أخي الكريم البكيرية معليش أنا راح أتملقف شوية ...
أذكر إن صاحب زوجي قلنا لو تكلموا السعودية بالبطاقة المدفوعة و تستخدم هاتف الفندق يكون أرخص بكثير من الجوال .. و هاذي البطاقة ممكن تلقاها في السوبر ماركت أو البقالة الكبيرة ...

السلام عليكم ...
صباح الخير اخوي البكيرية .
صباح الخير خالتي ام حنين العربية .
يابعد قلبي ترى المكالمة حسب الشركة ...شيء 6 ريال وكسور
وشيء 8 وكسور ...ترى غاليين شركات الجوالات حقتهم للاتصال
الخارجي ...رغم عدم وجود الاحتكار مثلنا ...
ما اقول احسن لكن اللي ارتاح له ...(digi) تشتري الشريحة
من اي مكان وحتى البقالات ب37 ريال وفيها اتصال ب20 ريال .
وعاد تمليها ب30-50-100-200 ريال .
ما اخذ رقم السعودية معاي ...افرض انسرق وجاء قليل الذمة
يتكلم لين ما اكتشف انه الجوال ضائع او مسروق وش يكون
وضعي وقتها ...اخذ شريحة ماليزية واريح بالي ...اتصال
او اتصالين يخلص البطاقة ويحتاج امليه ...لاجل ذلك ادق
دقة على اهلي هنا وهم يردون الاتصال لين ما يخلص موضوعي
ارخص والصوت يكون اوضح وما يقطع ...الدقيقة اقل من 4 ريال .
تقول ياسلام يازين شركة اتصالاتنا اخيراً لقينا اللي اغلى منهم بالعالم
لا يا اخوي ...شركة اتصالاتنا متربع على القمة وما يرضى له بديل
لو تتصل من بيت ماليزي للسعودية بأقل من ريالين وحنا ب4 ريال ..
ترى لا يغرك نشوف وش يسون في ذي القعدة
يرخصونها لشعبهم ولكن يكسرون ظهور الاجانب ...هذه الاتصالات الماليزية
والاتصالات العالمية المتطورة ...الى الامام وحنا للخلف در
الفنادق تسوي اعلاناتها وتقول فندقنا عنده تلفون idd وحنا نطنش .
هذه خدمة فيها من التوفير الشيء العظيم لكن والفين على الصرف ...
تشتري بطاقة idd من اي دكان خاص بالاتصالات او بقالة كبيرة
وترجع الفندق وتحط رقم الشركة اللي كاتبينها بالخلف وتحط رقم بطاقتك
وبعدها تسمع صوت حرمة تقول كم رينجيت لك بالبطاقة وتتصل على السعودية
الدقيقة ب 1.80 ...ما وصل ريالين حتى ...ومطط كلامك على كيفك
اما تطلب من الفندق اتصال دولي الله يستر ...
يوم من الايام جيت اسوي دلع وودي اصلح رجل اعمال مهم ...طلبت
من الموظفة تسوي لي اتصال على احد الاصدقاء بجوهور واعطيتها
الرقم ...وثواني ويدق الخط عندي ...واتكلمت معاه قريب دقيقتين ..
مع انه عندي جوال ...لكن مجاغة ...المهم وقت ما اخذت الفاتورة حق الخروج
لقيت حاسبين الدقيقتين ب12 ريال وهي ماتسوى ريالين ...هيا انتبه عاد .
وعندك دكاكين بكامبونغ بارو وشوكيت خاصة ب idd ...تتصل من عندهم رخيص
الدكاكين تلاقيه مليان اندونيسين يتصلون على بلدهم ...هذا ان بغيت
تطول وتتكلم فترة طويلة ...لكن انتبه لا احد يسرقك بالمنطقة ...لانه
فيها كثير عمالة سائبة على قولة الجماعة ...وشكله idd
هو اللي تقصده خالتي العربية ..موفق اخوي بأذن الله ورحلة سعيدة
وترجعون لنا بالسلامة والسلام عليكم