أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
تكفون ودي اعرف لمن احجز من موقع اسيا روم هل يرسلون الفاوتشر مباشرة ام يردون بعد ايام
بعدين سمعت انهم ممكن يزودون عليك السعر لما تجي عندهم صدق ولا لا:112:
الله يخليكم يا اهل الخبرة وينكم!!!!!!!!!!!!!!
الحروف الناطقة
بالأول راح يرسلون لك ايميل يبلغونك انه تم التأكيد ان بطاقتك بها المبلغ الخاص للحجز وسوف يتم حجزها ولن يتم سحبها الا بعد ما يتم تأكيد الحجز من الفندق.. وهذا ياخذ بالكثير 24 ساعة.. بعد التأكيد سوف يرسلون لك الفاوتشر.
اما بخصوص الأسعار ما اعتقد لانهم يسحبون المبلغ الكامل قيمة الحجز وهم بروحهم يتفاهمون مع الفندق في عملية الدفع.. بالمختصر المفيد هم بيسحبون قيمة الحجز وقت التأكيد وهو نفس المبلغ اللي انتي حاجز عليه.
نعم هذا صحيح ، الحجز من عندهم آمن ورخيص والفتوشر يرسل بعد 24 ساعة ........بس السعر ممكن يزيد اعتقد في الصيف لتغير اسعار الغرف في الفنادق .
انا اقترح عليك انك تروح لمكتب سياحي وتسوي بكج كامل وحاول يرخص لك
وترى اليوم فت اعلان في جريدة اليوم
يقول
ان سعر تذكرة دمام بحرين كوالا ذهابا وعودة على طيران الخليج ب1600 ريال
والسعودية ايضاً عليها عرض
وعلى فكرة شيك على مواقع الفنادق اللي تبغاها على النت لانه مثلاً العام اعطاني ماريوت كوالا سعر ارخص بكثير من المكتب السياحي
تروح وتجي سالم
الباسل
اخوي المبلغ اللي حجزت عليه هو اللي راح تدفعه ما راح يقولون والله وقت ما حجزت السعر كان مختلف واللحين ارتفع .. اتطمن من هالناحية.
لان السعر اللي حاجز عليه فيه السعر اللي متفق الموقع مع الفندق عليه وغالبا هالمواقع تحصل على قائمة اسعار للمواسم طوال السنة
مثلا بداية السنة السعر كذا .. في الصيف السعر كذا .. بعد الصيف السعر كذا.
اتمنى ان الأمور وضحت .. بالأمانة موقعهم آمن وثقة وانا مجربه .. بس حط في بالك لو تم التأكيد على الحجز من الفندق وبعدها حبيت تلغي الحجز راح يخصمون عليك 15 دولار.
على فكره كم نسبه التوفير ، او الفرق لو الشخص حجز عن طريق مكتب السفر والسياحه مع التذاكر وبين اني احجز عن طريق الانترنت .
يعني الفرق كل هذا التعب والمخاطره لاسمح الله خاصه اذا الواحد رايح شهر عسل ؟! .
والا المبلغ مايسوى واشتري راحت بالي من مشاكل الحجوزات وتعقيداتها والمكتب يتكفل فيها .
امل الافاده .
الحقيقة الف شكر على سرعة الرد الفائقة وعلى خبراتكم الواسعة
لكن عندي سؤال بعض الفنادق مثل تايمز سكوير لما دخلت اشوف السعر في اسيارومز غرفة ستديو سويت
والتاريخ في بداية اغسطس كان جدا عالي يعني 419 رنجت بينما في موقع الفندق اقل من ذلك كان 280
وايضا وجدت اسعار بعض مواقع الفنادق اغلى من اسيارومز اجل وش الضابط؟؟؟
السؤال الثاني كيف استطيع رد المبلغ في حالة عدم الذهاب اذا كنت حاجز من اسيا رومز؟؟
السؤال الاخير كيف استطيع عن طريق موقع اسيا رومز اختيار بعض المزايا مثل ان تكون الغرفة مطلة على البرجين او في فندق البراميد مطلة على الالعاب المائية فهذه غير موجود في الخيارت؟؟ وايضا كاني فهمت من الخيارات الموجوده انها تكون في حالة الامكانية فكيف اجعلها خيرات اكيدة؟؟
الحروف الناطقة
اجابة السؤال الاول
كثير من مواقع الفنادق لا يضيفون الضريبه او الافطار الى السعر لذلك يظهر السعر ارخص لذلك يجب الانتباه الى هذه النقطه
اجابة السؤال الثاني
اذا الغيت الحجز قبل 7 ايام من تاريخ سكنك يأخذون عليك 15 دولار واذا اقل من 7 ايام تروح عليك سعر ليله واذا حجزك بس ليله واحده يروح عليك كامل المبلغ
السؤال الاخير
بعض الفنادق تذكر الاطلاله من خلال مواصفات الغرف وبعض الاحيان لايذكرون شي
لكن تستطيع ان تطلب
ماتريده وعموما هذا غير مضمون لان ما طلبته ربما يكون من مواصفات الغرف الاخرى فتضطر اما ان تدفع زياده او تتنازل عن طلبك
ارجو اني افدك اخي واعذرني عن القصور
بالأول راح يرسلون لك ايميل يبلغونك انه تم التأكيد ان بطاقتك بها المبلغ الخاص للحجز وسوف يتم حجزها ولن يتم سحبها الا بعد ما يتم تأكيد الحجز من الفندق.. وهذا ياخذ بالكثير 24 ساعة.. بعد التأكيد سوف يرسلون لك الفاوتشر.
اما بخصوص الأسعار ما اعتقد لانهم يسحبون المبلغ الكامل قيمة الحجز وهم بروحهم يتفاهمون مع الفندق في عملية الدفع.. بالمختصر المفيد هم بيسحبون قيمة الحجز وقت التأكيد وهو نفس المبلغ اللي انتي حاجز عليه.