أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
بصراحه فكره حلوه لان المسافر تمر عليه مواقف كثيره...راح ابداء بموقف مر علي بالمانيا كنت مسافر انا واحد الزملاء الي(( فلندا ))عن طريق مطار فرنكفورت...طبعا ترانزيت لازم يوم وليله باحد فنادق المانيا.... رحنا لاقرب مطار بالليل نمنا...وطبعا الرحله من باكر مساء ..يعني لازم ننثر العفش يمين ويسار..اللي بالدولاب واللي فوق الكرسي..واللي يمين واللي يسار...,,, من باكر رحنا وتغذينا وتمشينا شوي ورجعنا نرتب الاغراض استعداد للرحله مساء زميلي كان حريص وكل شوي يقول لي انتبه لاتنسي اغراض لك بالفندق..حتي اتصل علي من غرفته يحرصني... يوم جينا نتحرك من الغرفه مسوي نفسه احرص مني قام يفتش الدولاب ويشيك علي الغرفه..بزعمه يمكن اكون ناسي شي....((انواع الحرص )) المهم نزلنا ((للرسيبشن ))وبحكم انه مسوي روحه قائد للرحله...راح يشيك معاهم الحساب ويستلم الجوازات من عندهم..وانا طلبت قهوه وجلست انتظره.. طلبنا سياره ورحنا للمطار ومطار فرنكفورت الله لايوريك زحمات وبوابات المهم وصلنا للكونتر بعد فتره اعطي للموظفه التذاكر طلبت منه الجوازات..قام الاخ يدور عليها..اثره ناسيها عند الفندق حتي وهو يدور عليها بشنطته الخفيفه وهو جالس بغيت انطل علي راسه اكبر شنطه معنا علشان ما يتعودها المهم صرنا بموقف لانحسد عليه والرحله موعدها قريب ومافيه رحله ثانيه الا بعد يوم كامل....ّّ!!!! ضحكت الموظفه عليه وقالت مو مشكله رح اتصل من تلفونات الفنادق بالمطار...فعلا راح واتصل وجلس يهوش يعني تري السبب منكم بزعمه علشان محد يلومه.....!!! الفندق قال اصلا انت ماطلبت الجوازات بس مو مشكله راح نرسلها بسياره خاصه وعلي وجه السرعه بس انتظرونا عند البوابه الخارجيه وتعال شف عاد اهو عند باب وانا عند باب ويمكن يوصل ويمكن مايوصل..الين شرف سواق الفندق وجاب الجوازات... عاد من العجله السواق وهو ينتظر بخشيش او اي شي ربعك يهوجسون بالرحله وعسي الرحله ماتفووت هذا بصراحه من المواقف والمواقف كثيره واتمني ما اكون طولت عليكم ...تحياتي...,,,
والله موقف صار لما كنت أدرس لغه ببريطانيا الله رزقني بخوه واحد طيب وحبيب .... بس عيبه منحوس وأموره مو راضيه تمشي صح المهم جانا سواق واخذنا عند عوايلنا اللي راح نسكن عندهم قطيته عائلته الا وحده سمره ومعصبه علينا تقول حق صاحبي ليش كل هالشنط ... الحبيب وياه 3 شناط كبار التفت علي وقالي قايلك حظي خايس اعرفه.... قلتله تعوذ من الشيطان لاتحبط نفسك المهم قالت لك شنطه وحده تدششها البيت والباقي صرف نفسك المهم خذينا شناطه وحطيناها بالحديقه قلنا يمكن بالليل ندخلها بالدس والخش
وأنا بعدها رحت لعائلتي اللي بسكن عندها والله خوش عائله انجليزيه
ويوم صار الليل رحت مشي للمطعم ودقيت عليه اتطمن شنو صار عليه
الو يافلان ها شخبارك قال انا جوعان وام العائله قافله علي البيت وطالعه بره وانا لحلي بالبيت والثلاجه فاضيه... انقذني يا حلو يا أنا..... والله قمت وشريتله من المطعم شاورما وبيبسي وجيت بيته ودخلتله الشاورما من الدريشه وكان منظر يضحك كل ما اتذكره شلون كان شكل صاحبي محبوس وينطرني من الدريشه وانا ادخله الاكل
لو ول
