أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
ممكن يا اخواني اللي كان عنده موعد مقابله في الفتره المذكوره ممكن يقول لي مشكورا ايش كانت الفيزا اللي طالبها سياحه او دراسه وايش قالوا له متى بيردون عليه
وشكرا لكم اخواني
هلا فيك اخوي تذكرة دخول ,
أنا كان موعدي يوم 10 جولاي وفيزتي اللي طلبتها كانت فيزا سياحة
سويت المقابلة وقبلوني وأخذوا جوازي وقالولي تعال استلم الجواز(مفيز) بعد 14 يوم يعني يوم 25 جولاي
علمني اذا كنت أنت طالب فيزة سياحة ... عشان أعلمك وش الأسئلة اللي سألوها لي بالمقابلة
وتحياتي لك..
أهلين أخوي النواعم اسف للتأخير لأسباب عملية بخصوص الفيزا السياحية أول شي لازم تسوييلك حساب (account) في موقع السفارة على الانترنت وتفضل الموقع: http://ksa.us-visaservices.com/Forms/default.aspx بعدين لازم تحجز لك موعد للمقابلة في السفارة , راح يطلبون منك انك تدفع 45 ريال عن طريق البطاقة الائتمانية .. طبعا الموقع واضح جدا وبسيط (اذا كانت انجليزيتك حلوة) وحتى لو أشكل عليك أي شي ممكن انك تسألهم -فيه رابط للإستفسارات بالموقع-. أنا دخلت الموقع يوم 2 May وسويت Account ولما بحثت عن أقرب موعد يمكن أحجز فيه ما لقيت الا 10 July يعني بعد 64 يوم ! طبعا انا كان في بالي ان 64 يوم انتظار كثيرة مرة بس يوم رحت وشفت الأمة اللي جاي من جدة ومكة والطائف واللي من الخبر والدمام والقطيف واللي من عنيزة وبريدة والرس واللي من حائل وحفر الباطن وسكاكا واللي من عسير ونجران وجيزان ... اللي جاي دراسة واللي سياحة واللي علاج وحنا في السعودية ماشالله قارة وكنا موسم تقديم على الجامعات الأمريكية وموسم الصيف بعد يعني الزحمة كانت مبررة. أهم شي بالموضوع انك تعبي الأبلكيشنز الالكترونية صح لأنهم راح يشيكون على كل شي بالمقابلة, بالنسبة للمقابلة قابلني واحد أمريكي وكان موسع الصدر معيسألني أي ولاية رايح ؟ قلت بنسلفينيا ,, قال لي أي مدينة؟ قلت فيلادلفيا قام انبسط وقاللي أنا من فيلادلفيا قمت أنا ضحكت معه وكان ودي أقوله بشر أمك خلصنا قاللي وش تعرف عن فيلادلفيا ؟ قلت أعرف أنها ولاية كويسة .. قاللي تعرف فلم روكي ؟ قلن أفا عليك مهب هذا البوكسر ؟ قاللي : صح ترا ذالفلم بفيلاديلفيا أحداثه بغيت أقولله أحسبك انت البطل !!سألني انت ناوي تزور ولايات ثانية ؟ قلت والله أكيد ديرتكم زينتن وما تنتفوت قال وين بتروح بالضبط؟ قلت والله البلان ما بعد حطيته بس ما لي غنى عن فيقاس ونيويورك كاليفورنيا..قاللي والله انت يا ammooory تستاهل الفيزا , لكن ابغاك تعطيني رقم جواز صديقك اللي كاتب انك بتروحله بالأبلكيشن.. قلت طيب الأبلكيشن ما فيها خانه تقول أكتب رقم جواز صديقك في أمريكا ! قاللي أمسحها بوجهي ودق عليه وجبلي رقم الجواز . قلت الساعة الحين 4 الفجر في فيلادلفيا والرجال بسفنث سلييب ! قاللي أنت متى ما قدرت تجيب الرقم تعاللنا بالسفارة وتخلص على طول..طلعت ضايق صدري من السفارة وأرسلت لصديقي بفيلادلفيا SMS ولا رد علي الا المغرب !! رحت لهم من بكرا وعطيتهم رقم جواز صديقي وقالولي تعال بعد 14 يوم استلم جوازك مع الفيزا. بعدين بعد ما سألت ليه الانترفيور سوا معي كذا وطلب مني معلومة مهي موجودة بالابلكيشن ؟؟ قالولي أنهم بيتأكدون أنك على اتصال فعلي مع صديقك بأمريكا فراح يسألونك أي شي غير موجود بالأبلكيشن عشان تدق عليه وترجعلهم بالمعلومة. وأنا الان بانتظار يوم 25 july عشان استلم جوازي اللي حجزوه عندهم. أتمنى أني أكون افدتك أخوي نواعم وكمان ما أنسى أخوي تذكرة دخول وحاضرين للطيبين أمثالك وأمثال شابات وشباب المنتدى
لأني سويتها بيوم 10 جولاي في السفارة الأمريكية بالرياض..
ممكن توضح عشان أقدر أفيدك