السلام عليكم
كيف حالكم عساكم بخير
عليكم السلام ورحمة الله وبركاتة
الحمدلله نحن بخير بفضل من الله
باذن الله بيجيني مبلغ وحابه اسافر الصين انا واخويا بتاجر بالملابس النسائيه
عندي كم سوال حابه احد يجاوبني عليها
1- ابغى اعرف كم تكلفة التذاكر من السعوديه للصين ؟

• 3200 على الخطوط السعودية في الاوقات العاديه اللي مافيها معارض ..

2- هل لازم بطاقة فيزا ( قرات بعضهم يقولو لازم ) وادا لازم كيف اطلعها قبل مااسافر

• في الصين مو لازم وخذيها من واحد عايش بالصين انا لي أكثر من سنتين بطاقتي الفيزا مااستخدمتها ولا احتجت لها ونسيت أصلا إن عندي بطاقة فيزا يعني مايحتاج إلا في حالة بتحجزي فندق عبر النت ..

3- وايش الفندق اللي سعرو مو مكلف والمطاعم

• الفنادق كثير ولكن تحديد الفندق يتطلب منك تحديد للوقت وللمدينه اللي تزوريها ..

4- وين اسواقهم المشهوره ( ابغى بضاعه ممتازه ماتكون رديئه )

• أسواق كوانزوا في الملابس أفضل لك ..

5- كم يحتاج اقعد بالصين عشان اشتري بضاعتي وكم التكلفه

• على حسب إختيارك وتوفر مايناسبك لكن أعتقد أن 10 ايام كافيه بحول الله

6- هل لازم يكون عندي بريد عشان ارسل اللي اشتريه ولا مو لازم

• إذا بضاعتك مافيها اي شي تقليد ماركه يكون أفضل تسويلك حساب في أرامكس

مش لازم لازم ولكن أفضل لك .. اما إذا كانت بضاعتك فيها حاجات تقليد شركات الشحن الرئيسيه ماحتقبلها لذلك حتضطري تشوفي لك وكيل شحن يشحنها لك بحيث انو يوصلك البضاعه لعندك
7- وايش المكاتب اللي تنصحوني فيها عشان اشحن بضاعتي ؟

• إدارة الموقع تمنع عناوين وأرقام المكاتب في الموقع

اسالتي كتيره خ
بالنسبه للمترجم اخويا يعرف انجليزي الحمدلله بس مو مره يعني تعتبر ممتازه

• اخوك يعرف إنجليزي لكن الصينيين لا بيعرفوا إنجليزي ولا عربي فالمترجم ضروري في بعض الأوقات ..

صحيح كثير أوقات الواحد يقدر يمشي حاله .. لكن تجي لحظه الواحد ممكن ينجلط ههه
لانو ماحيلقى اي شخص يفهم ايش يبغى
وجزاكم الله خير
وياك اختي

جزاك الله خير اخوي سكر
طيب بالنسبه لفتح حساب بارامكس لازم تكون عندي بطاقة فيزا ولا مو شرط
وهل التذكره تكلفتها روحه ورجعه او لا
والله يديم عليك الصحه والعافيه ع اجابتي وبارك الله في وقتك وعملك

حاجه كمان ، كم المبلغ اللي يكفيني تعتقد بحكم انك دايما تروح الصين
وجزاك الله خير واعتذر عالاسئله الكتيره