أخي الكريم حياك الله في منتدى العرب المسافرون ...
بالنسبة لسؤالك عن أسعار التذاكر في شهر ديسمبر .. يوافق ذو القعدة عندنا .. طبعا أكيد إن التذاكر راح تكون أرخص من الآن لكن ما في سعر ثابت كل سنة تفرق الأسعار عن السنة اللي قبلها .. قبل سنتين تقريبا في شهر ذو القعدة كانت التذكرة ب1200 ريال تقريبا .. أما عن الفنادق فكرتك حلوة تحجز يومين من بلدك و بقية الأيام تتعامل مع مكتب سياحي في ماليزيا .. خاصة لأن الوقت اللي أخترته ما راح تكون في زحمة كثير .. عندك مكتب تيتار موجودة أرقامه في المواضيع المثبتة ..
موفق إن شاء الله ..

شكرا لك على الرد السريع وجزاك الله خيرا لكن هل تنصحون بذلك الحجز من مكاتب ماليزيا علما بان سوف اقضي شهر العسل في تلك الفتره , كما انني اشاهد الاسعار مرتفعه للفنادق في ذلك الوقت كما ارجو افادتي بكيفية الحجز من هناك وافضل مكتب وموقعه

أخي الكريم ما دام إنك رايح شهر عسل أفضلك و أريحلك
لو ترتب البرنامج و تحجز من بلدك و الكل إن شاء الله ما راح يقصر معاك
نعطيك الفنادق اللي تناسب ميزانيتك إن شاء الله ..
أما بالنسبة لأسعار الفنادق في ذلك الوقت أعتقد إنها ارخص منها في الوقت الحالي ..

اختي العربيه انا سبق لي وان سافرت ماليزيا وحجزت من جده مافي داعي اذكر اسم المكتب لكن كانت الغرف مو حسب الطلب كمان اخذو مني حق تاكسي وما شفت احد هناك يستقبلني واخذت تاكسي على حسابي فياليت تدليني على احد مكاتب جده الممتازين والمجربه من قبل والا قي الغرف الي انا طلبتها وكيف اتاكد من كدا مو اتورط زي المره الى فاتت
والف شكر لك اختي العربيه وجزاك الله خير

ماذا عن الفورمولا ون يقال انها في ديسمبر ويناير والاسعار تزيد في هذا الوقت

أخي اسير المرام احنا تعاملنا مع المكتب السعودي للطيران مكتبهم في مركز المدينة في طريق المدينة ...
و تراهم موثوقين .. أما إذا حبيت تحجز أول يومين من بلدك و بقية الأيام من هناك ..
ممكن تراسل أحد المكاتب الماليزية و تحجز و ترتب أمورك قبل ما تسافر ..
عندك مكتب الأخ أبو غدي تيتار تراه ما يقصر و الأرقام راح تلاقيها في المواضيع المثبتة ..
أما عن الفورمولا و الله ما أدري عنها لكن اللي أعرفه إن الخطوط الماليزية تخفض أسعار التذاكر لان الطيارات تروح فاضية ..
عاد على آخر ذو القعدة و أول ذو الحجة الأسعار تكون أرخص و أرخص .. للسبب نفسه ..

اخي العزيز
الفورمولا ون من 18الى 22 مارس 2005 واسعار الفنادق تكون مرتفعه والحجوزات صعبه فقط في كوالا.
اتمنى اكون افدتك

بالنسبة للتذاكر اخوي اتوقع انها تكون بحدود 1500
تزيد او تنقص قليلاً
كانت لي تجربه في شهر واحد ميلادي ( يناير) من هذه السنة
يعني يعني تقدر تقول على اخر ديسمبر
حيث كلفتني التذكره على طيران السعودية 1500 ريال ذهاب وعودة
وسمعت ان الطيران الماليزي كان مسوي عرض مع التذكرة
اقامة مجانية 10 ايام في كوالا لمبور فنادق مختاره
هذا بالنسبة للطيران
اما بالنسبة للفنادق اعتقد في كوالا لمبور مافيه مشكلة
لاكن بينانق تاكد اخوي الفنادق هناك محدودة وانا رايي تحجز من هنا افضل
اذكر ان حنا مالقينا ولا غرفه فاظيه هناك لفينا كل بينانق ولا فيه فايده وبغينا نسكن وسط المدينة
الين ربك سهلها من عنده ,,, طبعا كانت رحلتنا رحلة شباب,,
وبالتوفيق اخوي ,,,

اخي ابو عبد العزيز
انا سوف اسافر في نفس الوقت الي انت سافرت فيه واود اسالك بعض الاسئله
مت بدات تحجز يوم انا سافرت في اخر ديسمبر ؟ وهل حجزت السكن من هنا؟ وكيف كان الجو بماليزيا؟
كم كلفك السكن باليلله وماهو اسعار الفنادق خمس نجوم؟
شاكرا لك حسن الجواب