- تبون تعرفون شلون طبعا
اسعد الله اوقاتكم جميعا
يعلن الكابتن القرين عن اقلاع الرحله اللى ماليزيا عن طريق طيران الامارات وباسعار حلوه للجميع
تبون تعرفون شلون طبعا
تدشون على طيران الامارات وتسوون بحث من بلدك اللى ماليزيا وتحط تاريخ الرحله متى تبيها ومتى تبى ترجع وعدد الركاب اللى تبيهم وتسوى بحث طبعا تختار كلمه برايس علشان يعطيك اقل الاسعار
وعقبها يعطيك الموقع الرحلات كلها مع الاسعار طبعا واذا فيها ترانزيت والا مباشره طبعا راح يكون كله عن طريق بلدك اللى دبى المهم ماطول عليكم السالفه تختار السعر المناسب لك واقل وقت ترانزيت فى دبى وتحاول تصيد الرحلات المباشره من دبى اللى المكان اللى تبيه وعقبها احجز يعنى حط الاسامى اللى تبيها وقول ان طريقه الدفع مباشره عن طريق المكتب واخذ رقم الحجز اللى راح يرسلونه لك فى الايميل
وراجع المكتب الرسمى حق طيران الامارات وتعطيهم رقم الحجز على طول يقولون لك ميه مرحبا
ملاحظات هم حلوه 1: اذا رحلتك فيها ترانزيت تقدر تقولهم يحطونها لك مباشره من دبى
2: طبعا تحدد الكراسى وانت عندهم من المكتب
طبعا انا مجربها السنه هذى معاهم حصلت اسعار حلوه منهم ورحلتى انشالله تاريخ 13/7
كويت دبى طبعا ساعتين فى دبى وعقبها مباشره اللى كولالمبور
وفى الرجعه كولالمبور دبى ترانزيت ساعتين وعقبها الكويت
طبعا اذا بتقعد فى دبى بس تدفع ظريبه المطار اللى اهى فى الكويتى دينارين ونص تقريبا
سعر التذاكر حق شخصين كبار و3 صغار طلعت 972 دينار
الفال لكم
طبعا مكاتب السفريات والخطوط الامارتيه كلهم سكروها فى وجهى قالو مافيه مجال الطيارات كلها فل
بس الحمد لله بمجهودى الحربى حليتها
