B]مرحبا
ما انصح بقبرص لانها غالية , يكفي انك عكس السير .
بولندا ماانصح لانها موحشة بعض الشي وكلها المان , والبحر بعيد في سبوت وجدانس , ومو هذاك الجو الصيفي العامر ,
رومانيا حلوة ورخيصة وصيفية اذا بغيت البرد تلقاه في سنايا وبويانا والجو المعتدل براشوف والصيفي البحري في كوستانتا ,
لكن انصحك تروح بلغاريا الصيف بمعنى الكلمة والجمال وتصحى من النوم باي وقت تلقى ناس وزحمة ووناسة ومنتجعات بحرية وتمشي ودراجات وبراشوت وجت سكي وطيارات هوائية وغيرها الكثير ,
والسياح اكثرهم من الاتحاد الاوروبي وامان ورخيصة جدأ جدأ وتصلح للشباب وماتصلح للعوائل .

يا عيني على بلغاريا اخوي كويتي مشكور على الرد السريع ولكن انا صار لي ثلاث سنوات اروح بلغاريا وبصراحة استانست اخر وناسة وانا اتمنى اروح دولة شبيهة لبلغاريا يعني فيها سياح كثير وفيها شواطئ ودولة ليلها نهار ونهارها ليل .
انا سمعت ان سبوت في بولندا حلوة بس ما ادري اذا كانت تشبه بلغاريا في وناستها ولا لا ؟
ولك مني جزيل الشكر

بسم الله الرحمن الرحيم
مرحبا اخوي
اذا كنت رايح لبلغاريا من قبل بصراحة ابحتار عشان ادلك على دولة احلى منها لان بصراحة ما اعتقد في !!
لكن انا زرت بولندا ( سبوت ) , ورومانيا ,, رومانيا ارخص واحلى من بولندا والمنتجعات الرومانية اكثر ناس و فعاليات من بولندا ,,
هذا غير عن المناطق المرتفعه البارده بعز الصيف ( براشوف -- سنايا )
ريف ووناسة وهدوء .
انا عن نفسي انصح برومانيا ,, لان الشعب الروماني عندي الطف من الشعب البولندي .
وكل له راي .
في مدينة براشوف صيف 2006واتمنى لك رحله سعيده وين ما كانت .

والله انك ذيب يا كويتي مشكور وكثر الله خيرك على المعلومات الحلوة وبصراحة انت خليتني افكر اروح لبلغاريا للمرة الرابعة يعني غيرت وجهة سفري 180 درجة
الف شكر يالطيب