هلا
04-07-2022 - 04:44 pm
السلام عليكم
تجولت في المنتدى ولقيت وطلعت بالبرنامج التالي بنفس الترتيب
1-الوصول الى كوالالمبور والاقامه ليلتين في فندق الخيول الذهبيه
2-الانتقال بالطائره الى لنكاوي والاقامه3ليالي في لنكاوي لاقون فيلا على البحر
3-الانتقال الىبينانغ والاقامة 4ليالي في مونتيرا
4-الانتقال بالسيارة الى مرتفعات كاميرون والاقامه ليلتين في فندق اكوتوربال
5-الانتقال من كاميرون الى صن واي لقون والاقامه ليلتين في فلل الهني مون + زيارت جنتنق
6- الانتقال الى افاموزا والاقامه ليلتين في مالكا
7-الانتقال لكوالا لمبور والاقامه في فندق المندرين 7 ليالي
كم تعتقدون يكلف مثل هالبرنامج وهل هو مناسب لشهر العسل(الله يحيكم على العرس)
انا عرسي بعد شهرين هل انا أستعجل في الحجوزات او انتظر
ولكم مني كل الشكر
مبروك عليك مقدما الزواج
وان شاء الله يكون بداية خير لك ولها
بالنسبة للحجوزات في الفنادق
بعض المكاتب يقول ان الاسعار ما نزلت
ويقولون ان الاسعار تنزل بعد انتهاء معرض السياحة
تقريباً يوم 10 /5 /2005
وبعض المكاتب تروح لهم يقولون ان عندنا اسعار الصيف
والظاهر ان هذي المكاتب مثبتة الاسعار طول السنة
أما بالنسبة للحجز على الطيران
فانت ما عندك مشكلة لو تحجز من الان
انا اشوف انك تحجز الطيران من الحين
وتخلي المكتب اللي يحجز لك يأخر موعد شراء التذاكر
وبالنسبة للبرنامج اللي حطيته
انا اشوف انه حلو ومرتب ومتسلسل بشكل صحيح
وممكن احد من الاعضاء الخبراء يعطيك راي احسن بحكم الخبرة
وياليت احد احد من الاخوان يحاول يحسب لك التكاليف التقديرية لرحلتك
وبالتوفيق ان شاء الله