اخوي موازين الاسعار في وقت الفورميلا تنقلب فوق ..تحت
كل شي يرتفع سعره ادبال مدبله من حيث السكن واجار السيارات وغيرها
حيث يعتبر وقت الفورميلا موسم يستفيد منه القطاع الفندقي بشكل ملحوظ
فإما انك تغير وجهتك او انك تدفع المبلغ وانت راضي
لان وقت ابتداء الفورميلا ماراح تحصل سكن كلش ملش
لا في اغلى الفنادق ولا اسوءها
وحياك الله

طيب متى موعد الفورميلا بالضبط اي تاريخ؟

أخوي نفس ماقالت اختي الماسة السوداء .. الفنادق في فترة الفورمولا راح اتكون كلها محجوزة بالكامل
وبسبب قلة الفنادق اتلاقي الكثير من الجماهير تسكن في السعودية ( الخبر ) واتكون هناك باصات كبيرة اتوصلهم يوميا إلى حلبة السباق.
فإذا كنت ناوي اتزور البحرين من الافضل انك تحجز بالرغم من ان السعر وايد مبالغ فيه .... او انك اتأجل السفرة كم يوم حتى تنزل الاسعار.
أختي فارسة تواريخ السباق هي 24 و 25 و26 ابريل

هلا اخواني وخواتي
متى اجازة السعودية في شهر 4 ؟
لاني انا من قطر ويمكن اروح البحرين من تاريخ 10/4 لغاية 15/4 يعني ماراح اصادف ايام الفورميلا بس ابي اعرف بعد بتكون الاسعار غاليه ومافي حجز بالنسبة للفنادق او الشقق ؟

محيط : وافق خادم الحرمين الشريفين الملك عبد الله بن عبد العزيز آل سعود على منح الطلاب والطالبات ومعلميهم ومعلماتهم أجازة رسمية في منتصف الفصل الدراسي الثاني لهذا العام الدراسي 1430/1429ه ابتداء من نهاية دوام يوم الأربعاء الموافق 26 /4 / 1430ه .
وتستأنف الدراسة وفقا لما ورد بجريدة " اليوم " السعودية يوم السبت الموافق 7 /5 / 1430 هجري وذلك بناء على ما رفعه وزير التربية والتعليم الدكتور عبد الله بن صالح العبيد بهذا الخصوص .
يعني بيكون اجازة المملكة العربية السعودية من يوم الاربعاء تاريخ 26/4/ 1430ه الموافق 22/ 4/ 2009 لغاية يوم الجمعة 6/5/1430ه الموافق 1/5/ 2009 م .
اي سيكون موعد الاجازة مع سباق الفورميلا فل في البحرين من تاريخ 22/4/ 2009م وهذا ماعليه كلام ..
طبعاً كنت ادور على سؤالي ولقيت الاجابة والحمدلله
بس هل سيكون تاريخ 10 / 4/ 2009 لغاية 15/ 4/ 2009م بعد الاسعار غالية ومافي حجز ؟
الرحلة ستكون مفردة ..

kazoze
حياك الله أخوي ...
جرب تشوف حجز الفنادق عن طريق موقع booking من الآن ... وشوف شتحصل .. وان شاء الله ربي ييسر لك ..

امس صاحبي من جده يسالني ليه اغلب السعودين الي ساكنين بالشرقيه صاروا يروحون كثير للبحرين
اول كان الي يروح للبحرين كثير ياخذون عنه فكره سيئه وانتوا عارفين ليه
اما الحين صار الكل يروح عوائل وبنات وشباب واطفال الكل يبي البحرين بالويك اند وغيره
يعني الجسر صار دائما زحمه وتلقى الديره فاضيه بالويد اند
انا قلت له والله من الملل الي شايفينه بالديره خصوصا الشباب كل شي عوائل وممنوع ولا فيه اماكن ترفيهه ابدا والديره تحوم الكبد كل الشوارع مسكره ومكسره
يازين البحرين مايعرفون شي اسمه عوائل وكل من حاله بشانه فديتهم والله وديرتهم تجنن كل وسائل الترفيه تلقاها هناك ويازينهم اذا بغوا يسون صيانه لشارع ماتحس فيهم يومين وهم مخلصين مو احنا الله يخلف علينا شارع الملك فهد بالخبر من عيد الفطر الى اليوم مسكر قاعدين يعيدون زفلته الطريق بس يعني لا نفق يبنونه ولا جسر بس اعادة زفلته صار لهم 6 شهور يزفلتون طريق طوله كيلو ونص
والا النفق الي من 2004 وهم مو عارفين يسونه وجسر بالبحرين الي قدام الستي سنتر بدوا فيه شهر 5-2008 وخلصوه بشهر 12-2008 قهر
الله يحفظ البحرين من كل شر

الغالية
تسلمين اختي الغالية

الأسعار عبر الأنترنت هي نفسها قبل الإجازة ..
ويمكنك التأكد من هذا الموقع ..
http://search.hoteloogle.com/SearchResults.aspx?fileName=Manama&HotelID=0&checkin=2009-04-12&checkout=2009-04-13¤cyCode=SAR&languageCode=EN&Adults=1&Rooms=1&sort=MinRate-asc&tabId=Details