حياك الله يالغالي ..
بصراحة ماليزيا ( لاتطاق ) في هذه الأوقات :
1) العطلة الصيفية
2) عطلة نهاية رأس السنة ( أواخر ديسمبر )
في هذه الأوقات من السنة ( الأسعار غالية جدآ + عدد السياح كبير )
من رأيئ المتواضع تأخر ( الرحلة ) شهر أو تقدمها شهر ...
وافي

من تجربة أنسب وقت لزيارة ماليزيا شهر يناير ..
مثل ما قال خبيرنا في نهاية ديسمبر ترتفع الاسعار ويكثر السياح باختلافهم عرب واجانب ..

احب السهر
حياكِ الله أختنا الكريمة ( أم نواف )
كلامك عين الصواب ... شهر يناير من أنسب الأوقات لزيارة ماليزيا
وافي

دائما الخبير بامور ماليزيا .. سباق للخير والنصيحة .. شكرا اخي الكريم وافي

شوف لو انت حاب التسوق .. بشهر ديسمبر تكون تخفيضات هائله ..
مو مثل البعض هنا يدبل السعر ويقول خصم 50 بالميه ..
والزحمه تكثر من عيد الكريسمس الي هو يوم 25 لحد نهاية الشهر ..
ومن ناحية الأمطار أتوقع ديسمبر موسمها ولكن لاداع للقلق تحتاج مظله ..
وبعد كذا لما يوقف المطر كأنه مانزل ..يعني عاملين حسابهم ..
أذكر مره كنت أتعشى والطاوله كانت بالخارج .. ونزل المطر .. على طول جابو مظله كبيره .. وصار أحلى عشا ..
نتمنى لك رحله ممتعه ..

ابوهاشم1
تسلم والله يابو هاشم يالغالي
كلامك ( تاج على رأسي ) ... الله يسعدك ويرزقك السعادة في الدنيا والآخرة ...
وافي

يزاكم الله خير
قبل العام كانت اجازة الربيع بشهر يناير وسافرنا لماليزيا وكانت رائعه بفضل الله ثم منتداكم
بس الحين غيرو الاجازه وصارت بديسمبر يعني مااقدر اجدم ولا ااخر
شفتو كيف الوهقه!

شوف ياخوي ,,لا وهقة ولا شي ,,
دام محددة اجازتك بهالوقت استمتع بها ,,
صح ماليزيا تكون زحمة لكن الاجواء جميلة بس تفادوا الزحام في مدن الالعاب والقطارات والتليفريك ,,
يعني حاول تكون زيارتك لهالاماكن مو ويكند قد ما تقدر ,,,
اتمنى لكم رحلة سعيدة