ضعي للخبراء والشباب موعد الرحلة متى الاقلاع ومتى الوصول حتى يخططوا معك لرحلتكم إن شاء الله .. أي الرحلة الدولية .

شكرا اخوي د خيال
نحن لين الحين ما حجزنا وكانا امقررين على تاريخ 14-7وكانا ناسين ان شهر رمضان بيكون تقريبا 20-7فمابيكون في وقت كافي للرحلة واليهال يبون تقريبا 15 يوم فتنصحوني نروح والا ناخر للعيد

يا خبراء اريد مساعدتكم ونصائحكم

عادي السفر في رمضان انا حاجز العوده 2 رمضان
باذن الله

أهلآ أختنا الغالية ( أم محمد )
أسأل الله أن يكتب لكم رحلة موفقة وطيبة ... اللهم آمين ...
أبشري أختنا الكريمة ... كلنا أخوانكِ هنا بالمساعدة بأذن الله ..
المطلوب حاليآ :
1) تحديد موعد السفر وحجز الطيران الدولي بسرعة ... لأن أغلب الرحلات بدأت ( تغلق ) رحلاتها
2) بعد حجز الطيران الدولي ... كل شيء سهل ... وأعتبروا نفسكم بماليزيا
3) قبل الرحلة بشهر ( أو ) من الأن ... نحجز الطيران الداخلي والفنادق ... خطوة خطوة
كما ذكرت ... النقطة الأهم ... حجز الطيران الدولي ... وكل اللي بعده سهل والله العظيم
نصيحة :
إذا تقدرون تسافرون بعد العيد ... يكون أحسن
لأن الجواء تتحسن ... والأسعار تنزل ... والسياح تقل أعدادهم

مشكور اخوي وافي صعب السفر بعد العيد والسبب اجازة بو العيال وما نقدر نسافر الا قبل رمضان باسبوع علشان متقيدين بمواعيد حفلات زفاف لاشخاص مهمين بالنسبة لنا
لهذه الاسباب تاجل سفرنا ...........وما المدة التي نحتاج اليها هناك هل 12 يوم تكفي وهل الاماكن السياحية تكون مفتوحة اثناء شهر رمضان

أهلا أختي
ماليزيا في رمضان زي في شعبان ماعندهم خصوصية لرمضان يعني الحدائق والأسواق كلعا تفتح بالنهار
لذا أقترح إذا تقدروا تقدموا سفركم لو 3 أو 4 أيام يكون أفضل ولو لحق يومين أو ثلاثة من رمضان فلا بأس
فهل هذا ممكن؟
بالنسبة للفترة الأفضل 14 يوم لكن لو 12 علشان ظروف رمضان فلا بأس

ما اقدر اقدم السفر
بس انحاول اناخر لعقب العيد اذا قدرنا اناخر اجازة ابو العيال

بغيت اعرف متى نهاية العام الدراسي ومتى بداية العام الدراسي الجديد بعد العيد بكم يوم في مدارس الامارات
اذا في واقت كافي بعد العيد للسفر او نلغي فكرة السفر السنة