صباح الخير ومساء الخير على كل الحاضرين والمارين
طلعت رحلة لاسبوع كانت ممتعة في الشرقية
سكنت الخبر وزرت الدمام والجبيل وراس تنورة
كانت الرحلة شبابية .. وبالحيل انبسطنا
سكنّا في فندق سوفيتيل الخبر وكان كويس وحلو
الأماكن اللي زرناها في الخبر الواجهة البحرية ومن أجمل الأماكن والكورنيش طبعاً وقتها كان فيه شوي رطوبة بس استمتعنا
وطبعاً دخلنا الراشد ومجمع الظهران مول وفؤاد سنتر والمطاعم اللي رحنا لها ستيك هاوس ومطعم بيت التنور ومطعم بوابة الشرقية ومطعم سيرف ان تيرف وبصراحة كان مطعم خيالي واكله مميز
وفي اليوم الثالث رحنا على الدمام وطلعنا على مجمع الواحة مول وتغدينا في مطعم وطلعنا على راس تنورة ورحنا على شاطئ ارامكوا طبعاً عن طريق واحد معرفة يشتغل بارامكوا
وقضينا يومنا هناك .. وكان بصراحة يوم ممتع جداً وما رجعنا الا من بكرة بعد العصر وطلعنا على الجبيل ورحنا على الكورنيش وبصراحة كنت اول مرة اروح للجبيل واعجبتني بنظافتها وجمالها كورنيشها مرة مرتب ونظيف ورايق
قضينا يومنا وتالي الليل رجعنا على الخبر دايخين ومن بكرة كان اخر يوم لنا قضيناه في الراشد وبعدها رجعنا لديرتنا
الرحلة كانت ممتعة بصراحة وما ألوم الناس لا سألتهم وين بتصيف يقولك بالشرقية
جبت لكم بعض الصور والعذر والسموحة هذا اللي طلع معي لانه ما كنا فاضين للتصوير
تحياتي للجميع