ما تقدر × ما تقدر × ما تقدر

السفر الى البحرين يلزم جواز السفر

اذا كان الشخص اقل من 21 يدققون مرة بالكرت الاصفر ..
كان معنا واحد مرة وعلوه واخذوا الكرت الاصفر منه ..

السعوديه مازالت حجر عثر امام مجلس التعاون في هذا الموضوع , مع ان مجلس التعاون اقر هذا النظام منذ سنوات طويله وطبقتها دول الخليج مع بعضها الا السعوديه
عمومأ جميع قرارات مجلس التعاون طبقت ماعدا السعودية لم تطبق منها شيئ!!
ومافيه امل تسافر بالبطاقه لا البحرين ولا حتى اريتيريا

صحيح اخوي سلطان انا اذا بسافر الامارات أوالبحرين عن طريق الطائرة اقدر اسافر بالبطاقة المدنية اما بالسيارة ما اقدر لأني أمر على السعودية ليش ماأدري ، وصارت لنا قصة سنة 2003 تدلل على التشدد من قبل الاخوة بالسعودية بغى تتكنسل السفرة لكن الله سهل :
أخوي الصغير كان بتلك السنة عمره 7 سنوات ومضاف على جواز سفر الوالدة ويستلزم استصدار ورقة مرافق (هذا اسمها أو شبه ذلك) وكان وقتها عيد الأضحى والدوام معطل واجازة أي لا عمل لاستصدار هذه الأوراق إلا بعد العيد المهم قلنا خلنا نحاول ورحنا على منفذ الكويت قالنا المعقب ما عندي مشكلة أطلعكم من الحدود عادي بس السعودية راح يردونكم ، قلنا ليش عمره 7 سنوات وهو يقدر يقول انا ولدهم مو خاطفيه يعني وما نقدر نطلع الأوراق اجازة شلون المهم طلعنا وصلنا لمنفذ السعودية والله يمكن ساعة واحنا نحاول ونكلم الكل مشونا لا تخترب السفرة (عمك اصمخ) وردينا للكويت واثار الخيبة بادية على محيانا(قلبتها لغة عربية) المهم عطينا الولد 15 دنانير قلنا له اشرايك نخليك تنام ببيت عمك مع ولد عمك والعب على كيفك بالبقيات(تسمونها بالسعودية دباب) واشتر العاب نارية واستانس (والله قصينا عليه ووصلناه على بيت عمي ) وعلى طول دزه الخبر والبحرين شفت شلون هاهاهاها

ياشباب .... ثواني بليز....
صدقوني الوضع اللي حنا عليه ممتاز...
عدد سكان دول الخليج بدون السعوديه....؟ وكم عدد سكان السعوديه لوحدها...؟
طبعا السعودين اكثر...
في مثل معروف "اهل مكه ادرى بشعابها"
في ناس واجد ما يعرفون ان من كبر مساحة السعوديه تلاقي اللهجات تختلف من مكان لاخر. والتقاليد والطبايع .... وحتى نوع البشر....
و واجد من هالناس ما عندها جواز سفر لان الجنسيه في السعوديه ما تعتمد على وجود الجواز...ولكن على بطاقه الاحوال المدنيه ودفتر العائله..و استخراج الجواز عليه رسوم ولا يحتاجه
تخيل لو هال 20 مليون فتح لهم الباب للسفر بالبطاقه ....
اللي في الدمام والخبر و ما عندهم جوازات اكثر من اللي عندهم ..... تخيل لو قدروا يروحون البحرين بالبطاقه.................................. لا؟؟؟؟؟؟؟؟؟!!!!!!!!!!!! دمار شامل للبحرين ... بتغرق
هذي وجهة نظر وكيفكم