هلا والله أخوي ( حمد )
أنصحك ياغلاهم ... قبل أي خطوة ... تقرأ موضوعي هذا وراح يفيدك بأذن الله
راح تتضح لك الصورة بشكل كامل ... وتتكون عندك صورة كاملة بأذن الله
أقراه ... وأنتظرك

قريت الموضوع والف شكر لك بس أبغى منكم حجز الطيران ابي أف
ضل سعر ؟وتقسيم الايام على المدن ؟ وأسماء الفنادق الذي تنصحوني فيها

حياك ياغالي ...
أفضل طيران ( القطرية - الإمارات - طيران الخليج - السعودية - الأتحاد ) ...
قارم بينهم وأختار الأرخص ... والأنسب ...
أما الأيام عندك ( 12 يوم ) صافية ... وأنصحك بهذا الجدول :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق البارك رويال
أربعة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

حمد!!!
وانت بخير يارب ...
ومبروك الزواج والله يرزقكم الذريه الصالحه
مشاء الله عليك تصدق ان حجزك هو نفس الأيام اللي حجزت عليها طيران الإتحاد !!
رحلتي 9 سبتمبر وعودتي 21 سبتمبر
الكويت أبو ظبي كوالا
كوالا أبو ظي الكويت
الترانزيت في أبوظبي قرابة ساعة ونصف
كلفني الطيران 5800 ريال لشخصين
خذيت في سلانجيور فندق برميد ليلتين بمبلغ 1070 ريال شاملة الإفطار
وفي بينانغ فندق بارك رويال 3 ليالي بمبلغ 2000 ريال شاملة الإفطار
وفي لنكاوي فندق ويستن 3 ليال بمبلغ 3300 ريال شاملة الإفطار
وفي كوالا 3 ليالي فندق الماريوت بمبلغ 2970 ريال غير شاملة الإفطار
التنقلات الداخلية ..
افكر اطلع من سلانجيور إلى بينانغ بالباص
واكيد من بينانغ إلى لنكاوي طيران
ومن لنكاوي لكوالا طيران
بالنسبة لأرخص سعر طيران دولي عرض علي كان على السيرلانكية وفي نفس التواريخ اللي عرضتها.. ما اذكر بكم بالضبط لكن رفضته ..

اخي وافي شاكر لك تفاعلك معي واسأل الله العزيز ان يرزقك ويوفقك
بالنسبة للفنادق كم تكلفتها تقريبا وهل اربع نجوم والا خمسه ؟؟
وبالنسبه للتذاكر المدام مامعها جواز هل فيه طريقه اقدر أحجز فيها بدون جواز ؟
وفيه اسئلة بقولها لك بس حبة حبة الله يعينك علي

الف مبروك لك اخي الكريم وانا قاعد احوس فالمنتدى لقيت موضوعك وسبحان الله انت راسلتني قبل اول شي الله يوفقك والله يرزقك الذرية الصالحة .
وأي معلومة تقدر تفيدني فيها لاتبخل علي فيها ووافي والزمن جافي ماهو مقصر تعبته معي .
وان شاء الله اذا حجزت على طيران الاتحاد التقي فيك

حمد!!!
الله يبارك فيك
للمعلومة حجوزات الطيران والفنادق جميعها عن طريق مكتب بالخبر
تعامل معه أحد الزملاء ويثني عليه
المكتب راجعتهم أربع مرات بسبب تغير الفنادق
بالنسبة للفنادق اللي وضعها وافي
في سلانجور وبينانغ هي نفس الفنادق اللي أنا اخترتها ونفس عدد اليالي
شوف أسعارها في ردي الأول ..

ياهلا أخوي ( حمد ) ...
الفنادق اللي رشحتها لك خمس نجوم ... إلا ( البيراميد ) أربع نجوم لكنه أسطوري
وسعرها بحدود ( 6500 ريال ) شاملة الضريبة
وبالنسبة لزوجتك تقدر تحجز بدون جواز لها ... أهم تكتب الأسم صح ...
لأن أغلب شركات الطيران يحتاجون فقط الأسم