اخي على حسب مافهمت من الاخوة ان الاجازة من 1 الى 3 يناير وانت حجزك في 3 يعني بتكون في الجو ولما توصل
بيكون الاجازة انتهت والمحلات فتحت وكل شئ باذن الله تمام .......... والاخوة اكيد بيطمنونك على هالموضوع
حبيت اعرف بكم اخذت التذكرة

اختي ام احمد اشكرك على الاهتمام والرد لكن معليش انا غلطت كتبت يناير وهو بفبراير 3 فبراير
أما عن سعر التذكره كلفتني تقريبا 1870 ريال طبعا حنا 3 اشخاص المجموع 5600 ريال

كذا الله يكون بعونك اخي صدق ورطة يعني ماعندك الا يومين تسوق
خلنا نشوق خبرائنا شنو يقترحون عليك
بس تا:د من سعر التذكرة مو معقولة هالسعر 1870 انا لفيت بمواقع الخطوط مالقيت الا ارخص تذكرة ب2880
يعني الف ريال فرق بينا واذا صحيح اللي كتبته عطني اسم المكتب اللي حجزت منه

عزيزي الفاضل العطله الصينيه تبدا ب 3/2/2010 يعني بتاريخ سفرك بالضبط
و كل شي بالصين يكون مغلق ما عدا اسواق المفرق و ذلك بسبب السياحه بذلك الوقت اما اسواق الجمله و المصانع و غيرها فكلها تكون مغلقه
و غالبا اسواق الجمله تغلق من اسبوع الى 10 ايام اما المصانع فغالبا 15 يوم تقريبا اما الحكومه الصينيه من بنوك و شحن و غيرها فلست متاكد هل هيه 10 ايام ام 15 يوم هذه السنه
بالنسبه لتذكرتكم اولا اكيد انت غلطان فالسعر مستحيل ان يكون للفيرست كلاس ولا على اي خطوط مهما كان العرض
ثانيا على حسب معلوماتي انك لا يمكنك استرجاع قيمه التذاكر و لكن يمكنكم تبديلها لوقت اخر و تقوم بدفع فرق او مبلغ معين احيانا لان التذكره عرض محدد ..
تقبل تحياتي
ناصر عياش

مشكورين اخواني على مروركم
لكن انا تقريبا ماهو هدفي اسواق الجملة والمصانع اهم شي المحلات الكويسه الرخيصة واخذ نبذة عن الصين لانه اول مره صراحة
اما عن التذاكر فالاسبوع الماضي دفعت قيمتها بمكتب الخطوط السعودية والحجز كان عن طريق موقع الخطوط على النت
كان الحجز بشهر 10 تقريبا ولاتفوتكم صراحة عروض الخطوط السعودية انت وحظك تحصل بعض الاحيان باقل بعد
باالاخير وش رايكم اروح ولا ااجل بس المشكله ماعندي اجازه غير شهر فبراير لاني طالب لازم انتظر الى العطلة الثانية بعد 4 شهور

السلام عليكم
ودي اقولك روح وودي اقولك أجل
ولكن لو انا مكانك والدعوه سياحة .. اتوكل على الله .. واروح .. السياحة موجوده .. والتسوق شوي من الصين وشوي يتعوض من الديره
احسن من تروح قيمة التذاكر بلاش
استخير الله واتوكل
الله يوفقك

انا اقول توكل على الله دام المفرق فاتحين وخصوصا التذاكر ببلاش

آخي الكريم
هذه التذكرة من بطاقات التصفيه لمكتب السعودية لطيران على خط هونغ كونغ و غير قابله لتحويل أو تبديل بنفس الدرجة المقدمه و ربما محدد بالتاريخ و الوقت و في حال عدم الإستخدام بتروح عليك

أشكر كل الاخوان اللي ردو على تفاعلهم مع الموضوع
لكن اخوي ناصر عياش يعني محلات المفرق والمجمعات التجارية كلها فاتحة ؟؟؟