هلا المفجر
سؤالي هل ال60 ساعة اللي ادرسها بالكولج يقبلونها الجامعة
ما فهمت عليك صراحه ... شنو بتدرس فى الكوليج و تبى تعرف إذا بينحسب أو لا ؟؟!!! عن أي كوليج تتكلم ؟ هل تقصد دراسة اللغه ؟
ثاني سؤال وهو الاهم شنهي الولايات اللي تنصحوني فيها من حيث طيبة اهلها ووجود كليات حلوة وسهلة وتكون ولاية زينة من جميع النواحي
أنا شخصيا أفضل كاليفورنيا ... و بالتحديد ايرفاين .. ربما تكون غاليه عن باقى الأماكن .. و لكن تستاهل ، الأمن و الأمان أهم شي و جوها ربيع طول السنه و السكن فيها حلو و نظيف بجميع مستوياته .. و شي آخر أخى لا توجد دراسه سهله و صعبه .. الدراسه و الجامعات وحده ، و يعتمد عالشخص .. بالعكس لما تتخرج من جامعه قويه و معروف عنها عدم التساهل أحسنلك ، حتى نظرة الجميع لك و لشهادتك مختلفه ... و لكن إذا تخرجت من جامعه معروف عنها التساهل .... انت عارف الباقى
مع العلم ان واحد من جماعتي في ولاية كنساس وينصحني ادخل بكلية في مدينة بكنساس فشنو رايكم في الولاية من جميع النواحي ايضا
لا أأيد وجود معارف فى نفس الولايه اللى بتروحلها ... إذا كانت زيارتك سياحه فنعم .. أما لغرض دراسه لا .. بتكون الوناسه و الطلعات و الجيات فى المرتبه الأولى و بالتالى ماكو تركيز عالدراسه ... الرجاء الحرص و التفكير جيدا قبل الإقدام على هذى الخطوه ..
و بالتوفيق

اول شي يعطيك العافية اختي الكريمة بنت الصقور على الرد
بالنسبة للولاية استقر الراي على كولورادو
فشنو رايج فيها والاهم طيبة الشعب فيها ؟

أأيد وجود معارف فى نفس الولايه اللى بتروحلها ... إذا كانت زيارتك سياحه فنعم .. أما لغرض دراسه لا .. بتكون الوناسه و الطلعات و الجيات فى المرتبه الأولى و بالتالى ماكو تركيز عالدراسه ... الرجاء الحرص و التفكير جيدا قبل الإقدام على هذى الخطوه ..اختي الكريمة بنت الصقور الولد هذا في نفس الولاية لكن مو نفس المدينة والنقطة اللي ذكرتيها مهمة وحاطها في بالي لكن مو معناتها ان الواحد ينقطع عن الخليجيين بالعكس يحاول يجتمع معهم كل اسبوعين حتى تتحسن نفسيته ويكون له خلق يدرس

هلا و الله اخوى المفجر
نعم معاك حق ... بالنسبه لكولورادو .. مارحت بعيد الولايه اللى جنبها على طول و سبق انى تكلمت عن ولاية كولورادو ... فى قلب أمريكا يعنى فى الوسط ، تسهل عليك التنقلات الى أي مكان .. طبيعه جميله جدا كلها غابات و جبال مكسوه بالثلج .. و عموما جوها بارد عشانها مرتفعه ... مدينة دنفر جميله جدا .. متطوره و جامعاتها زينه و فيها الكثير من الطلاب الخليجيين .. ولا مره سمعنا انهم يعانون من مشاكل أو مضايقات .. عموما الشعب فى حاله و طيب جدا ..

والله اظاهر اني بتوكل على الله واروح لكولورادو لكن يابنت الصقور انا اول شي بدخل كولج والكولج المعترف فيها في الكويت واللي موجودة في كولورادو اربع كليات وهي كالتالي
Aims Community College (Greeley)
Front Range Community College (Westminster
Northeastern Junior College (Sterling)
Otero College (La Junta)
ومثل ماتشوفين مافيه كلية موجودة في دنفر لكن ممكن اختار الكولج اللي في مدينة Westminster لان عندي اخوي سبق وان درس في هالكلية ويمدح الديرة
عالعموم يعطيك الف عافية يابنت الصقور والله يوفقك دنيا وآخرة لما تقومين فيه من مساعدة لاخوانك
اجمل وارق تحية لك

لي عودة ان شاء الله ...
اسف على التاخير

السلام عليكم ...
الحقيقة انصحك تدخل جامعة على طول لان الصعوبة مو بالدرجة اللي انت تتصورها وافضل من الكلية لان غالبا ما يكون مجتمعهم اكبر وامكانياتهم افضل
كنساس من الولايات الممتازة وعندهم جامعة اسمها Kansas state university
كان واحد من الشباب يدرس هناك مدري الى الان والا خلص المهم كان يمدحها ويمدح الديرة
اسم الديرة Manhattan
هذا موقعهم
http://www.ksu.edu/
بالنسبة لكولورادو دنفر مدينة صياعة للاسف واغلب العرب هناك مشاكل الله يهديهم ولكن ديرة وناسة من جد واهلها طييبين ... اذا معزم على كلورادو عليك ب Colorado Spring مدينة حلوة
اي خدمة حاضرين

مشكور اخوي اسد والله يعطيك الف عافية ويوفقك يارب
ياطويل العمر والله تقدر تقول قررت على الكلية هاذي
Front Range Community College (Westminster
وهذا موقعهم
http://frontrange.edu/
وتكلفة الدراسة عندهم 9 آلاف دولار سنويا مثل ماهو مبين في الموقع
فهل تتوقع انها غالية او رخيصة او السعر متوسط
لاني مااعرف اسعار الكليات الثانية
اجمل وارق تحية لك وللأخت الكريمة بنت الصقور