monierhassun
قصدك التحديث

وعليكم السلام ورحمة الله
الاحداثيات فيه موضوع كتبته عنها شوفه بتوقيعي اتمنى تقراه
وتحديث الخرائط ضروري وتقدر تحملها من النت او تروح لاقرب فرع عندكم بالبلد
واذا حاب تشتري جديد تلقاه على 450 ريال نوفي بقراطيسه
واي سؤال انا بخدمتك

أزيد على الشباب نقطة وهي: ليتك تستفيد من برامج الخرائط على الجوالات الذكية، فهي أخف وأسهل، وفيها ميزة التحميل المجاني المتعدد، فأنت إذا حملتها من يوزر على الآيفون تقدر تحملها على أي جهاز آخر لأبل، سواء أيفون أو آيباد أو آيباد ميني، والأخير في ظني أنسب جهاز لهذا البرنامج، فالحجم المناسب والبطارية الملائمة تجعله أفضل خيار, وبالنسبة للأندرويد ففيه أيضاً نفس البرامج الموجودة في الأبل، وموفق بإذن الله..على فكرة: البرامج لا تحتاج للنت إلا وقت تحميلها فقط، وبعد ذلك تعمل من دون نت.

tab_el
اهلا يشرفني مرورك
اخوي انا عندي الجهاز بس بسأل عن التحديث كم يكلف ؟
لاني لقيت في منتدى اسمه الملاحة حاطين روابط حق خرايط مجانية لكل دول العالم بس فيه برنامج لازم تنزله على اللابتوب عشان يفك الضغط والحظر شغله طويله شوي
بالنسبة للأحداثيات بشوف موضوعك بس سؤالي شالفرق اذا كتبت احداثيات اللي هي بالارقام واذا كتبت العنوان بالرمز البريدي واسم المدينة والشارع ورقم النزل ؟ شالفرق بينهم وشنو ميزتهم ؟

kohilan15
والله ان الفكره في بالي ، عطني اسامي برامج للآيفون 5
يعطيك العافية

VictorVictoriance
التحديث ما يكلف شي20 او 30 ريال
كلها سوا
يا انك تحط احداثيات او تحط اسم المكان بالبحث (جنيف) مثلا ويرسم لك المسار ويطلع لك كم كيلو وكم وقت تحتاج للوصول
بس انتبه لا تحط اسم فندق في ميونخ وانت في فيينا مثلا .. يمكن يصير فيه لخبطة ويوديك لنفس الفندق بس بمدينة ثانية ... اول ما توصل للمدينة او المنطقة اللي تبيها ابدا ابحث عن الفندق او المكان اللي تبي تروح له
طبعا القارمن باعداداته يبحث لك الطريق بطريقتين .. الطريق الأسرع زمناً (يوديك مع طرق رئيسية ويكون وصولك اسرع)
وفيه الاقصر مسافة (يوديك مع طرق فرعية عشان يختصر المسافة ويكون الوقت اطول من الطريقة اللي قبل)
فيه خيار نقاط الاهتمام تختار من القائمة اذا تبي مثلا محطة بنزين وتسوي بحث ويبدا يطلع لك قائمة المحطات القريبة منك والمسافات
وقيس على هذا الاسواق والفنادق المراكز الصحية .... الخ كل شي يندرج تحت مسمى نقاط اهتمام

tab_el
يعطيك العافية يالشيخ ممكن طريقة تحديث الخرائط من الموقع ولا كيف؟
ممكن تقترح لي اسامي برامج ملاحة مفيدة للآيفون ؟

بالنسبة للبرامج فهي كثيرة جداً منها على سبيل المثال: (sygic، navigon، tom tom، I Go) وهذي كلها برامج مدفوعة، وأسعارها متفاوتة، وأنا جربت منها sygic الأوروبي، وكان جيد جداً، وكان لي عليه بعض الملاحظات البسيطة، إللي ما تنقص من قيمة البرنامج بصراحة، وقد نزلته لأحد الشباب على آيباده قبل أسبوعين واستخدمه في تركيا وأثنى عليه كثير، علماً أن البرنامج اشتريته بمبلغ 150 ريال تقريباً من الآب ستور...
طبعاً البرامج الثانية كلها ما جربتها، ولكن فيه navigon يبدو لي إنه قوي، ولكن سعره غالي شوي 300 ريال تقريباً
فيه برنامج google maps ممتاز جداً ومجاني، وخفيف على الجهاز وسهل ولكن تنبه لشغلتين: الأولى/ إنه يحتاج للنت، ومتى ما قطع عنك النت تورطت والثاني/ ما جربته ولا أقدر أحكم عليه.
أخيراً: برنامج السايجك له الآن نسخة مجانية تعطيك خرايط جميع دول العالم، ولكنها بعد 7 أيام ستكون من دون ميزة التوجيه الصوتي، وهذه فرصة مناسبة لتجربة البرنامج على جهازك، مع العلم إن تحميل أحد البرامج السابقة من حساب واحد على الآب ستور، كافي في تحميلها بشكل مجاني على جميع الأجهزة التي تمتلكها بنظام آبل.
أرجو أكون أفدتك، ولا تنساني من دعواتك )