أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
شلونكم اخواني ان شالله بخير
اخوي القطري ما عليك امر ... بغيت اعرف منك طريقة الوصول الى فندق الكمبرلاند من المطار عن طريق القطار بالتفصيل الممل
و آسفة على ازعاجك و يعطييك العافية مقدما
وعليكم السلام ورحمة الله وبركاته هلا وغلا أختي ام بسكوته ..
مافي ازعاج طالة عمرج واحنا اهنا لخدمتكم ..
الوصف كالتالي ..
اول ماتوصلون مطار هيثرو ان شاءالله واتخلصون الأجراءات كلها وتستلمون الشناط وتطلعون للجمهور ..راح اتلاقون لافته مكتوب فيها Heathrow express وعليها صورة قطار ..اتبعوا اللوحه وراح اتوديكم على ممر تحت الأرض ..اتبعوا اللوحه لين توصلون عند ممر وقدامكم مكاين شراء التذاكر ..خلوا المكاين وعدوها وراح اتلاقون بعدها مكتب لبيع التذاكر ..اشتروا التذاكر من هالمكتب ( 16 باوند ونص ) لأنه ارخص من التذاكر الي تنباع داخل القطار ( سعر التذكره داخل القطار 18 باوند ونص ) .. بعد ماتشترون التذاكر راح اتلاقون قدامكم لفتات ..اللفت هذا امبرمج انه اينزلكم على طول للقطار ..بعدها اطلعوا من اللفت وانتظروا القطار .. بس تأكدوا من القطار لأنه فيه قطارين ..فيه واحد مكتوب عليه Heathrow express وهذا هو المطلوب ولونه أزرق كامل .. وفيه قطار مكتوب عليه connect ويتكون من لونين أزرق وأصفر إذا ماخب ظني وهذا مانبيه .. بعد ماتركبون ان شاءالله راح ايوديكم قطار Heathrow express على محطة بادنغتون مباشره ومدة الرحله 15 دقيقه بالضبط .. إذا وصلتوا ان شاءالله اخذوا تاكسي من المحطه وراح ايوصلكم الفندق على طول والفندق تراه قريب واجد منكم وتقدرون اتروحون مشي بس المشكله معاكم الشناط .. راح ايكلفكم التاكسي تقريباً 5 باوند من المحطه لين القطار .. واي خدمه احنا تحت امركم
hur
هلا وغلا الغالي
اي نعم راح ايوضلك لين الفندق وتراه قريب واجد من المحطه ..
شهر 12 الي فات كنت ساكن فيه وكنت اروح المحطه مشي وحتى يوم وصلت لندن سحبت الشنطه ورحت الفندق مشي
طيب أخوي الغالي القطري ادري تعبتك بس ان شاء الله لك دعوات بظهر الغيب
هل تنصحني ازور مانشستر ليومين اوثلاثه يعني تستاهل الروحه لان مدة جلوسنا بلندن اهي من 4 جولاي الى 19
وحبيت اسالك كمان هل محطة بادنتغون اهي محطة رئيسية منها نقدر نروح لمانشستر او لا فقط داخل لندن ؟؟
واذا فيه محطه ثانية توصل لمانشستر وعندك معرفه فيها لاتبخل علي بردك وربي يوفقك بدنيا وآخرة
وعليكم السلام ورحمة الله وبركاته
هلا وغلا أختي ام بسكوته ..
مافي ازعاج طالة عمرج واحنا اهنا لخدمتكم ..
الوصف كالتالي ..
اول ماتوصلون مطار هيثرو ان شاءالله واتخلصون الأجراءات كلها وتستلمون الشناط وتطلعون للجمهور ..راح اتلاقون لافته مكتوب فيها Heathrow express وعليها صورة قطار ..اتبعوا اللوحه وراح اتوديكم على ممر تحت الأرض ..اتبعوا اللوحه لين توصلون عند ممر وقدامكم مكاين شراء التذاكر ..خلوا المكاين وعدوها وراح اتلاقون بعدها مكتب لبيع التذاكر ..اشتروا التذاكر من هالمكتب ( 16 باوند ونص ) لأنه ارخص من التذاكر الي تنباع داخل القطار ( سعر التذكره داخل القطار 18 باوند ونص ) ..بعد ماتشترون التذاكر راح اتلاقون قدامكم لفتات ..اللفت هذا امبرمج انه اينزلكم على طول للقطار ..بعدها اطلعوا من اللفت وانتظروا القطار ..
بس تأكدوا من القطار لأنه فيه قطارين ..فيه واحد مكتوب عليه Heathrow express وهذا هو المطلوب ولونه أزرق كامل ..
وفيه قطار مكتوب عليه connect ويتكون من لونين أزرق وأصفر إذا ماخب ظني وهذا مانبيه ..
بعد ماتركبون ان شاءالله راح ايوديكم قطار Heathrow express على محطة بادنغتون مباشره ومدة الرحله 15 دقيقه بالضبط ..
إذا وصلتوا ان شاءالله اخذوا تاكسي من المحطه وراح ايوصلكم الفندق على طول والفندق تراه قريب واجد منكم وتقدرون اتروحون مشي بس المشكله معاكم الشناط ..
راح ايكلفكم التاكسي تقريباً 5 باوند من المحطه لين القطار ..
واي خدمه احنا تحت امركم