- اخواني ابدا موضوعي .....
- ملاحظه بسيطه :::::
سلام عليكم ورحمة الله وبركاته ومساكم الله بالخير اخواني اعضاء هذا المنتدى الرائع
بصراحة مدري كيف ابدا اول شي اشكر جميع من قدم لنا معلومات عن هذا البلد المميز وكل واحد كتب تقريره وقدم فيه معلومات ثمينه والله يعطيكم الف الف الف عافيه يارب ويجعلها في موازن حسناتكم ....
اخواني ابدا موضوعي .....
زواجي بإذن الواحد الاحد ان شاء الله في بداية شهر سبعه هجري وانا متابع كل تقارير الاعضاء الله يعطيهم العافيه ... وبالنسبه لتخطيطي للرحله لسى ماسويت اي شي من الان وابي مساعدتكم في بعض الفنادق الخاصه بالعرسان في كوالمبور وفي بعض الجزر واخص الجزر الممتعه والهادئه ... طبعاً تخطيطي للرحله مبدائياً اني ابي اسكن يومياً بالعاصمه وبعدين جزيرة بينانق مدري كم اقعد فيها وهل هي تستاهل اني اقعد فيها اربع ايام والا اقل بعدين الاتجاه الا الجزيرة اللي كل الرحله عشانها اللي هي ( لانكاوي ) كم المده اللي تستاهل اني اقعد فيها مع العلم اني كل الاعضاء يمدحونها وبالنسبة لي ( اقدر شي اسمه جزر يعني لو اقعد يومين بالعاصمه وباقي الايام بالجزر عادي بالنسبه لي ) اخواني ادري اني ثقلت عليكم بس الواحد مايستغني عنكم وعن نصايحكم لا خلى ولا عدم .... ( الميزانية تقريباً من 20 الى 25 الف ) ...
ملاحظه بسيطه :::::
- ابي احسن الفنادق اللي تنصحون فيها للمتزوجين اولها العاصمه واخرها الجزر وبالنسبه للجزر هل فيه فنادق مطله على الشاطي ..... ومريحه للإستجمام بعيداً عن الإتكيت
- هل فيه جزر ثانيه تستاهل اقعد فيها غير اللي ذكرتها واسف اني طولت عليكم ....
اخوكم ....
سمو الحب
ثانيا احب انبهك انك راح تسمع اصوات مختلفه بين مؤيد ومعارض لخطط السفر الى ماليزيا
انا بختصر ردي بخطه مختصره وارى انها انسب ولاراح افكر اغيرها لو رحت مره اخرى لماليزيا
يومين في العاصمه ومن ثم طيران الى جزيرة لنكاوي لمده 5 ليالي ومن ثم العوده الى العاصمه والمكوث 4 ليالي
ولاتفكر حتى في بينينق وصخه ومزحمه وغاليه
العاصمه نصيحه لاتسكن على شارع العرب لانه وصخ ومزدحم وماني متخيل الاخوان كيف يسكنون فيه
ولاكن ومن باب العدل فيه ميزه انه خدمات متوفره وحتى وقت متاخر
الحل هنا انك تسكن في المنطقه الجاوره له او في المنطقه مابين البرجين التوأمين وبين شارع العرب وهنا ارشح لك
فندق موتيارا كراون بلازا 5 نجوم و فندق نوفتيل 4 نجوم