بن مرشد
04-05-2022 - 12:38 pm
السلام عليكم ....
اولا : انا سعيد بمشاركتكم في هذا المنتدى الرائع - في مضمونه-.
ثانيا: بإذن الواحد الأحد انا طالع ماليزيا قريب ، لكن المكاتب السياحية دائما ما تذكر لي اربع مدن فقط : كوالا، بينانج،لنكاوي،بينج، لكن لما دخلت المنتدى وجدت اماكن كثيرة غير هذه الأربع، ودي اعرف مثلا جزيرة بانكور ، ترنانجو، مرتفعات الكاميرون،جوهور،سلانجور ، صباح .. وغيرها هل هي موجودة في هالمدن الأربع والا كلها مدن منفصلة، ايضا ماهي المدن اللي يمكن اصلها بطريق الطائرة واللي ما احتاج طائرة لها ، مع العلم اني كسول جدا واحب اركب الطائرة اذا وجدت.
ثالثا: وشي الفنادق الحلوة في بينانج ولنكاوي ، ابغى من فئة الخمس نجوم.
رابعا: كيف الديرة؟؟ هل المساجد فيها كثيرة؟؟ هل راح اواجه مضايقات لأني زوجتي متحجبة مثلا؟؟ كيف الأمن في ماليزيا؟؟
خامسا: انا ناوي احط زيارتي لمدن كوالا، بينانج،لنكاوي،جنتج، وراح احجز التذاكر لها؟؟ فيه مدن ثانية؟؟
سادسا: اتمنى الاجابة سريعا؟؟ خصوصا من الأخ الشعيبي ؟؟ ما ادري ليش؟؟ احس اني مرتاح لطريقة عرضه للمواضيع؟؟ وايضا كل الأخوان المشاكرين هنا.
سابعا: الشكر مقدما لكل من يرد علي.
بن مرشد
حياك الله اخوي بن مرشد وتراك بين اهلك وناسك .
والله حنا اسعد بمشاركتك لنا ومنتدانا بأهلها وناسها وانت صرت واحد منهم .
اخوي ودي اشرحها لك
كوالا ...العاصمة ...مدينة فدرالية واستقطعوها من سلانغور .
بينانغ ...ولاية بشبه جزيرة الملايو .
لانكاوي ...جزيرة تابعة لولاية قدح .
جنتنغ ...منطقة تابعة لولاية باهنج .
بانكور...جزيرة تابعة لولاية بيراك.
ترنجانو ...ولاية بشبه جزيرة الملايو .
كاميرون منطقة تابعة لباهنج .
جوهور...ولاية بشبه جزيرة الملايو .
سلانجور ...ولاية بشبه جزيرة الملايو .
صباح ...ولاية بماليزيا الشرقية .
وفي اغلب الولايات تجد مطار داخلي او دولي .
اما مثل جنتنغ وكاميرون فما لها مطار ...وكل الباقيين الي ذكروا
لهم مطارات ....سواء داخلية او دولية .
الولاية مثل المنطقة عندنا ...ادري انك عارف
بغيت افضل فندق بلنكاوي ...فندقي شيراتون بيردانا
كباين لانكاوي لاغون .
ببينانغ ...راسا ساينغ شانغريلا .
المساجد كثيرة والحمد لله ...لكن لا تتوقع مثل ديرتنا ...
تروح برجلك للمسجد لتشهد الجماعة ...عندهم في القرية
او الحي مسجد واحد فقط كبير ...واللي بيته بعيد تلاقيه
يروح المسجد بسيارته او دبابه .
الحجاب ما عليه كلام ...بالعكس ما تلقلى الا كل تقدير واحترام
وبعيني شفت ماليزيات كلنتنيات وجوهوريات يغطين مثل نسائنا .
الامن مستتب والحمدلله ...شوية حرص وان شاء الله مايجيك
الا كل خير .
سئلت عن المساجد والحجاب فحكمت انك رجل من الصالحين وما
نزكيك على الله ...لاجل النصيحة ...في سفرة من السفريات كنت
مع اخوة ماليزيين وكنت طفشان وقلت لهم وش رايكم نروح جنتنغ
ونبيت فيها ...لقيتهم كلهم سكتوا ...قلت لهم وش بكم ...قالوا
ما نقدر نبات هناك لانه فيها اكبرنادي قمار بماليزيا فنخاف الله
يرسل عذابه للمكان وحنا فيها ...رفعت شماغي احتراماً لهم وقلبناها
لكاميرون ...ما امنعك تروح جنتنغ وخاصة ان كان معاك اطفال ولكن
قلت القصة للامانة وقلتها قبل كده بالمنتدى .
عندك كاميرون منطقةولا اروع حدائق وفاكهة وفراولة وعسل وخير وشاي .
رأيي حسب وقتك المتاح .
كوالا---لانكاوي---بينانغ---كاميرون ---كوالا منها لجنتنغ
وان بغيت تاخذ بجنتنغ خلها بعد كاميرون ...نسوي زي الجزيرة
الرأي والرأي الاخر
عاد الظاهر ما يخفى عليك فنادق كوالا .
كاميرون ان شاء الله ما يخرج من اثنين اكواتوريال وليك هاوس .
وان بغيت جزر ترى عندك بانكور او بانكور لاوت .
وهذه ان بغيتها تاخذها بعد كاميرون .
موفق ان شاء الله اخوي بن مرشد ولا تنسانا من صالح دعائك .
وتروحون وترجعون لنا بالسلامة والسلام عليكم
كلمة ومعناها بالماليزي :
TERIMA KASIH=شكراً
تريما كاسيه