ما اطول عليكم يومين الولد ما طول تهاوش ويا ام العائله وطردته واهو وشناطه برى بالشارع.....كلاكيت اول مره راح عائله ثانيه وكان عندهم كلب يحبونه ... واهو يتعشى ويا العائله جاه الكلب يلحس رجوله .... والله صاحبنا صكه فنقر او شات الكلب لزقه بالطوفه ..... والله الحبيب هو وشناطه بالليل بالشارع...... كلاكيت ثاني مره راح عند عائله ثالثه والله مدري شنو سوى الحبيب وانطرد بعدها بيومين........كلاكيت ثالث مره راح عند وحده يهوديه سكن عندها... قلتله ليش تسكن عند يهوديه كل انا جربتهم كلهم خلني اجرب اليهوديه يمكن ارحم المهم اليهوديه كله سكرانه واذا سكرت تفصل على مخ صاحبنا بالاسلام وصاحبنا يدور الستر يقولها ايه انتي صح واحانا يالمسلمين غلط ......الحبيب من مر اللي جاه يقول جذيه والله يا شباب انا استانست مر اسبوع ولا انطرد صاحبنا.... الله يبشركم ويبشرنا ولا يغير علينا والمهم صاحبنا راجع بالليل ولا اليهوديه ناطرته وسكرانه ناطره صاحبي وتصارخ عليه ليش المسلمين يتزوجون اربع ليش وحده ما تكفيهم ... واهي تصارخ ولا ريحه الخمر صاكه بخشمه وعصب صاحبي وقالها you are in jahanem like chicken grill يعني انتي انشاله بجهنم نفس الدجاج المشوي ولا شناطه من الدور الثاني تحذف بنص الليل بالشارع............ وكلاكيت رابع مره لول وسلامتكم
والله يا جماعه عمر صاحبي طويل الصبح كتبت عنه الحين اهو جايني من منطقته زياره بالويك اند عندي ونايم عندي من البارح في بيتي ........ الله يوفقه تخصصه الكترونات ادعوله بالتوفيق وادعولنا بعد الميكانيا ذبحتني ويا نيوتن وباسكال
والله قاعد يقرا صاحبي الكلام و ردودكم والكلام اللي انا كاتبه طقني يقول فضحتني على مستوى النت
كلينا هوا بس علشان تضحكون.........تستاهلون
ومشكورين على ردودكم ياجماعه ولو ضحكم جابلي اجلي من صاحبي
لول
وانشاله نوعدكم بموقف ثاني لانه سفراتي شكثرها ومواقفي واجد ولنا لقاء قريب
كنت مسافر انا واحد الزملاء الي(( فلندا ))عن طريق مطار فرنكفورت...طبعا ترانزيت لازم يوم وليله باحد فنادق المانيا....
رحنا لاقرب مطار بالليل نمنا...وطبعا الرحله من باكر مساء ..يعني لازم ننثر العفش يمين ويسار..اللي بالدولاب واللي فوق الكرسي..واللي يمين واللي يسار...,,,
من باكر رحنا وتغذينا وتمشينا شوي ورجعنا نرتب الاغراض استعداد للرحله مساء
زميلي كان حريص وكل شوي يقول لي انتبه لاتنسي اغراض لك بالفندق..حتي اتصل علي من غرفته يحرصني...
يوم جينا نتحرك من الغرفه مسوي نفسه احرص مني قام يفتش الدولاب ويشيك علي الغرفه..بزعمه يمكن اكون ناسي شي....((انواع الحرص ))
المهم نزلنا ((للرسيبشن ))وبحكم انه مسوي روحه قائد للرحله...راح يشيك معاهم الحساب ويستلم الجوازات من عندهم..وانا طلبت قهوه وجلست انتظره..
طلبنا سياره ورحنا للمطار ومطار فرنكفورت الله لايوريك زحمات وبوابات المهم وصلنا للكونتر بعد فتره اعطي للموظفه التذاكر طلبت منه الجوازات..قام الاخ يدور عليها..اثره ناسيها عند الفندق
حتي وهو يدور عليها بشنطته الخفيفه وهو جالس بغيت انطل علي راسه اكبر شنطه معنا علشان ما يتعودها
المهم صرنا بموقف لانحسد عليه والرحله موعدها قريب ومافيه رحله ثانيه الا بعد يوم كامل....ّّ!!!!
ضحكت الموظفه عليه وقالت مو مشكله رح اتصل من تلفونات الفنادق بالمطار...فعلا راح واتصل وجلس يهوش يعني تري السبب منكم بزعمه علشان محد يلومه.....!!!
الفندق قال اصلا انت ماطلبت الجوازات بس مو مشكله راح نرسلها بسياره خاصه وعلي وجه السرعه بس انتظرونا عند البوابه الخارجيه
وتعال شف عاد اهو عند باب وانا عند باب ويمكن يوصل ويمكن مايوصل..الين شرف سواق الفندق وجاب الجوازات...
عاد من العجله السواق وهو ينتظر بخشيش او اي شي ربعك يهوجسون بالرحله وعسي الرحله ماتفووت
هذا بصراحه من المواقف والمواقف كثيره واتمني ما اكون طولت عليكم ...تحياتي...,,,