صعب اتحصل مباشر الا عن طريق الدبوس اعتقد موب متأكد.......
وبالنسبة لفارنا شو فخاطرك اتعرف اسأل وانا بعطيك كل التفاصيل الي فخاطرك لاني ابصراحة استمتع يوم اتكلم عن فارنا من فنادق ولا رحلات ولا مطاعم وانا بجاوبك

اخوي الجنيبي عندم كم سؤال ياريت لو تفيدنا
هل هناك حي عربي من مطاعم ومقاهي (شيشه)
كم اسعار الديره هل هي غاليه ام مثل شرق اسيا بالاسعار ؟
هل الليل عندهم له طعم أخر أم نفس باقي اوروبا من بعد الساعه 10 ليلا مافيه شيء ؟
اسعار الفنادق واسعار المواصلات ياريت لو تفيدني ؟
هل البلد امنه بالمره ؟
هل يوجد فعاليات بحريه مثل رحلات بحريه وبرشوت وصيد وفعاليات وغيرها ؟
كم سعر الصرف عندهم وهل هو رخيص ام متوسط ام البلد شوي غاليه ؟؟
لك كل الشكر اخوي

1. جريحك

جريحك

هلا اخوي الجريح شخبارك شكرا عالمرور للعلم انا اروح فارنا تحديدا منتجع قولدن ساندز وراح اعطيك التفاصيل الموجودة في هذا المنتجع للعلم.............
اول شي بالنسبة للحي العربي مافي حي عربي نفس تاي ولا ماليزيا هناك ماشي حي عربي بس بالنسبة للمطاعم العربية فية بتحصل مطاعم عربية ومطاعم هندية وبتحصل في شيشة لا وبعد فية وايد مطاعم للشيشة لا اتحاتي المطاعم اذا معيبك المطاعم العربية ولا الهندية فية فست فود مثل ماكدونلدز ولا كانتاكي هذا بالنسبة للمطاعم ..
بالنسبة للاسعار باصراحة فيها شوية غلا لاكن انتة احسب احسابك اليورو لكن هي ارخص عن لندن وباريس وجنيف لكن ماتوصل مثل شرق آسيا رخيصة اغلا شوية...........
بالنسبة للامان ابصراحة انا كنت اطلع الساعة 11 تقريبا فاليل لين الساعة 2-3 فاليل الحياة ولا اروع زحمة وعالم ودنيا حلوة آمنة 100% داخل منتجع غولدن ساندس لانة هذا المنتج يفتح في الصيف فقط وايكون للسواح فقط فا اتحصل دوريات الشرطة اتمر 24 ساعة ومافيها اي مشاكل .......
بالنسبة للفنادق انا ذكرت فندق دوم اسكن فية اسمة sunrise تقريبا 4* سعرة 50 يورو شامل 3 وجبات وانتة احسبها عاد هذا متوسط الاسعار فية ارخص وفية اغلا على حسب مزاجك وذوقك.....
وبالنسبة للالعاب البحرية كل اللي تتمناة براشوت ولا البنانا والجيتيسكي والطراد وكل شي اللي في خاطرك وفية حديقة مائية للعلم ....
وبالنسبة للمواصلات انا ابصراحة ماكنت ما احتاج تكاسي لان كل شي قريب واذا كنت احتاج اروح التاون اركب الباص وانا مرتاح ورخيص لا تكاسي ولا اعور راسي وبالنسبة للرحلات في مكاتب بتحصل وايد كل مكان وعندهم كل الرحلات شوف الرحلة اللي تعجبك ونفس كل العالم بيمرو عليك الفندق وبيردوك الفندق ..........
ان شاء اكون جاوبت على كل استفساراتك

بصراحة شي حلو السعر ممكان تعطيني موقع الفندق
وش رايك بمكان الفندق هل يعتبر افضل مكان
من صوفيا لفارنا كم ساعه بالسياره وكم السعر التذكرة
انا سعودي مو كويتي ومعي شنغن اقدر ادخل فيها ولا لا
فيه رحلة طيران من اسطنبول الى فارنا مباشر