بالتوفيق ورحلة سعيده مقدما وكنت حابب فيدك بس حسبالي بالرياض بس بالدوجة مالى معرفة والله خصوصا بامر الفيزا

حياك الله في منتدانا ........
والأفضل انك تطرحي سؤالك في بوابة السفرالى سويسرا
وبيعطوك اجابات مفصله وشافيه وخصوصا مشرف البوابه اخونا ابو عزيز
رحله سعيده

السلام عليكم
الدوحة مافيها سفارة سويسرية
يمكنك الاستخراج من الرياض او البحرين .... اقرب سفارتين

مشكورين اخوانى وخواتى kh
الهائمه
ابن الرياض
عساف الاصايل
على الرد والتواصل ..... بس ابغى رد على بقية الاسئله مع الشكر

نجلاءالحلوة
الفيزا: انا ارى انكم تخذوها من دبي او البحرين.
افضل منطقة: على حسب ما قرأت من تقارير (( زيلامسى )).
طيران: القطرية افضل لكم او الاماراتية.
الفلوس: اصرفوا دولارات او يورو "مقبولة في اي مكان في العالم".
التأشيرة من دبي ما اظن تأخذ اكثر من ثلاث ايام الى 10 ايام.
معلومات اخرى: رحلة سعيدة ان شاء الله.

مرحباا اختي نجلاء الحلوه ,, ,
تقدرين تاخذين الفيزاا من الامارات او البحرين ,, الفيزاا في الامارات يوم واحد و تطلع ,, اما بالنسه للطيران اذا كنتي رايح زيورخ سافري على الإمارات أو القطريه ,, و اذا رايح جنيف احسن لج تروحين على الاتحاد ,, اما بالنسبه للفنادق في زيورخ عندج الماريوت وايد زين ,, و بعد عندج البورلاك ... في جنيف عندج نوجا هيلتون,, اماا عملة الصرف اخذي معاج فرنك سويسري او يورو بس هم عندهم اذا دفعتي باليورو ايرجون لج بالفرنك السويسري ,, بس هم اكثر يتعامل بالفرنك ,,
تحياتي لج
اختج رعبوب الإمارات

هلا عزيزتي انصحج تروحين مكتب سفريات وتاخذين كل شي من عندهم
بعدها ترجعين المنتدى تحطين الفنادق والطيرانات اللي اقترحوها المكتب عليج
بعدها الأعضاء يساعدونج بأنه هذي الفنادق جيده أو لا والخطوط غاليه ام رخيصة
وهكذا وتبدين تنسقين من هالمنطلق بالنسبه لي أهم شي تحددين لنا
كم مدة الرحلة ومتى + كم الباجت اللي عندكم؟ يعني كم مفكرين تخسرون؟
اقتراحي المبدأي
الخطوط القطرية الذهاب إلى زيورخ ليلتين
التوجه إلى لوسيرن ليلتين
ثم التوجه إلى انترلاكن ثلاث إلى خمس ليالي (يعتمد كم مدة سفرتكم)
من ثم الإنطلاق إلى مونترو أو لوزان لمدة ليلتين
ثم جنيف أربع ليالي .. والعودة من جنيف إلى قطر
وأحسن المناطق حسب ما قرأت أنترلاكن..
الفنادق خليها لم تحددون متى ووين السفر
بس إذا ناويين هالصيف استعجلو لأنه فنادق انترلاكن
بدت تتعبى ..

هلا اختي
طلعي فيزا شنقن من اي سفارة لانك راح تحتاجينها بسويسرا
فمن جنيف راح تطلعين لبعض الاراضي الفرنسيه
ومن لوقانو ممكن تطلعين على ميلانو
افضل منطقه انترلاكن ومن مميزاتها انها تتوسط سويسرا فيسهل التنقل منها لاغلب الاماكن السياحية
افضل خطوط طيران ما ادري اعتقد القطريه بما انكم بالدوحة فليش الترانزيت والتعب
الفلوس خوذي فرنكات افضل
وممكن يوروات اذا بتطلعين للاراضي الفرنسيه وميلانو
والله المستعان