في غلط بالترتيب بانكور اوي يوم مستحيل بتتعب اصلا الوصوص لها مشكله شيلها الان وخليها لسفره ثانيه
ياريت تاريخ الوصول الى كوالا والتوقيت علشان نشوف الجدول

سلانجور 2
لنكاوي 3
بينانج 2
كوالا 3

بخصوص موضوعك ... عندك ( 9 أيام فقط ) ... لاتحسب يومي السفر
ومن وجهة نظر متواضعة ... هذا التقسيم الأجمل :
يومين سلانجور ... فندق البيراميد
ثلاثة أيام لنكاوي ... فندق الشيراتون
أربعة أيام كوالا ... فندق القراند ملينيوم
طريقة التنقل بين المدن :

• من سلانجور إلى لنكاوي ... طيران والمسافة 50 دقيقة
• من لنكاوي إلى كوالا ... طيران والمسافة 50 دقيقة

طريقة الحجز ... تجدها هنا في موضوعي ... وبأذن الله يفيدك

مشكورين الله يعطيكم العافيه اخوي وافي استفدت من الرابط كثير ماقصرت الله يعطيك العافيه يارب
بس ياليت تفيدني
وصولنا ان شاء الله حيكون كوالالمبور يعني اعمل الخطه كوالا-لنكاوي-سلانجور مع العلم ابغى مكان فيه خضرة وامطار ايش رايك لو اغير سلانجور بمكان ثاني لاني شفت صورها حسيت مدينه العاب اكثر!! ولا انا غلطانه ؟ ولك جزيل الشكر ..

أهلآ وسهلا
التقسيم الأفضل بصراحة ... هو حسب الجدول اللي رشحته لكم
وسلانجور أجمل بداية ... لأنها منطقة راقية وخضراء ... وتعجبكم بأذن الله

مشكور اخوي الله يرزقك
طيب عندي سؤال الحين لما جيت احجز بالفنادق
كيف احط التواريخ ؟؟
حطيت 31ديسنمبر الى 4 يناير كوالالمبر
5يناير الى 7يناير لنكاوي
8ينايرالى 10 يناير سلانجور
كذا صح ؟ الشي الثاني دخلت موقع hotelscombined.لقيت للغرفه كذا سعر بنفس المواصفات ماعرفت ايش الفرق بينهم
ولما احجز يعني هما يسحبو من البطاقه او بس الورقه الي نطبعها من الايميل ؟
ومعليش كثرت الاسئله لاني بصراحه اول مره احجز بنفسي

أضم صوتي لصوت خبيرنا وافي.. توزيع الأيام اللي أقترحه عليكم هو أفضل برنامج للعرسان
بالنسبة للتواريخ كالتالي
المغادة من جدة يوم 31 ديسمبر
الوصول إلى كوالالمبور يوم 1 يناير
سلانقور
يومين
تاريخ الدخول : 1 يناير
تاريخ الخروج 3 يناير
لنكاوي
3 ليالي
تاريخ الدخول يو 3 يناير
تاريخ الخروج يوم 6 يناير
كوالا
4 ليالي
تاريخ الدخول يوم 6 يناير
تاريخ الخروج يوم 10 يناير
بالنسبة للحجز من مواقع الحجز أنصحك بموقع بوكنق سهل وبسيط ومجرب ومعروف
وأيضا موقع أقودا وموقع أسياترفل
https://www.booking.com
بالنسبة لسؤالك عن تشابه الغرف عام لو وضعتي لنا مثال حتى يتضح السؤال ونقدر نجاوبك
بالنسبة للسحب يختلف من موقع لموقع عندك مثلا أقودا يسحب المبلغ مباشرة
أما بوكنق وأسياترفل إذا كان الحجز قابل للإلغاء فما يسحب والدفع يكون في الفندق
أما إذا الحجز غير قابل للإلغاء (غير مسترد) فيسحب المبلغ مباشرة
ولكل موقع آخر سياسة مختلفة في السحب وتكون موضحه تحت فقرة أو رابط (شروط الحجز)
وختاماً أدعوك للإطلاع على الموضوع التالي إن شاء الله يكون مفيد لك
https://artravelers.com/p/re/778977
رحلة سعيدة إن شاء الله

جزاك الله خير استفدت كثير

ممكن سؤال
طب زوجي ماعندها ماسترد كارد ولا فيزا كيف نحجز!!
في طريقة ثانيه ؟؟