على فكرة انا مسافر لحالي...والفندق بالنسبة لي في السفر فقط للنوم ولا يهمني فخامته بأي شكل من الأشكال.

وعليكم السلام ورحمة الله وبركاته
هلا وغلا الغالي ..
لحظه خلني اجيب حصاني لأن السالفه فيها فزعه
طلباتك اوامر الغالي ..
هذي صور لمكان الفندق + صور للفندق من داخل ..
والفندق مكانه قريب من الهايدبارك + ادجول رود + اكسفورد ..

وهذي خارطه ثانيه لمكان الفندق ..

وهذي بعض الصور للفندق من الخارج والداخل ..

وأي استفسار ثاني أحنا تحت أمرك

الغالي ..
صور مكان الفندق طالعه عندك ولا لا !!
لأني حملتها على النت ونزلتها في الموضوع ولكنها ماتطلع عندي !!
ولما جيت اسوي تعديل على المشاركه لقيت الوصلات موجوده !
فما أدري الصور طالعه !!
فيه صورتين عن مكان الفندق وبعدها أتجي صورة الفندق من الخارج والداخل ..

وشوف هالفندق زياده ..تابع الرد رقم 18
https://artravelers.com/p/re/124727
وعلى فكره ..سعر الفندق الي تفضلت فيه مكتوب ب 49 باوند ..

الغالي ..
الحين بطلع وأتمنى تعذرني ..
صور موقع الفندق بوديها معاي البيت عشان أرفعها من هناك ..
شكلها ماتطلع لان الموقع يمكن محجوب من عندنا في الدوام ..

يسعدلي مساك ياراعي الفزعات والله والنعم فيك ...
حبيبي الصور طلعت لي الفندق من الخارج وصورتين من الداخل فقط
بس حبيت اسأل يعني اقدر اروح لادجول رود والهايد بارك والأكسفورد مشي ولا لا
وثاني شي برأيك بموقعه كويس وامن ولا لك ملاحظات علية.
واخيرا ولو اني متأكد اني راح ادوخك مرة ثانية بالأسئلة فيه فنادق افضل من مكانه ومثله بالأسعار
واسف على الدوشة هذي وكل اللي اقدر اقول لك (ياربي انك تسعد القطري ومن مثلة دنيا واخرة وتجعل حياتة هناء وسعادة)

191ara
معاليك زود طال عمرك ..
وتقدر اتروح ادجول رود+اكسفورد+هارودز+البيكاديلي مشي
بالنسبه للفنادق المشابهه له خالي قال لي عن واحد بحطه لك وبحط رقمه وعنوانه ..
وأختار بينهم ..
هذا مكان فندق Seymour Hotel

صوره ثانيه لموقع الفندق
وهذا الفندق الي قلت لك عنه ..
اسم الفندق BOSON COURT HOTEL
العنوان 26UPPER BERKELEY STREET
التلفون 00442077231445
وهذي صوره توضيحيه لمكان الفندق، ومن الصوره ايبين ان الفندق مكانه روعه

وإذا عندك اسئله أسئل مثل ماتبي وراح اتلاقيني تحت أمرك