شوف اخوي ما تسمع احد يروح لهونق كونق لانها غالية مثل غلي بريطانيا انا رحت لها واكثر شي شد انتباهي الدزني وفيها ملاهي فوق جبل تطلع لها عن طريق سلم كهربائي او بلتل فريك ولم تدخل فيه تذكرتين تذكرة لكل الملاهي او بس الي تحت الجبل لان فية ملاهي فوق الجبل وفية تحت والدزني نروحلها عن طريق اللندرقراون من المحطة الي بجنب الاتيل وناخذ القطار الي يروح للديزني لاننا ما حبينا نسكن في الاتيل الدزني علي شان ما نكون بعيدين عن المدينة الان الدزني خارج البلد واحنا سكنا في اوتيل شنقرلا بس لو ابرجع لهونق كونق اروح اسكن في الشرتون او الانتر كونتل وخل بالك البلدغالية من المطار الي الاتيل 200 ريال اخذ منا التكسي وبعدين شعبها مثل الشعب البريطاني وينهم عند انفسهم ولما تبي تسال احد في الشارع عن شي ما احد يعطيك وجة انا سراحة ما حبيتها تختلف عن دول الشرق وشعوبها مع مميزاتها واحس انها مدينة كائيبة مع انك تتعجب من التطور الفائق من اسواق ونظافة وتكنولوجيا والاكن هذا ريي الشخصي فرق عن الصين وتايلند وماليزيا وسنغافورا وللة يوفقكم ونا مستعدة لاي استفسار

بسم الله
أنا كنت في البلد شهر 6
هونغ ،،، بلد ،،،، تستاهل التجربة
هنا تقريري ،،، فيه بعض المعلومات ،،، عسى تستفيدون
https://artravelers.com
والله المستعان

انا توني راجع من هونج كونج وسنغافوره
وهونج كونج بلد رائع يستحق التجربه
وشعبها ممتاز كل في حاله محد يلتفت لاحد
على العموم انتظري تقرير رحلتي الى هونج كونج وسنغافورة

هونج كونج بلد رائع بكل ما تعنيه الكلمة من معنى وانا توني راجعة من رحلة لهونج كونج واستراليا وبصراحة هونج كونج أثبتت وبجدارة أنها بلد يستحق الزيارة خصوصاً للعائلة لأن فيها الالعاب والأسواق والمنتزهات يعني باختصار جامعه كل شي فيها.
بالنسبه لاستفسارك عن التذاكر في ديزني لاند فيه أكثر من طريقه لشراء التذاكر والأفضل في نظري انك تحجز للإقامه في احدى فنادق ديزني لاند (دزني لاند هوليود -4 نجوم) أو (دزني لاند هونج كونج - 4نجوم ديلوكس) والليله الواحدة بتكون شاملة دخول للملاهي مرتين
أرجو اني أكون أفدتك بهالمعلومة

انا حجزت في هوليود ديزني وان شاءالله رايحين على شهر 8 بس مادري بخصوص تذاكر دخول ديزني بسال المكتب..

نصيحة مني لا تحجزون في ديزني لاند بعيدة عن الناس والعالم
انا انصحكم تحجزون في جزيرة هونج كونج
بالنسبة لديزني لاند تكفيها يوم من الصباح لليل والتذاكر تقصونها في نفس اليوم من الشباك " 350 دولار هونج كونجي" وانصحكم تروحون لها في الويك اند صح بتصير زحمه بس عشان تشوفون العروض
وعلى فكره انصحكم تستخدمون المترو والباصات
واذا تبين تحجزين روحي لمكتب الكاثي باسفيك عندهم عروض على الفنادق شاملة التوصيل من والى المطار واسعارهم ارخص بكثير من اسعار المكاتب الثانية وارخص حتى من النت

اخوي goodfather
انا مرتبه اول يوم ديزني لاند
بس مش عارفه وين اروح ثاني يوم وثالث يوم لاني رابع يوم بطير على ماليزيا
وين تنصحني اروح خصوصا انه بنتي معاي عمرها 3 سنوات وزوجي ..
انتظرك اخوي